प्रेरितो 24:16 - Halbi

¹⁶ ऐचो ले मय खुद बले कोशिश करूं आंय कि माहापुरू चो, आउर मानेमन चो बाटे मोचो बिबक सदा बेकसूर रओ।

परमेस्वर को सच्चो वचन ख जाननू

¹⁶ एको मी तुम भी यत्न करत हूँ कि परमेस्वर की, अर इंसान हुन की तरफ मोरो विवेक सदा निर्दोस रया।

प्रेरितो 24:16 ပူးပေါင်းရင်းမြစ်များ

प्रेरितो 23:1

पौलुस महासभा चो बाटे नजर गड़ाऊन भाती दकलो आउर बल्लो, “हे भाईमन, मय आजी तक माहापुरू चो काजे बिलकुल सत बिबक ले जीवना बिताले से।”

रोमियो 2:15

हुनमन नियम चो गोठमन आपलो-आपलो मन ने लिकलोर दकाऊ आत आउर हुनमन चो बिबक बले गोहई देऊ आय, आउर हुनमन चो बिचार गोटक दुसर थाने दोष लगाऊ नाहले हुनमन के बेकसूर ठेबाऊ आय।

रोमियो 9:1

मय मसीह ने सत बलेंसें, झूठ नी बलें आउर मोचो बिबक बले पवितर आत्मा ने गोहई देऊ आय।

1 कुरिन्थियो 10:32

तुमी ना यहूदीमन, ना यूनानीमन, आउर ना माहापुरू चो कलीसिया चो काजे ठोकर चो कारन बना।

1 कुरिन्थियो 4:4

कसनबल्लोने मोचो मन मोके कोनी गोठ ने दोषी नी ठेबा ये, मान्तर ऐचो ले मय बेकसूर नी ठेबे, कसनबल्लोने मोचो परकतो बिता परबु आय।

2 कुरिन्थियो 1:12

कसनबल्लोने आमी आपलो बिबक चो ऐ गोहई थाने घमण्ड करूं से, कि जगत ने आउर खास करून तुमचो मंजी, आमचो गुन माहापुरू चो लायक असन पवितरता आउर सत संगे रये, जोन शारीरिक गिआन ले नाई मान्तर माहापुरू चो अनुग्रह चो संगे रये।

2 कुरिन्थियो 4:2

मान्तर आमी लाज चो गुपत काममन के तियागुन दिलु, आउर ना चलाक ले चलु आंव आउर ना माहापुरू चो बचन ने मिलावट करू आंव; मान्तर सत के परकट करून, माहापुरू चो पुरे हरकोनी माने चो बिबक ने आपलो भलाई बसाऊ आत।

1 थिस्सलुनीकियो 2:10

तुमी खुद ची गोहई आहास, आउर माहापुरू बले गोहई आय कि तुमी बिश्वासीमन चो मंजी ने आमचो बेवहार कसन पवितर आउर धारमीक आउर बेकसूर रली।

1तीमुथियुस 1:19

आउर बिश्वास आउर हुन अच्छा बिबक के थामुन रा, जेके दूर करतोर लागुन कितलोमन चो बिश्वास रूपी जाहाज बुडून गेली।

1तीमुथियुस 1:5

हुकुम चो सारांश ऐ आय कि शुद्धमन आउर अच्छा बिबक, आउर कपट रहित बिश्वास ले मया उपजास होओ।

1तीमुथियुस 3:9

मान्तर बिश्वास चो भेद के शुद्ध बिबक ले बचाऊन संगा ओ।

2 तीमुथियुस 1:3

जोन माहापुरू चो सेवा मय आपलो बुआ दादीमन चो रीति थाने शुद्ध बिबक ले करें से, हुनचो धन्यबाद होओ कि मय आपलो पारथनामन ने तुके सरलगा सुरता करूं आंय,

तीतुस 1:15

शुद्ध लोगमन चो काजे सपाय तीजमन शुद्ध आय, मान्तर अशुद्ध आउर बिश्वासिमन चो काजे काई बले शुद्ध नुआय, मान्तर हुनमन चो अकल आउर बिबक दुनो अशुद्ध आय।

इब्रानियो 10:22

तेबे ईआ, आमी सत मन आउर पुरा बिश्वास चो संगे, आउर बिबक चो दोष लापी करतो काजे कारजा थाने छिड़काव धरून भाती, आउर देंह के शुद्ध पानी ले धुआऊन भाती माहापुरू चो लगे जाऊ।

इब्रानियो 13:18

आमचो काजे पारथना करते राहा, कसनबल्लोने आमके भरसा आसे कि आमचो बिबक शुद्ध आय आउर आमी सपाय गोठमन ने अच्छा चाल चलुक चाहाऊं से।

इब्रानियो 9:14

तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा।

1 पतरस 2:19

कसनबल्लोने अगर कोनी माहापुरू चो बिचार करून अनियाय ले दुख उठाते-उठाते कलेश सहु आय तेबे ऐ बड़ीया आय।

1 पतरस 3:16

आउर बिबक बले शुद्ध संगाहा, ऐईकाजे कि जोन गोठमन चो बारे ने तुमचो बदनामी होऊ आय हुनमन चो बारे ने हुनमन जोन मसीह ने तुमचो अच्छा चाल-चलन चो बेईजित करू आत, बेईजित होओत।

1 पतरस 3:21

हुनी पानी चो कहनी बले, बल्लोने डूबन, ईशु मसीह चो जीव उठलोर दुवारा, अदायं तुमके बचाऊ आय; ऐचो ले देंह चो मईल के धुर करतोर मतलब नुआय, मान्तर शुद्ध बिबक ले माहापुरू चो वश ने होऊन जातोर मतलब आय।