प्रेरितो 21:13 - Halbi

¹³ मान्तर पौलुस जबाप दिलो, “तुमी काय करसास कि गागुन-गागुन भाती मोचो मन टुटायासास? मय तो परबु ईशु चो नाव चो काजे यरूशलेम ने ना मात्र बान्दा जातोर ची काजे मान्तर मरतो काजे बले तिआर आसे।”

परमेस्वर को सच्चो वचन ख जाननू

¹³ पर पोलुस न जवाब दियो, “तुम का करा हैं कि रो-रो ख मोरो मन तोड़ा हैं? मी तो प्रभु यीसु को नाम को लाने यरूसलेम म नी केवल बाँधी जान ही को लाने पर मरन को लाने भी तैयार हैं।”

प्रेरितो 21:13 ပူးပေါင်းရင်းမြစ်များ

प्रेरितो 20:24

मान्तर मय आपलो जीव के काई नी समजे कि हुनके लाड़ जाने, मान्तर ऐ कि मय आपलो परानी के आउर हुन सेवा के पुरा करें दें, जोन मय माहापुरू चो अनुग्रह चो नगतखबर थाने गोहई देतो काजे परबु ईशु ले पावले से।

प्रेरितो 20:37

तेबे हुनमन सपाय खुबे गागला आउर पौलुस के पटारी होऊन भाती हुनके चुमुक मुरयाला।

प्रेरितो 5:41

हुनमन ऐ गोठ ले हरिक होऊन भाती माहासभा चो पुरे ले जाते गेला, कि आमी हुनचो नाव चो काजे बेईजित होतो लायक तो ठेबलु।

प्रेरितो 9:16

आउर मय हुनके सांगेंदें कि मोचो नाव चो काजे हुनके कसन-कसन दुक उठाऊक पड़ेदे।

1 कुरिन्थियो 15:31

हे भाईमन, मोके हुन घमण्ड चो किरिया जोन आमचो मसीह ईशु ने मय तुमचो बारे ने करूं आंय कि मय रोजे दिना मरू आय।

फिलिप्पियो 2:17

अगर मोके तुमचो बिश्वास रूपी बलिदान आउर सेवा चो संगे आपलो लऊ बले बोहड़ाऊक पड़ो, तेबे बले मय हरिक आसे आउर तुमी सपाय चो संगे हरिक करूं आंय।

फिलिप्पियो 2:26

कसनबल्लोने हुनचो मन तुमी सपाय ने लगु रली, ऐ लागुन हुन बाय बिकाल रते रलो कसनबल्लोने तुमी हुनचो बेमार चो हाल सुनुन रलास।

कुलुस्सियो 1:24

अदायं मय हुन दुखमन चो लागुन हरिक करें से, जोन तुमचो काजे उठाऊँ आंय आउर मसीह चो कलेशमन चो ऊना हुनचो देंह चो काजे, बल्ले कलीसिया चो काजे, आपलो देंह ने पुरा करू आंय;

2 तीमुथियुस 1:4

आउर तुचो आँसुमन चो सुद्धि करून-करून रात दिन तुचो ले भेट करतोर आशा संगाऊ आय कि हरिक ले भरून जायें।

2 तीमुथियुस 4:6

कसनबल्लोने अदायं मय पुजा ने चेगालो तीज चो असन रिकाया जाऊँ आंय, आउर मोचो निकरून जातोर समया ऐऊन पहुँचली से।

2 पतरस 1:14

कसनबल्लोने ऐ जाने से कि मोचो डेरा के घसराया जातोर समया झटके ऐतो बिती आय, जसन कि आमचो परबु ईशु मसीह मोचो उपरे परकट करलो से।

प्रकाशितवाक्य 12:11

“हुनमन मेमना चो लऊ चो लागुन आउर आपलो गोहई चो बचन चो लागुन हुनचो उपरे जयवन्त होला, आउर हुनमन आपलो जीवमन के लाड़ नी जानला, ऐथाले कि मरना बले सहला।”

प्रकाशितवाक्य 3:10

“तुय मोचो धीरज चो बचन के थामली सीस, ऐईकाजे मय बले तुके परीक्षा चो हुन समया बचाऊन संगायदे जोन धरतनी थाने रतो बिता के परकतो काजे पुईतराय संवसार थाने ऐतो बिता आय।”