प्रेरितो 24:25 - Halbi

²⁵ जिदलदाय हुन धरम, आउर सहन, आउर ऐतो बिता नियाय चो चरचा करते रलो, तेबे फेलिक्स घबराऊन भाती जबाप दिलो, “ऐबे तो जा; मवका दकुन मय तुके फेर हाग देयें दें।”

परमेस्वर को सच्चो वचन ख जाननू

²⁵ जब वी धर्म, अर संयम, अर आन वाले न्याय को चर्चा कर रय्हा हता, ते फेलिक्स न डर ख उत्तर दियो, “अभी तर जा; मी अवसर पा ख तोखा फिर बुलाऊँगो।”

प्रेरितो 24:25 ပူးပေါင်းရင်းမြစ်များ

मत्ती 22:5

मान्तर हुनमन मुंह फेरून जाते गेला: कोनी आपलो बेड़ा बाटे, कोनी आपलो बेबार बाटे।

यूहन्ना 16:8

हुन ऐऊन भाती संवसार के पाप आउर धारमिकता आउर नियाय चो बारे ने बेजबाप करे दे।

प्रेरितो 10:42

आउर हुन आमके हुकुम दिलो कि लोगमन ने परचार करा आउर गोहई दिआस, कि ऐ हुनी आय जोन के माहापुरू जीवता आउर मरलो बितामन चो नियायी ठेबालो से।

प्रेरितो 17:13

मान्तर जिदलदाय थिस्सलुनी चो यहूदी जानुन गेला कि पौलुस बिरीया ने बले माहापुरू चो बचन सुनाऊ आय, तेबे हुता बले ऐऊन भाती लोगमन के हुच हुचाक आउर हुड़दुम करूक मुरयाला।

प्रेरितो 17:2

पौलुस आपलो रीति चो अनुसार हुनमन चो लगे गेलो, आउर तीन सब्त चो दिने पवितर शास्त्रमन ले हुनमन चो संगे गोठ बात करलो;

प्रेरितो 17:32

मरलो बितामन चो जीव उठतोर गोठ सुनुन भाती कितलो तो मजाक उड़ाऊक मुरयाला, आउर कितरो बल्ला, “ऐ गोठ आमी तुचो ले फेर केबीई सुनवां।”

प्रेरितो 2:37

तेबे सुनतो बितामन चो मन भेदुन गेली, आउर हुनमन पतरस आउर बाकी पठालोबितामन के पचारूक मुरयाला, “हे भाईमन, आमी काय करवां?”

प्रेरितो 24:15

आउर माहापुरू ले आशा संगाऊ आंय जोन हुनमन खुद बले संगाऊ आत, कि धरमी आउर अधरमी दुनो चो जीव उठतोर होये दे।

प्रेरितो 24:26

हुनके पौलुस ले खिन्डिक रूपया मिरतोर बले आशा रली, ऐईकाजे आउर बले हाग देऊन हाग देऊन भाती हुनचो ले गोठमन करते रलो।

प्रेरितो 26:28

तेबे राजा अग्रिप्पा पौलुस ले बल्लो, “तुय खिन्डिक ची समजालो ले मोके मसीह बनाऊक चाहाय सीस?”

प्रेरितो 9:6

मान्तर अदायं उठून भाती नंगर ने जा, आउर जोन तुके करतोर आय हुन तुचो ले बोला जाये दे।

रोमियो 12:1

ऐईकाजे हे भाईमन, मय तुमचो ले माहापुरू चो दया सुरता कराऊन भाती बिनती करें से कि आपलो देंहमन के जीवता, आउर पवितर, आउर माहापुरू के भावतो बिती पुजा करून चेगाहा। ऐई ची तुमचो आत्मिक सेवा आय।

रोमियो 14:12

ऐईकाजे आमचो थानले हरकोनी माहापुरू के आपलो-आपलो लेखा देये दे।

रोमियो 2:16

जोन दिने माहापुरू मोचो नगतखबर चो असन ईशु मसीह चो बाटले मानेमन चो गुपत गोठमन चो नियाय करेदे।

