प्रेरितो 26:18 - Halbi

¹⁸ कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

परमेस्वर को सच्चो वचन ख जाननू

¹⁸ कि तू उनकी आँखी खोले कि वी अंधेरा से उजाला की तरफ अऊर सैतान को हक परमेस्वर की तरफ फिरे, पाप हुन की माफी अर वी अदमी हुन को संग जो मो पर भरोसा करनो से सुध्द करीया गया हैं वी छुटकारा पाय।

प्रेरितो 26:18 ပူးပေါင်းရင်းမြစ်များ

मत्ती 4:10

तेबे ईशु हुनचो ले बल्लो, “हे शयतान दूर होऊन जा, कसनबल्लोने लिकलोर आसे: ‘तुय परबु आपलो माहापुरू के पाँय पड़, आउर मात्र हुनचेई उपास कर।’”

मत्ती 4:16

जोन लोग माहापुरू चो सत के नी जानते रवत हुनमन माहापुरू चो बड़े सत के दकला; आउर जोन मरना चो देश आउर छांय ने बसु रवत, हुनमन उपरे उजर बरली।”

लूका 1:77

कि हुनचो लोगमन के मुक्ति चो गिआन देओ, जोन हुनमन चो पापमन चो छमा ले मिरेसे।

लूका 1:79

कि अंधार आउर मरना चो छांय ने बसतो बितामन के उजर देओ, आउर आमचो पाँयमन के अच्छा बाट ने सीदा चला ओ।”

लूका 2:32

कि हुन दुसर जातिमन के उजर देतो काजे उजर, आउर तुचो निज लोग इस्राएल चो महिमा होओ।”

लूका 24:45

तेबे हुन पवितर शास्त्र बुजतो काजे हुनमन चो समज के खोलुन दिलो,

लूका 24:47

आउर यरूशलेम ले धरून सपाय जातिमन ने मन फिराव चो आउर पापमन चो छमा चो परचार, हुनचेई नाव ले करा जायेदे।

लूका 4:18

“परबु चो आत्मा मोचो उपरे आसे, ऐईकाजे कि हुन कंगालमन के नगतखबर सुनातो काजे मोचो अभिषेक करलो से, आउर मोके ऐईकाजे पठालो से कि बन्दीमन के छुटकारा चो आउर कानामन के नजर पावतोर नगतखबर परचार करेंदे आउर चेपाय होलो लोग के छंडायेंदे,

यूहन्ना 17:17

सत चो दुआरा हुनमन के पवितर कर: तुचो बचन सत आय।

यूहन्ना 3:19

आउर डण्ड चो हुकुम चो कारन ऐ आय कि उजर जगत ने ईली से, आउर मानेमन अंधार के उजर ले खुबे लाड़ जानला कसनबल्लोने हुनमन चो काम खराप रये।

यूहन्ना 4:10

ईशु जबाप दिलो, “अगर तुय माहापुरू चो बरदान के जानतीस आउर ये बले जानतीस कि हुन कोन आय जोन तुचो ले बलें सें, ‘मोके पानी पिआव,’ तेबे तुय हुनचो ले मांगतीस, आउर हुन तुके जीवना चो पानी देतो।”

यूहन्ना 4:14

मान्तर जोन कोनी हुन पानी थानले पिये दे जोन मय हुनके देयें दें, हुन फेर अनंत काल तक पिआसा नी होये दे; मान्तर जोन पानी मय हुनके देयें दें, हुन हुन थाने गोटक झरन बनुन जाये दे जोन अमर जीवना चो काजे उमड़ते रये दे।”

यूहन्ना 8:12

ईशु फेर लोगमन ले बल्लो, “जगत चो उजर मय आंय; जोन मोचो पाटे होये दे हुन अंधार ने नी चले दे मान्तर जीवना चो उजर पाये दे।”

यूहन्ना 9:39

तेबे ईशु बल्लो, “मय ऐ जगत ने नियाय करतो काजे ईले से, बल्ले जोनमन नी दकोत हुनमन दकोत, आउर जोनमन दके सोत हुनमन काना होऊन जाओत।”

