प्रेरितो 21:11 - Halbi

¹¹ हुन आमचो लगे ऐऊन भाती पौलुस चो कटीबंद धरलो, आउर आपलो हाथ पाँय बान्दुन भाती बल्लो, “पवितर आत्मा ऐ बले से कि जोन माने चो ऐ कटीबन्ध आय, हुनके यरूशलेम ने यहूदी ऐई रीति ले बांद दे, आउर दुसर जातिमन चो हाथे सोप दे।”

परमेस्वर को सच्चो वचन ख जाननू

¹¹ ओ ना हमरो जोने आ ख पोलुस को अंगोछा लियो, अर अपना हात पाय बाँध ख कय्हो, “सुध्द आत्मा असो बोला हैं कि जो अदमी को यू अंगोछा आय, ओ ख यरूसलेम म यहूदी असोच ही तरीका से बाँधूँगो, अर दुसरी जात हुन को हात म सोपेगो।”

प्रेरितो 21:11 ပူးပေါင်းရင်းမြစ်များ

यूहन्ना 18:1

ईशु ऐ गोठमन बोलुन भाती आपलो चेलामन संगे किद्रोन नाला चो हुनपाट गेलो। हुता गोटक बारी रये, जोन थाने हुन आउर हुनचो चेलामन गेला।

प्रेरितो 13:2

जिदलदाय हुनमन उपास संगे परबु चो उपास करते रवत, तेबे पवितर आत्मा बल्लो, “मोचो काजे बरनबास आउर शाऊल के हुन काम चो काजे अलग करा जेचो काजे मय हुनमन के हाग दिले से।”

प्रेरितो 16:6

हुनमन फ्रुगिया आउर गलातिया परदेशमन ले होऊन भाती गेला, कसनबल्लोने पवितर आत्मा हुनमन के आसिया ने बचन सुनातो ले मना करलो।

प्रेरितो 20:23

मात्र ऐ कि पवितर आत्मा हर नंगर ने गोहई देऊन-देऊन भाती मोचो ले बोलु आय कि बान्दन आउर कलेश तुचो काजे तिआर आसे।

प्रेरितो 21:33

तेबे पलटन चो सरदार लगे ऐऊन भाती हुनके धरलो; आउर दुय सिकरामन ले बान्दतोर हुकुम देऊन भाती पचारूक मुरयालो, “ऐ कोन आय आउर ऐ काय करलो से?”

प्रेरितो 21:4

चेलामन के भेटुन भाती आमी हुता सात दिन ले रलु। हुनमन आत्मा चो सिकालोर पौलुस के बल्ला कि यरूशलेम ने पाँय नी संगाव।

प्रेरितो 22:25

जिदलदाय हुनमन हुनके बेलुर ले बान्दला तेबे पौलुस हुन सुबेदार ले जोन लगे उबा रये, बल्लो, “काय ऐ ठीक आय कि तुमी गोटक रोमि माने के, आउर हुन बले बिना दोषी ठेबालोर, कोड़ा मारा?”

प्रेरितो 24:27

मान्तर जिदलदाय दुय बरक बितुन गेली तेबे पुरकियुस फेस्तुस, फेलिक्स चो जगा थाने ईलो; आउर फेलिक्स यहूदीमन के खुश करतोर इच्छा ले पौलुस के बन्दी ची छांडुन गेलो।

प्रेरितो 26:29

पौलुस बल्लो, “माहापुरू ले मोचो पारथना आय कि काय खिन्डिक ने काय खुबे ने, मात्र तुय ची नाई मान्तर जितरो लोग आजी मोचो सुनु आत, ऐ बान्दनमन के छांडुन हुनमन मोचो समान होऊन जाओत।”

प्रेरितो 28:17

तीन दिन चो पाचे हुन यहूदीमन चो मुखिया लोगमन के हाग दिलो, आउर जिदलदाय हुनमन रूंड़ा होला तेबे हुनमन ले बल्लो, हे भाईमन, मय आपलो लोगमन चो नाहले बुआ दादीमन चो बेवहारमन चो बिरूद ने काई बले नी करले, तेबले बले बन्दी बनाऊन भाती यरूशलेम ले रोमिमन चो हाथे सोपा गेले।

प्रेरितो 28:20

ऐईकाजे मय तुमके हाग दिले से कि तुमचो ले मिलें दें आउर गोठ बात करें दें; कसनबल्लोने इस्राएल चो आशा काजे मय ऐ सिकरा ले बान्दलोर आंसे।

प्रेरितो 28:25

जिदलदाय हुनमन आपस ने गोटक मत नी होला, तेबे पौलुस चो ऐ गोठ के बोलतो के जाते गेला, पवितर आत्मा यशाया अगम गिआनी चो बाटले तुमचो बुआ दादीमन ले ठीक ची बल्लो,

प्रेरितो 8:29

तेबे आत्मा फिलिप्पुस ले बल्लो, “लगे जाऊन भाती ऐ रत चो संगे हो।”

प्रेरितो 9:16

आउर मय हुनके सांगेंदें कि मोचो नाव चो काजे हुनके कसन-कसन दुक उठाऊक पड़ेदे।

इफिसीयो 3:1

ऐई लागुन मय पौलुस जोन तुमी दुसर जातिमन चो काजे मसीह ईशु चो बन्दी आंय

इफिसीयो 4:1

ऐईकाजे मय जोन परबु ने बन्दी आसे तुमचो ले बिनती करें से कि जोन बुलाहट ले तुमी हाग दिया जाऊ राआस, हुनचो लायक चाल चला,

इफिसीयो 6:20

जेचो काजे मय सिकरा ले बान्दलो बिती राजदूत आंय; आउर ऐ बले कि मय हुनचो बारे ने जसन मोके जरूरत आसे साआस ले बलेंदें।

1तीमुथियुस 4:1

मान्तर आत्मा छुकछुका ले बले से कि ऐतो बिती समयामन ने कितलो लोग भरमातो बिती आत्मामन, आउर दुष्टआत्मामन चो सिक्यामन थाने मन लगाऊन भाती बिश्वास ले भहकुन जादे।

2 तीमुथियुस 2:9

जेचो काजे मय कुकरमी चो असन दुख उठाऊँ आय, ऐथा ले कि कयद बले आंसे; मान्तर माहापुरू चो बचन कयद निआय।

इब्रानियो 10:34

कसनबल्लोने तुमी कयदीमन चो दुक ने बले दुकी होलास आउर आपलो सम्पत्ति बले हरिक ले जटुक दिलास; ऐ जानुन भाती कि तुमचो लगे गोटक आउर बले बड़ीया आउर हरमेशा ठेबतो बिती सम्पत्ति आसे।

इब्रानियो 3:7

आउर जसन पवितर आत्मा बोलु आय, “अगर आजी तुमी हुनचो शब्द सुना,

1 पतरस 1:12

हुनमन उपरे ऐ परकट करा गेली कि हुनमन आपलो नाई मान्तर तुमचो सेवा चो काजे ऐ गोठमन बोला करते रओत, जेचो खबर अदायं तुमके हुनमन चो दुवारा मिरली जोनमन पवितर आत्मा चो दुवारा, जोन सरग ले पटाया गेली, तुमके नगतखबर सुनाला; आउर ऐ गोठमन के सरगदूत बले धिआन ले दकतोर इच्छा संगाऊ आत।