प्रेरितो 24:14 - Halbi

¹⁴ मान्तर मय तुचो पुरे ऐ माने से कि जोन बाट के हुनमन कुपन्थ बोले सोत, हुनचेई रीति थाने मय आपलो बुआ दादीमन चो माहापुरू चो सेवा करूं आंय; आउर जोन गोठमन नियम आउर अगम गिआनीमन चो किताब ने लिकलोर आसे, हुन सपाय थाने बिश्वास करूं आंय।

परमेस्वर को सच्चो वचन ख जाननू

¹⁴ पर मी तोरो सामे यू मान लेहूँ हूँ कि जे पंथ ख वी रस्ता कहत हैं, उही की रीति पर मी अपन बापदादा हुन को परमेस्वर की सेवा करत हूँ; अर जे बात नेम अर भविस्यवक्ता हुन को किताब म लिखी हैं उन सब पा विस्वास करू हूँ।

प्रेरितो 24:14 ပူးပေါင်းရင်းမြစ်များ

मत्ती 10:32

“जोन कोनी मानेमन चो पुरे मोके मानेदे, हुनके मय बले आपलो सरग चो बुआ चो पुरे मानेंदे।

मत्ती 22:40

ऐई ची दुय हुकुममन पुईतराय नियम आउर अगम गिआनीमन चो आधार आय।”

मत्ती 7:12

ऐई लागुन जोन काई बले तुमी मन करसास कि माने तुमचो संगे करोत, तुमी बले हुनमन संगे असने ची करा; कसनबल्लोने माहापुरू चो नियम आउर अगम गिआनीमन चो सिक्या ऐई आय।

लूका 1:70

(जसन हुन आपलो पवितर अगम गिआनीमन चो बाटले जोन जगत चो मुर ले होते ईली से, बोलु रलो,)

लूका 16:16

“नियम आउर अगम गिआनी यूहन्ना लगले रवत; हुन समया ले माहापुरू चो राज चो नगतखबर सुनाया जाये से, आउर हरकोनी हुन थाने हिम्मत ले ओले से।

लूका 16:29

अब्राहाम हुनचो ले बल्लो, ‘हुनमन चो लगे तो मूसा आउर अगम गिआनीमन चो किताबमन आसे, हुनमन हुनचेई सुनोत।’

लूका 24:27

तेबे हुन मूसा ले आउर सपाय अगम गिआनीमन ले आरम करून सपाय पवितर शास्त्रमन थानले आपलो बारे ने लिकलोर गोठमन चो अरत, हुनमन के समजाऊन दिलो।

लूका 24:44

फेर हुन हुनमन ले बल्लो, “ऐ मोचो हुन गोठमन आय, जोन मय तुमचो संगे रतो दाय तुमचो ले बोलुन रले कि जरूरी आय कि जितरो गोठमन मूसा चो नियम आउर अगम गिआनीमन आउर भजनमन चो किताबमन ने मोचो बारे ने लिकलोर आसे, सपाय पुरा होओ।”

यूहन्ना 1:45

फिलिप्पुस नतनएल के भेट होलो आउर हुनचो ले बल्लो, “जेचो बरनन मूसा नियम ने आउर अगम गिआनीमन करला सोत, हुन आमके मिरली; हुन यूसुफ चो बेटा, ईशु नासरी आय।”

प्रेरितो 10:43

हुनचो सपाय अगम गिआनी गोहई देऊ आत कि जोन कोनी हुनचो उपरे बिश्वास कर दे, हुनके हुनचो नाव चो लागुन पापमन चो छमा मिरे दे।

प्रेरितो 13:15

नियम आउर अगम गिआनीमन चो किताब ले पढ़लोर पाचे आराधना घर चो सरदारमन हुनमन चो लगे बुलावा पठाला, “हे भाईमन, अगर लोगमन चो उपदेश चो काजे तुमचो मन ने काई गोठ आसे तो बोला।”

प्रेरितो 15:5

मान्तर फरीसीमन चो गुट ले जोनमन बिश्वास करू रला, हुनमन थानले कितलो उठून भाती बल्ला, “हुनमन के खतना करातोर आउर मूसा चो नियम के मानतोर हुकुम देतोर आसे।”

प्रेरितो 19:23

हुन समया हुन बाट चो बारे ने बड़े कोलार होली।

प्रेरितो 19:9

मान्तर जिदलदाय खिन्डिक लोगमन कटर होऊन भाती हुनचो नी मानला मान्तर लोगमन चो पुरे ऐ बाट के खराप बोलुक मुरयाला, तेबे हुन हुनमन के छांडुन दिलो आउर चेलामन के अलगाऊन दिलो, आउर रोजे दिना तुरन्नुस चो गिआनगुड़ी ने गोठ बात करते रलो।

प्रेरितो 22:14

तेबे हुन बल्लो, आमचो बुआ दादीमन चो माहापुरू तुके ऐईकाजे ठेबालो से कि तुय हुनचो इच्छा के जान, आउर हुन धरमी के दक आउर हुनचो मुंह ले गोठमन सुन।

प्रेरितो 24:22

फेलिक्स, जोन ऐ बाट चो गोठमन ठीक-ठीक जानते रलो, हुनमन के ऐ बोलुन भाती टरकान दिलो, “जिदलदाय पलटन चो सरदार लुसियास ऐये दे, तेबे तुमचो गोठमन चो फयसला करे दे।”