यूहन्ना 9:5

जिदलदाय ले मय जगत ने आंसे, तेबे तक जगत चो उजर आंय।”

प्रेरितो 10:43

हुनचो सपाय अगम गिआनी गोहई देऊ आत कि जोन कोनी हुनचो उपरे बिश्वास कर दे, हुनके हुनचो नाव चो लागुन पापमन चो छमा मिरे दे।

प्रेरितो 13:47

कसनबल्लोने परबु आमके ऐ हुकुम दिलो से, मय तुके दुसर जातिमन चो काजे उजर थेबाले से, बल्ले तुय धरतनी चो कोनया मुक्ति चो बाट हो।

प्रेरितो 15:9

आउर बिश्वास चो लागुन हुनमन चो मन शुद्ध करून आमचो ने आउर हुनमन ने काई भेद नी संगालो।

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 20:21

मान्तर यहूदीमन आउर यूनानीमन चो पुरे गोहई देते रले कि माहापुरू चो बाटे मन फिराहा आउर आमचो परबु ईशु मसीह उपरे बिश्वास करतोर आसे।

प्रेरितो 20:32

आउर अदायं मय तुमके माहापुरू के, आउर हुनचो अनुग्रह चो बचन के सोपुन देयें से; जोन तुमचो उन्नती करूक सके आउर सपाय पवितर करा गेलो लोगमन ने सामिल करून मीरास देऊक सके।

प्रेरितो 26:19

आउर हे राजा अग्रिप्पा, मय हुन सरग चो दरशन चो गोठ नी टालले,

प्रेरितो 26:23

कि मसीह के दुक उठाऊक पड़े दे, आउर हुनी सपाय ले पयले मरलो बितामन थानले जीव उठून भाती, आमचो लोगमन ने आउर दुसर जातिमन ने उजर चो परचार करे दे।

प्रेरितो 3:19

ऐईकाजे, मन फिरावा आउर बाहाडून ईआ कि तुमचो पाप मेटुन जाओ, जेचो ले परबु चो पुरे ले विश्रांति चो दिन ऐओ,

प्रेरितो 5:31

हुनी के माहापुरू परबु आउर मुक्तिकरू थेबाऊन भाती, आपलो उजा हाथ थाने डेंग करून दिलो, कि हुन इस्राएलीमन के मन फिराव चो शक्ति आउर पापमन चो छमा देओ।

रोमियो 8:17

आउर अगर पिला आंव तो हकदार बले, मान्तर माहापुरू चो हकदार आउर मसीह चो संगवारी हकदार आंव, कि जिदलदाय आमी हुनचो संगे दुख उठावां तेबे हुनचो संगे महिमा बले पावां।

1 कुरिन्थियो 1:2

माहापुरू चो हुन कलीसिया चो नाव जोन कुरिन्थुस ने आसे, बल्लोने हुनमन चो नाव जोन मसीह ईशु ने पवितर कराया गेला, आउर पवितर होतो काजे हाग दिया गेला सोत; आउर हुन सपाय चो नाव बले जोन हर जगा आमचो आउर आपलो परबु ईशु मसीह चो नाव ले पारथना करू आत।

1 कुरिन्थियो 1:30

मान्तर हुनचेई बाटले तुमी मसीह ईशु ने आसास, जोन माहापुरू चो बाटले आमचो काजे गिआन थेबलो, बल्लोने धरम, आउर पवितरता, आउर छुटकारा;

2 कुरिन्थियो 4:4

आउर हुन बिश्वासिमन काजे, जेचो अकल ऐ संवसार चो ईश्पर आन्दा करून दिलो से, बल्ले मसीह जोन माहापुरू चो सवरूप आय, हुनचो तेजमय नगतखबर चो उजर हुनमन उपरे नी बरो।

2 कुरिन्थियो 4:6

ऐईकाजे कि माहापुरू ची आय, जोन बल्लो, “अंधार थानले उजर बरो,” आउर हुनी आमचो मन-मन ने बरली कि माहापुरू चो महिमा चो पयचान चो उजर ईशु मसीह चो थोमना ले उजर होओ।

2 कुरिन्थियो 6:14

बिश्वासिमन चो संगे असमान जुआंड़ी ने नी जोपा, कसनबल्लोने धारमिकता आउर अधरम चो काय मेल-जोल? नाहले उजर आउर अंधार चो काय मेल?

