प्रेरितो 20:7 - Halbi

⁷ सपता चो पयला दिने जिदलदाय आमी रोटी टुटातोर काजे रूंड़ा होलु, तेबे पौलुस जोन दुसर दिने जाते जातो बिता रलो, हुनमन चो ले गोठयालो; आउर अधघर राती ले गोठयाते रलो।

परमेस्वर को सच्चो वचन ख जाननू

⁷ हफ्ता को दिन जब हम रोटी खान को लाने इकट्ठा भया ते पोलुस उनसे बात चीत करन लग गयो। ओखा दुसरो रोज ही जानो रा एकोलाने उ आधी रात लक बात चित करते ही रयो।

प्रेरितो 20:7 ပူးပေါင်းရင်းမြစ်များ

मरकुस 16:9

सपता चो पईल दिने बिहान पावते ची हुन जीव उठून भाती बिहान-बिहान मरियम मगदलीनी के जेचो थानले हुन सात दुष्टआत्मामन के निकराऊ रलो, दका दिलो।

लूका 22:19

फेर हुन रोटी धरलो, आउर धन्यबाद करून टुटालो, आउर हुनमन के ऐ बोलते-बोलते दिलो, “ऐ मोचो देंह आय जोन तुमचो काजे दिआ जाये से: मोचो सुरता काजे असने ची करते राहा।”

लूका 24:35

तेबे हुनमन बाट चो गोठमन हुनमन के सांगुन दिला आउर ऐ बले कि हुनमन हुनके रोटी टुटातो समया कसन चिताला।

यूहन्ना 20:1

सपता चो पईल दिने मरियम मगदलीनी बड़े बिहाने अंधार रते ची कबर ने ईला, आउर पकना के कबर ले गुचलोर दकला।

यूहन्ना 20:19

हुनी दिने जोन सपता चो पयला दिन रये, सांज चो समया जिदलदाय हुता चो बाट जाहां चेलामन रवत, यहूदीमन चो डर चो मारे बंद रये, तेबे ईशु ईलो आउर हुनमन चो मंजी उबा होऊन भाती हुनमन ले बल्लो, “तुमके शान्ति मिरो।”

यूहन्ना 20:26

आंट दिन चो पाचे हुनचो चेलामन फेर घर चो भीतरे रवत, आउर थोमा हुनमन चो संगे रये; आउर कपाट बंद रये, तेबे ईशु ईलो आउर हुनमन चो मंजी ने उबा होऊन भाती बल्लो, “तुमके शान्ति मिरो।”

प्रेरितो 16:10

हुनचो ऐ दरशन दकते ची आमी तुरते मकिदुनिया जाऊक मन करलु, ऐ समजुन भाती कि माहापुरू आमके हुनमन के नगतखबर सुनातो काजे हाग दिलो से।

प्रेरितो 2:42

आउर हुनमन पठालोबितामन ले सिक्या पाऊक, आउर संगत संगाऊक, आउर रोटी टुटाऊक, आउर पारथना करतो ने मतभुल रवत।

प्रेरितो 2:46

हुनमन रोजे दिना गोटक मन होऊन भाती मंदिर ने रूंड़ा होते रवत, आउर घरे-घरे रोटी टुटाते-टुटाते हरिक आउर मन चो सोज ले भात खाते रवत,

प्रेरितो 20:11

आउर उपरे जाऊन भाती रोटी टुटालो आउर खाऊन भाती ईतलो बेर ले हुनमन चो संगे गोठयाते रलो कि बिहान पावली। फेर हुन जाते गेलो।

प्रेरितो 20:31

ऐईकाजे चेता राहा, आउर सुरता करा कि मय तीन बरक ले रात दिन आँसु बहाऊन-बहाऊन हरकोनी के जनातोर नी छांडले।

प्रेरितो 20:5

हुनमन पुरे जाऊन भाती त्रोआस ने आमचो बाट टाकते रवत।

प्रेरितो 20:9

आउर यूतुखुस नाव चो गोटक जुआन खिड़की थाने बोसुन भाती घोर झुमा ले लोअते रलो। जिदलदाय पौलुस बेर ले गोठयाते रलो तेबे हुन झुमा चो भर ने तीसर अटारी थानले घसरुन पढ़लो, आउर मरी होलोर उठाया गेलो।

प्रेरितो 28:23

तेबे हुनमन हुनचो काजे गोटक दिन ठेबाला, आउर खुबे असन लोग हुनचो थाने रूंड़ा होला, आउर हुन माहापुरू चो राज चो गोहई देते, आउर मूसा चो नियम आउर अगम गिआनीमन चो किताबमन ले ईशु चो बारे ने समजाऊन-समजाऊन भाती बड़े बिहान ले सांज तक बरनन करते रलो।

1 कुरिन्थियो 10:16

हुन धन्यबाद चो बटका, जेचो उपरे आमी धन्यबाद करूं से; काय मसीह चो लऊ चो सामिलता नुआवं? हुन रोटी जेके आमी टुटाऊ से, काय हुन मसीह चो देंह चो शामिल नुआय?

1 कुरिन्थियो 15:10

मान्तर मय जोन काई बले आय, माहापुरू चो अनुग्रह ले आय। हुनचो अनुग्रह जोन मोचो उपरे होली, हुन फकाहा नी होली; मान्तर मय हुन सपाय ले बडुन भाती मसागत बले करले तेबले बले ऐ मोचो बाटले नी होली मान्तर माहापुरू चो अनुग्रह ले जोन मोचो उपरे रली।

1 कुरिन्थियो 16:2

सपता चो पयला दिने तुमनमन थानले हरकोनी आपलो कमाई चो अनुसार खिन्डिक आपलो लगे संगाऊन छांडा कि मोचो ईलो ने चांदा नी करूक पड़ो।

2 तीमुथियुस 4:2

कि तुय बचन चो परचार कर, समया आउर असमया तिआर रा, सपाय परकार चो सयनशक्ति आउर सिक्या चो संगे उलाहना देस आउर खिज आउर समजाव।

प्रकाशितवाक्य 1:10

मय परबु चो दिने आत्मा ने ईले, आउर आपलो पाटे तुरी चो असन बड़े राग ऐ बोलते सुनले,