प्रेरितो 24:24 - Halbi

²⁴ खिन्डिक दिनमन चो पाचे फेलिक्स आपलो बायले द्रुसिल्ला के, जोन यहूदीनी रली, संगे धरून ईलो आउर पौलुस के हाग देऊन भाती हुन बिश्वास चो बारे ने जोन मसीह ईशु उपरे आसे, हुनचो ले सुनला।

परमेस्वर को सच्चो वचन ख जाननू

²⁴ कुछ दिन हुन को बाद फेलिक्स अपन ओरत द्रुसिल्ला का, जे यहूदी नी हती, संग लेय ख आयो अर पोलुस ख बुलवा ख उ विस्वास का बारे म जे मसी यीसु पर आय, ओसे सुनो।

प्रेरितो 24:24 ပူးပေါင်းရင်းမြစ်များ

मरकुस 6:20

कसनबल्लोने हेरोदेस यूहन्ना के धरमी आउर पवितर माने जानुन भाती हुनचो ले डरते रलो, आउर हुनके बचाऊन संगालो, आउर हुनचो गोठमन सुनुन भाती खुबे घबराते रलो, मान्तर हरिक ले सुनते रलो।

लूका 19:3

हुन ईशु के दकुक चाहते रलो कि हुन कोन आय। मान्तर भीड़ चो लागुन दकुक नी सकते रलो, कसनबल्लोने हुन खुजा रलो।

लूका 23:8

राजा हेरोदेस ईशु के दकुन भाती खुबे ची हरिक होलो, कसनबल्लोने हुन खुबे दिनमन ले हुनके दकुक चाहते रलो; ऐईकाजे कि हुनचो बारे ने सुनु रलो, आउर हुनचो ले काई चिना दकतोर आशा संगाते रलो।

प्रेरितो 16:31

हुनमन बल्ला, “परबु ईशु मसीह चो उपरे बिश्वास कर, तेबे तुय आउर तुचो घरलोगमन मुक्ति पावदे।”

प्रेरितो 20:21

मान्तर यहूदीमन आउर यूनानीमन चो पुरे गोहई देते रले कि माहापुरू चो बाटे मन फिराहा आउर आमचो परबु ईशु मसीह उपरे बिश्वास करतोर आसे।

प्रेरितो 24:25

जिदलदाय हुन धरम, आउर सहन, आउर ऐतो बिता नियाय चो चरचा करते रलो, तेबे फेलिक्स घबराऊन भाती जबाप दिलो, “ऐबे तो जा; मवका दकुन मय तुके फेर हाग देयें दें।”

प्रेरितो 26:22

मान्तर माहापुरू चो सायता ले मय आजी ले बनले से, आउर नानी बड़े सपाय चो पुरे गोहई देये से, आउर हुन गोठमन के छांडुन काई नी बले जोन अगम गिआनीमन आउर मूसा बले बल्लो कि होतो बिती आय,

गलातियो 2:16

तेबले बले ऐ जानुन भाती कि माने नियम चो काममन ले नाई, मान्तर मात्र ईशु मसीह चो उपरे बिश्वास करतोर लागुन धरमी ठेबु आय, आमी खुद बले मसीह ईशु उपरे बिश्वास करलु कि आमी नियम चो काममन ले नाई, मान्तर मसीह उपरे बिश्वास करतोर ले धरमी ठेबलु; ऐईकाजे कि नियम चो काममन ले कोनी जीव धरमी नी ठेबे दे।

गलातियो 2:20

मय मसीह चो संगे कुरूस उपरे चेगाया गेले से, अदायं मय जीव नी रले, मान्तर मसीह मोचो ने जीव आसे; आउर मय देंह ने अदायं जोन जीव आंसे तो मात्र हुन बिश्वास ले जीव आंसे जोन माहापुरू चो बेटा उपरे आसे, जोन मोके मया करलो आउर मोचो काजे आपन खुद के देउन दिलो।

गलातियो 3:2

मय तुमचो ले मात्र ऐ जानुक चाहायें से कि तुमी आत्मा के, काय नियम चो काममन ले नाहले बिश्वास चो खबर ले पावलास?

1यूहन्ना 5:1

जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।

यहूदा 1:3

हे लाडरामन, जिदलदाय मय तुमके हुन मुक्ति चो बारे ने लिकतो ने खुबे मसागत ले तिआर करते रले जोन थाने आमी सपाय शामिल आंसु, तेबे मय तुमके ऐ समजातोर जरूरी जानले कि हुन बिश्वास चो काजे पुरा तिआर करा जोन पवितर लोगमन के गोटक ची हार सोपा जाऊ रली।

प्रकाशितवाक्य 14:12

पवितर लोगमन चो धीरज ऐई थाने आसे, जोन माहापुरू चो हुकुममन के मानु आत आउर ईशु उपरे बिश्वास संगाऊ आत।