गलातियो 2:20

मय मसीह चो संगे कुरूस उपरे चेगाया गेले से, अदायं मय जीव नी रले, मान्तर मसीह मोचो ने जीव आसे; आउर मय देंह ने अदायं जोन जीव आंसे तो मात्र हुन बिश्वास ले जीव आंसे जोन माहापुरू चो बेटा उपरे आसे, जोन मोके मया करलो आउर मोचो काजे आपन खुद के देउन दिलो।

गलातियो 3:14

ऐ ऐईकाजे होली कि अब्राहाम चो आशीष मसीह ईशु ने दुसर जातिमन लगले पहुँचो, आउर आमी बिश्वास चो लागुन हुन आत्मा के परापत करवां जेचो बायदा होली से।

गलातियो 3:2

मय तुमचो ले मात्र ऐ जानुक चाहायें से कि तुमी आत्मा के, काय नियम चो काममन ले नाहले बिश्वास चो खबर ले पावलास?

इफिसीयो 1:11

हुनी थाने जोन थाने आमी बले हुनचेई मन ले जोन आपलो इच्छा चो मत चो अनुसार सपाय काई करू आय, पयले ले ठेबाया जाऊन भाती हकदार बनु

इफिसीयो 1:14

हुन हुनचो घेनलो बिती चो छुटकारा चो काजे आमचो हक चो बयाना आय, कि हुनचो महिमा चो स्तुति होओ।

इफिसीयो 1:18

आउर तुमचो मन चो आँईकमन उजर मय होओ कि तुमी जाना कि हुनचो बुलाहट चो आशा काय आय, आउर पवितर लोगमन ने हुनचो हक चो महिमा चो धन कसन आय,

इफिसीयो 1:7

आमके हुन थाने हुनचो लऊ चो दुवारा छुटकारा, बल्लोने अपराधमन चो छमा, हुनचो हुन अनुग्रह चो धन चो अनुसार मिरली से,

इफिसीयो 2:8

कसनबल्लोने बिश्वास चो दुवारा अनुग्रह ची ले तुमनमन चो मुक्ति होली से; आउर ऐ तुमचो बाटले नुआय, मान्तर माहापुरू चो दान आय,

इफिसीयो 4:18

कसनबल्लोने हुनमन चो अकल अंधार होऊन गेली से, आउर हुन अगिआन चो लागुन जोन हुनमन थाने आसे आउर हुनमन चो मन चो कठर चो लागुन हुनमन माहापुरू चो जीवना ले अलग कराय गेलासे;

इफिसीयो 5:11

अंधार चो ओफल काममन ने शामिल नी हुआ, मान्तर हुनमन उपरे सिक्या दिआस।

इफिसीयो 5:14

ऐईकाजे हुन बलेंसें, “हे सोहतो बितामन, चेत आउर मरलो थानले जीव उठ; तेबे मसीह चो उजर तुचो उपरे चमके दे।”

इफिसीयो 5:8

कसनबल्लोने तुमी तो पयले अंधार राआस मान्तर अदायं परबु ने उजर आहास, मान्तर उजर चो पिलामन चो असन चला।

इफिसीयो 6:12

कसनबल्लोने आमचो ऐ लड़ीई लऊ आउर मास ले नुआय मान्तर परधानमन ले, आउर अधिकारीमन ले, आउर ऐ संवसार चो अंधार चो हाकिममन ले आउर हुन दुष्टता चो आत्मिक पलटनमन ले आय जोन बादरी ने आसोत।