प्रेरितो 24:5

कसनबल्लोने आमी ऐ माने के उपद्रवी आउर जगत चो पुईतराय यहूदीमन ने राजद्रोह करातो बिता, आउर नासरीमन चो कुपन्थ चो मुखिया पावलु से।

प्रेरितो 25:8

मान्तर पौलुस जबाप दिलो, “मय ना तो यहूदीमन चो नियम चो आउर ना मंदिर चो, आउर ना राजा चो बिरूद कोनी गलती करले से।”

प्रेरितो 26:22

मान्तर माहापुरू चो सायता ले मय आजी ले बनले से, आउर नानी बड़े सपाय चो पुरे गोहई देये से, आउर हुन गोठमन के छांडुन काई नी बले जोन अगम गिआनीमन आउर मूसा बले बल्लो कि होतो बिती आय,

प्रेरितो 26:27

हे राजा अग्रिप्पा, काय तुय अगम गिआनीमन चो बिश्वास करू आस? हव, मय जाने कि तुय बिश्वास करू आस।

प्रेरितो 26:4

मोचो चाल-चलन मुर ले आपलो जाति चो मंजी आउर यरूशलेम ने जसन रये, हुन सपाय यहूदी जानोत।

प्रेरितो 26:6

आउर अदायं हुन बायदा ने आशा चो कारन जोन माहापुरू आमचो बुआ दादीमन ले करू रलो, मोचो उपरे पेशी चलाये से।

प्रेरितो 28:22

मान्तर तुचो बिचार काय आसे? हुनी आमी तुचो ले सुनुक मन करूं से, कसनबल्लोने आमी जानु से कि हर जगा ऐ मत चो बिरूद ने लोग गोठमन करू आत।

प्रेरितो 28:23

तेबे हुनमन हुनचो काजे गोटक दिन ठेबाला, आउर खुबे असन लोग हुनचो थाने रूंड़ा होला, आउर हुन माहापुरू चो राज चो गोहई देते, आउर मूसा चो नियम आउर अगम गिआनीमन चो किताबमन ले ईशु चो बारे ने समजाऊन-समजाऊन भाती बड़े बिहान ले सांज तक बरनन करते रलो।

प्रेरितो 3:13

अब्राहाम आउर इसाक आउर याकूब चो माहापुरू, आमचो बुआ दादीमन चो माहापुरू आपलो सेवा करू ईशु चो महिमा करलो, जेके तुमी धरालास, आउर जिदलदाय पिलातुस हुनके छांडतोर बिचार करलो, तेबे तुमी हुनचो पुरे हुनचो इन्कार करलास।

प्रेरितो 5:30

आमचो बुआ दादीमन चो माहापुरू ईशु के जिआ लो, जेके तुमी कुरूस थाने लटकाऊन भाती मारून दिलास।

प्रेरितो 7:32

“मय तुचो बुआ दादीमन, अब्राहाम, इसाक आउर याकूब चो माहापुरू आंय।” तेबे मूसा थरथरुन गेलो, ऐथा ले कि हुनके दकतोर हिम्मत नी रली।

प्रेरितो 9:2

आउर हुनचो ले दमिश्क चो आराधना घरमन चो नाव थाने ऐ इच्छा चो चिठ्ठीमन मांगलो कि काय माने काय बायले लेकी, जोनमन के हुन ऐ बाट ने पाओ हुनमन के बान्दुन भाती यरूशलेम धरून आनो।

रोमियो 1:9

माहापुरू जेचो सेवा मय आपलो आत्मा ले हुनचो बेटा चो नगतखबर चो बारे ने करेंसे, हुनी मोचो गोहई आय कि मय तुमके कसन परकार सरलगा सुरता करते रऊ आंय,

रोमियो 3:21

मान्तर अदायं नियम ले अलग माहापुरू चो हुन धारमिकता उजागर होली से, जेचो गोहई नियम आउर अगम गिआनी देऊ आत,

1 कुरिन्थियो 11:19

कसनबल्लोने दल बन्दी बले तुमनमन ने जरूर होयेदे, ऐईकाजे कि जोन लोग तुमनमन ने खर आसोत हुनमन परकट होऊन जादे।

गलातियो 5:20

मुरती सेवा, टोनहा, बईर, झगड़ा, डाह, रीस, बिरूद, फूट, बिधरम,

2 तीमुथियुस 1:3

जोन माहापुरू चो सेवा मय आपलो बुआ दादीमन चो रीति थाने शुद्ध बिबक ले करें से, हुनचो धन्यबाद होओ कि मय आपलो पारथनामन ने तुके सरलगा सुरता करूं आंय,

तीतुस 3:10

कोनी पाखंडी के गोटक दुयहार समजाऊन-बुजान भाती हुनचो ले अलग रा,

1 पतरस 1:11

हुनमन ऐ गोठ चो खोज करला कि मसीह चो आत्मा जोन हुनमन थाने रये, आउर पयले ले ची मसीह चो दुकमन चो बाटे हुनचो पाचे होतो बिती महिमा चो गोहई देते रये, हुन कोन ले आउर कसन समया चो बाटे ईसारा करते रलो।

प्रकाशितवाक्य 19:10

तेबे मय हुनके पाँय पढ़तो काजे हुनचो पाँयमन थाने घसरुन पड़ले। हुन मोचो ले बल्लो, “दक, असन नी कर, मय तुचो आउर तुचो भाईमन चो संगवारी दास आय जोन ईशु चो गोहई देतो थाने थीर आसे। माहापुरू के ची पाँय पड़।” कसनबल्लोने ईशु चो गोहई अगम गोठ चो आत्मा आय।