प्रेरितो 22:16 - Halbi

¹⁶ अदायं केंव बेर कर सीस? उठ, डूबन धर, आउर हुनचो नाव धरून भाती आपलो पापमन के धोई हो।

परमेस्वर को सच्चो वचन ख जाननू

¹⁶ अब काहे टेमं करा हैं? उठ बपतिस्मा ले अर ओको नाम ले ख अपनो पाप धो ड़ाल।

प्रेरितो 22:16 ပူးပေါင်းရင်းမြစ်များ

यूहन्ना 13:8

पतरस हुनचो ले बल्लो, “तुय मोचो पाँय केबीई नी धोऊक सकसे!” ऐ सुनुन भाती ईशु हुनचो ले बल्लो, “अगर मय तुके नी धोयें दें, तो मोचो संगे तुचो काई बले मेल निआय।”

प्रेरितो 2:21

आउर जोन कोनी परबु चो नाव धरेदे, हुन मुक्ति पायदे।

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 7:59

हुनमन स्तिफनुस उपरे पकना मारते रवत, आउर हुन ऐ बोलुन भाती पारथना करते रलो, “हे परबु ईशु, मोचो आत्मा के गरहन कर।”

प्रेरितो 9:14

आउर ऐथा बले ऐके परधान याजकमन चो बाटले अधिकार मिरली से कि जोन लोग तुचो नाव धरू आत, हुन सपाय के बान्दोत।

प्रेरितो 9:18

आउर तुरते हुनचो आँईकमन ले छाल असन घसरली आउर हुन दकुक मुरयालो, आउर उठून भाती डूबन धरलो;

1 कुरिन्थियो 1:2

माहापुरू चो हुन कलीसिया चो नाव जोन कुरिन्थुस ने आसे, बल्लोने हुनमन चो नाव जोन मसीह ईशु ने पवितर कराया गेला, आउर पवितर होतो काजे हाग दिया गेला सोत; आउर हुन सपाय चो नाव बले जोन हर जगा आमचो आउर आपलो परबु ईशु मसीह चो नाव ले पारथना करू आत।

1 कुरिन्थियो 12:13

कसनबल्लोने आमी सपाय काय यहूदी होओत काय यूनानी, काय दास होओ काय छुटछाड़ा, गोटक ची आत्मा चो बाटले गोटक देंह होतो काजे डूबन धरलु, आउर आमी सपाय के गोटक ची आत्मा पिआया गेली।

1 कुरिन्थियो 6:11

आउर तुमनमन ले कितरो असने ची रवत, मान्तर तुमी परबु ईशु मसीह चो नाव ले आउर आमचो माहापुरू चो आत्मा ले धुआ गेलास आउर पवितर होलास आउर धरमी ठेबलास।

गलातियो 3:27

आउर तुमनमन ले जितरो लोग मसीह ने डूबन धरला सोत हुनमन मसीह के पींदला सोत।

इफिसीयो 5:26

कि हुनके बचन चो दुवारा पानी चो नाहलो ले शुद्ध करून पवितर बनाओ,

तीतुस 3:5

तेबे हुन आमचो मुक्ति करलो; आउर ऐ धरम चो काममन चो लागुन नुआय, जोन आमीमन खुद करलु, मान्तर आपलो दया चो अनुसार नवा जनम चो नाहातोर आउर पवितर आत्मा चो आमके नवा बनातोर बाटले होली।

इब्रानियो 10:22

तेबे ईआ, आमी सत मन आउर पुरा बिश्वास चो संगे, आउर बिबक चो दोष लापी करतो काजे कारजा थाने छिड़काव धरून भाती, आउर देंह के शुद्ध पानी ले धुआऊन भाती माहापुरू चो लगे जाऊ।

1 पतरस 3:21

हुनी पानी चो कहनी बले, बल्लोने डूबन, ईशु मसीह चो जीव उठलोर दुवारा, अदायं तुमके बचाऊ आय; ऐचो ले देंह चो मईल के धुर करतोर मतलब नुआय, मान्तर शुद्ध बिबक ले माहापुरू चो वश ने होऊन जातोर मतलब आय।