2 तीमुथियुस 2:26

आउर ऐचो लागुन हुनचो इच्छा पुरा करतो काजे चेत होऊन भाती शयतान चो फान्दा ले छुटुन जाओ।

इब्रानियो 10:10

हुनी इच्छा ले आमी ईशु मसीह चो देंह चो गोटक ची हार-बलिदान चेगाया गेलोर दुवारा पवितर कराया गेलु से।

इब्रानियो 10:14

कसनबल्लोने हुन गोटक ची चेगावा चो लागुन हुनमन के जोन पवितर करा जाऊ आत, हरमेशा चो काजे सिद्ध करून दिलो से।

इब्रानियो 11:6

आउर बिश्वास बिना हुनके हरिक करतोर नी होऊक सके; कसनबल्लोने माहापुरू चो लगे ऐतो बितामन के बिश्वास करतोर आय कि हुन आसे, आउर आपलो डगरातो बितामन के करलो फल देऊ आय।

इब्रानियो 9:15

ऐई लागुन हुन नवा बायदा चो मंजार आय, बल्ले हुनचो मरना चो दुवारा जोन पयला बायदा चो समया चो अपराधमन ले छुटकारा पवतो काजे होली से, हाग दिलो लोग बायदा चो अनुसार अमर हक के परापत करोत।

याकूब 2:5

हे मोचो लाड़रा भाईमन, सुना। काय माहापुरू ऐ जगत चो कंगालमन के नी चुनलो कि बिश्वास ने सवकारी आउर हुन राज चो हकदार हुआ, जेचो बायदा हुन हुनमन ले करलो से जोन हुनचो ले मया संगाय सोत?

1 पतरस 1:4

आउर गोटक अमर, आउर निंगल, आउर नी सरतो धन काजे जोन तुमचो काजे सरग ने संगालोर आसे;

1 पतरस 2:25

कसनबल्लोने तुमी पयले भुलकलो बिती मेंडामन चो असन रलास, मान्तर अदायं आपलो परानमन चो राका करू आउर अध्यक्ष चो लगे फिरून ईलासास।

1 पतरस 2:9

मान्तर तुमी गोटक चुनलो बिती बंश, आउर राज पनधारी याजकमन चो समाज, आउर पवितर लोग, आउर (माहापुरू चो) निज परजा आस, ऐईकाजे कि जोन तुमके अंधार थानले आपलो भयंकर उजर ने हाग दिलो से, हुनचो गुन परकट करा।

1यूहन्ना 1:9

मान्तर आमी आपलो पापमन के मानुन्दे, तेबे हुन आमचो पापमन के छमा करतो आउर आमके सपाय अधरम ले शुद्ध करतो ने बिश्वास लायक आउर धरमी आय।

1यूहन्ना 2:12

हे लेकामन, मय तुमके ऐईकाजे लिकें से कि हुनचो नाव ले तुमचो पाप छमा होली से।

1यूहन्ना 3:8

जोन कोनी पाप करू आय हुन शयतान चो बाटले आय, कसनबल्लोने शयतान मुर ले ची पाप करते ईलो से। माहापुरू चो बेटा ऐईकाजे परकट होलो कि शयतान चो काममन के नाश करो।

1यूहन्ना 5:19

आमी जानु से कि आमी माहापुरू ले आंव, आउर सपाय संवसार हुन दुष्ट चो वश ने पढ़ली से।

यहूदा 1:1

यहूदा चो बाटले जोन ईशु मसीह चो दास आउर याकूब चो भाई आय, हुन हाग दिलो बितामन चो नाव जोन माहापुरू बुआ ने लाडरा आउर ईशु मसीह चो काजे अच्छा आसे।

प्रकाशितवाक्य 21:27

मान्तर हुन थाने कोनी अशुद्ध तीज, नाहले घिन-घिना काम करतो बिता, नाहले फंद के बनातो बिता कोनी रीति ले नी ओले, मान्तर मात्र हुन लोग जोनमन चो नाव मेमना चो जीवना चो किताब ने लिकलोर आसे।