प्रेरितो 21:16 - Halbi

¹⁶ कैसरिया ले बले कितलो चेलामन आमचो संगे होला, आउर आमके मनासोन नाव चो साइप्रस चो गोटक जुना चेला चो थाने धरून आनला, कि आमी हुनचो थाने ठेबु।

परमेस्वर को सच्चो वचन ख जाननू

¹⁶ कैसरिया से भी कुछ चेला हमरो संग म हो लियो। अर हम ख मनासोन नामक साइपरस को एक पुरानो चेला को यहाँ ले आया, कि हम ओको यहाँ रूके।

प्रेरितो 21:16 ပူးပေါင်းရင်းမြစ်များ

प्रेरितो 10:24

दुसर दिने हुनमन कैसरिया पहुँचला, आउर कुरनेलियुस आपलो कुटुममन आउर लाड़रा मीतमन के रूंड़ा करून हुनमन चो बाट दकते रलो।

प्रेरितो 10:48

आउर हुन हुकुम दिलो कि हुनमन के ईशु मसीह चो नाव ले डूबन दिया जाओ। तेबे हुनमन हुनके गुहार करला कि हुन खिन्डिक दिन आउर हुनमन चो संगे रओ।

प्रेरितो 11:19

जोन लोग हुन कलेश चो लागुन जोन स्तिफनुस चो कारन पडु रली, जतखत होऊन जाऊ रवत, हुनमन फिरते-फिरते फिनिके आउर साइप्रस आउर अन्ताकिया ने पोंचला; मान्तर यहूदीमन के छांडुन कोनी आउर के बचन नी सुनाते रवत।

प्रेरितो 15:39

आउर असन झगड़ा उठली कि हुनमन गोटक दुसर ले अलग होऊन गेला; आउर बरनबास, मरकुस के धरून जाहाज थाने साइप्रस जाते गेलो।

प्रेरितो 15:7

तेबे पतरस खुबे बोला-बल्ली होऊन गेलोर पाचे उबा होऊन भाती हुनमन के बल्लो, हे भाईमन, तुमी जानास कि खुबे दिन होली माहापुरू तुमचो थानले मोके चुनलो कि मोचो मुंह ले दुसर जातिमन नगतखबर चो बचन सुनुन भाती बिश्वास करोत।

प्रेरितो 21:8

दुसर दिने आमी हुता ले जाऊन भाती कैसरिया ने ईलु, आउर फिलिप्पुस नगतखबर परचारकरू चो घर ने जोन सात झान मन थानले गोटक रलो; जाऊन भाती हुनचो थाने रलु।

प्रेरितो 4:36

यूसुफ नाव साइप्रस चो गोटक लेवी रलो जेचो नाव पठालोबितामन बरनबास (बल्लोने शान्ति चो बेटा) संगाऊ रला।

प्रेरितो 8:40

फिलिप्पुस अशदोद ने ऐऊन निकरलो, आउर जिदलदाय ले कैसरिया ने नी अमरलो, तेबे तक नंगर-नंगर नगतखबर सुनाते गेलो।

रोमियो 16:7

अन्द्रुनीकुस आउर युनियास के जोन मोचो कुटुम चो आत, आउर मोचो संगे कयद होऊ रवत आउर पठालोबितामन ने नामी आत, आउर मोचो ले पयले मसीह होऊ रवत, जुहार।

फिलेमोन 1:9

तेबे बले मय डोकरा पौलुस के जोन अदायं मसीह ईशु चो काजे कयदी आंय, ऐ आउर बले अच्छा जान पढ़ली कि मया ले बिनती करें।