1 कुरिन्थियो 4:5

ऐईकाजे जिदलदाय दाय ले परबु नी ऐये, समया ले पयले कोनी गोठ चो नियाय नी करा: हुनी अंधार चो लुकलो गोठमन उजर ने दकाय दे, आउर मनमन चो बिचारमन के परकट करे दे, तेबे माहापुरू चो बाटले हरकोनी चो बड़ाई होये दे।

2 कुरिन्थियो 5:10

कसनबल्लोने जरूरी आय कि आमी सपाय चो हाल मसीह चो नियाय आसन चो पुरे खुलुन जाओ, कि हरकोनी माने आपलो-आपलो अच्छा खराप काममन चो पलटा जोन हुन देंह चो दुवारा करलो से पाओ।

2 कुरिन्थियो 6:2

कसनबल्लोने हुन तो बोलु आय, “आपलो हरिक चो समया मय तुचो सुनले, “आउर मुक्ति चो दिने मय तुचो सायता करले।” दका, ऐबे हुन हरिक चो समया आय; दका, ऐबे हुन मुक्ति चो दिन आय।

गलातियो 3:22

मान्तर पवितर शास्त्र सपाय के पाप चो अधीन करून दिलो, बल्ले हुन बायदा जेचो आधार ईशु मसीह उपरे बिश्वास करतोर आय, बिश्वास करतो बितामन चो काजे पुरा होऊन जाओं।

गलातियो 5:23

सोज, आउर सहन आय, असन-असन काममन चो बिरूद ने काई बले नियम निआय।

2 तीमुथियुस 4:1

माहापुरू आउर मसीह ईशु के गोहई करून जोन जीवतामन आउर मरलो बितामन चो नियाय करे दे, आउर हुनचो परकट होतोर आउर राज चो सुद्धि दियाऊन भाती मय तुके हुकुम देयें से

तीतुस 1:8

मान्तर सगामान करू बिता, भलाई के चाहतो बिता, सहन करू, नियायी, पवितर आउर शांत होओ;

इब्रानियो 12:21

मान्तर हुन दरशन असन डरतो असन रये कि मूसा बल्लो, “मय खुबे डरू आंय आउर थरथरु आंय।”

इब्रानियो 3:13

मान्तर जोन दिन ले आजी चो दिन बल्ला जाऊ आय, हरदिन गोटक दुसर के समजाते राहा, असन नी होओ कि तुमनमन ले कोनी जन पाप चो छंद ने ऐऊन भाती कठोर होऊन जाओत।

इब्रानियो 4:1

ऐईकाजे जिदलदाय कि हुनचो विश्राम ने ओलतोर बायदा ऐबले आसे, तो आमके डरतोर जरूरी आय असन नी होओ कि तुमनमन ले कोनी जन लापी रऊन जाओत।

इब्रानियो 6:2

आउर डूबनमन आउर हाथ संगातोर, आउर मरलो बितामन चो जीव उठतोर, आउर आखरी नियाय चो सिक्या रूपी पाया फेर ले नी डालु।

इब्रानियो 9:27

आउर जसन मानेमन चो काजे गोटक हार मरतोर आउर हुनचो पाचे नियाय चो होतोर नियुक्त आसे,

याकूब 2:19

तुके बिश्वास आसे कि गोटक ची माहापुरू आय, तुय अच्छा करू आस। दुष्टआत्मा बले बिश्वास संगाऊ आत, आउर थरथरु आत।

1 पतरस 3:15

मान्तर मसीह के परबु जानुन भाती आपलो-आपलो मन ने पवितर माना। जोन कोनी तुमचो ले तुमचो आशा चो बारे ने काई पचार दे, हुनके जबाप देतो काजे हरमेशा तिआर राहा, मान्तर नम्रता आउर भय चो संगे;

2 पतरस 1:6

आउर समज थाने सहन, आउर सहन थाने धीरजा, आउर धीरजा थाने भक्ति,

1यूहन्ना 3:10

ऐचीई ले माहापुरू चो पिला आउर शयतान चो पिला जानाय जाऊ आत; जोन कोनी धरम चो काम नी करे हुन माहापुरू ले नुआय, आउर ना हुन जोन आपलो भाई ले मया नी संगाये।

1यूहन्ना 3:7

हे लेकामन, काचीई भरमातो ने नी ईआ। जोन धरम चो कामकरू आय, हुनी हुनचो असन धरमी आय।