प्रेरितो 20:24 - Halbi

²⁴ मान्तर मय आपलो जीव के काई नी समजे कि हुनके लाड़ जाने, मान्तर ऐ कि मय आपलो परानी के आउर हुन सेवा के पुरा करें दें, जोन मय माहापुरू चो अनुग्रह चो नगतखबर थाने गोहई देतो काजे परबु ईशु ले पावले से।

परमेस्वर को सच्चो वचन ख जाननू

²⁴ पर मोरो लाने मोरी जान को कोई मोल नी हाय। मी तो बस वा दऊड धूप अर सेवा ख पुरो करनो चाहूँ हैं जेखा मी न प्रभु यीसु से पायो हैं वा हैं परमेस्वर कि किरपा को सुसमाचार की गवाही देनो।

प्रेरितो 20:24 ပူးပေါင်းရင်းမြစ်များ

लूका 16:28

कसनबल्लोने मोचो पांच भाई आसोत; हुन हुनमन चो पुरे ऐ गोठमन चो गोहई देओ, असन नी होओ कि हुनमन बले ऐ तकलीस चो जगा ने ऐ ओत।’

यूहन्ना 15:27

आउर तुमी बले मोचो गोहई आहास कसनबल्लोने तुमी मुर ले मोचो संगे रलासास।

यूहन्ना 17:4

जोन काम तुय मोके करतो काजे देऊ रलीस, हुनके पुरा करून भाती मय धरतनी थाने तुचो महिमा करले से।

प्रेरितो 1:17

कसनबल्लोने हुन तो आमचो ने गेना गेलो, आउर ऐ सेवा काम ने शामिल होलो।

प्रेरितो 11:23

हुन हुता अमरून भाती आउर माहापुरू चो अनुग्रह के दकुन भाती हरिक होलो, आउर सपाय के उपदेश दिलो कि तन-मन लगाऊन भाती परबु ले लेपटून राहा।

प्रेरितो 13:25

जिदलदाय यूहन्ना आपलो सेवा पुरा करतो थाने रलो, तेबे हुन बल्लो, तुमी मोके काय समजेसास? मय हुन नुआय! मान्तर दका, मोचो पाचे गोटक ऐतो बिता आय, जेचो पाँय चो पनही बले मय हिटातोर लायक नुआय।

प्रेरितो 14:3

हुनमन खुबे दिन ले हुता रला, आउर परबु चो भरसा थाने हिम्मत ले गोठमन करते रवत; आउर हुन हुनमन चो हाथ ले चिना आउर भयंकर काम कराऊन भाती आपलो अनुग्रह चो बचन थाने गोहई देते रलो।

प्रेरितो 15:7

तेबे पतरस खुबे बोला-बल्ली होऊन गेलोर पाचे उबा होऊन भाती हुनमन के बल्लो, हे भाईमन, तुमी जानास कि खुबे दिन होली माहापुरू तुमचो थानले मोके चुनलो कि मोचो मुंह ले दुसर जातिमन नगतखबर चो बचन सुनुन भाती बिश्वास करोत।

प्रेरितो 18:5

जिदलदाय सीलास आउर तीमुथियुस मकिदुनिया ले ईला, तेबे पौलुस बचन सुनातोर धुन ने यहूदीमन के गोहई देऊक मुरयालो कि ईशु ची मसीह आय।

प्रेरितो 20:21

मान्तर यहूदीमन आउर यूनानीमन चो पुरे गोहई देते रले कि माहापुरू चो बाटे मन फिराहा आउर आमचो परबु ईशु मसीह उपरे बिश्वास करतोर आसे।

प्रेरितो 20:23

मात्र ऐ कि पवितर आत्मा हर नंगर ने गोहई देऊन-देऊन भाती मोचो ले बोलु आय कि बान्दन आउर कलेश तुचो काजे तिआर आसे।

प्रेरितो 20:32

आउर अदायं मय तुमके माहापुरू के, आउर हुनचो अनुग्रह चो बचन के सोपुन देयें से; जोन तुमचो उन्नती करूक सके आउर सपाय पवितर करा गेलो लोगमन ने सामिल करून मीरास देऊक सके।

प्रेरितो 21:13

मान्तर पौलुस जबाप दिलो, “तुमी काय करसास कि गागुन-गागुन भाती मोचो मन टुटायासास? मय तो परबु ईशु चो नाव चो काजे यरूशलेम ने ना मात्र बान्दा जातोर ची काजे मान्तर मरतो काजे बले तिआर आसे।”

प्रेरितो 22:21

आउर हुन मोचो ले बल्लो, जाते जा: कसनबल्लोने मय तुके दुसर जातिमन चो लगे लापी-लापी पटायें दें।

प्रेरितो 9:15

मान्तर परबु हुनचो ले बल्लो, तुय जाते जा; कसनबल्लोने हुन तो दुसर जातिमन आउर राजामन आउर इस्राएलीमन चो पुरे मोचो नाव परकट करतो काजे मोचो चुनलो बरतन आय।

रोमियो 11:6

अगर ऐ अनुग्रह ले होली से, तो फेर करम ले नुआय; नी होले अनुग्रह फेर अनुग्रह नी रये।

रोमियो 4:4

कामकरू बितामन चो भुती देतोर दान नुआय, मान्तर हक समजा जाऊ आय।

1 कुरिन्थियो 15:58

ऐईकाजे हे मोचो लाड़रा भाईमन, जमखम आउर अटल राआ, आउर परबु चो काम ने हरमेशा बड़ते जाहा, कसनबल्लोने ऐ जानास कि तुमचो मसागत परबु ने फकाहा नुआय।

2 कुरिन्थियो 12:10

ऐई कारन मय मसीह चो काजे कमजोरीमन ने, आउर निन्दामन ने, आउर दरिदरता ने, आउर उपद्रव ने, आउर संकटमन ने हरिक आंसे; कसनबल्लोने जिदलदाय मय कमजोर होऊँ आंय तेबे बलवन्त होऊ आंय।

2 कुरिन्थियो 4:1

ऐईकाजे जिदलदाय आमचो उपरे असन दया होली कि आमके ऐ सेवा मिरली, तेबे आमी हिम्मत नी छांडु।

2 कुरिन्थियो 4:12

ऐ परकार मरना तो आमचो उपरे असर डालु आय आउर जीव तुमचो उपरे।

2 कुरिन्थियो 5:8

ऐईकाजे आमी हिम्मत बान्दते रऊ आंव, आउर देंह ले अलग होऊन भाती परबु चो संगे रतोर आउर बले उत्तम समजु आंव।

2 कुरिन्थियो 7:4

मय तुमके खुबे हिम्मत चो संगे बलेंसें, मोके तुमचो उपरे बड़े घमण्ड आसे; मय शान्ति ले भरून गेले से। आपलो पूईतराय कलेश ने मय हरिक ले खुबे भरपूर रऊं आय।

गलातियो 1:1

पौलुस चो जोन ना मानेमन चो बाटले आउर ना माने चो बाटले, मान्तर ईशु मसीह आउर माहापुरू बुआ चो बाटले, जोन हुनके मरलो बितामन थानले जिआ लो, पठालोबिता आय।

इफिसीयो 1:6

कि हुनचो हुन अनुग्रह चो महिमा चो स्तुति होओ, जेके हुन आमके आपलो लाडरा बेटा चो बाटले सेंत-मेंत दिलो।

इफिसीयो 3:13

ऐईकाजे मय बिनती करें से कि जोन कलेश तुमचो काजे मोके होये से, हुनचो लागुन साहास नी छांडा, कसनबल्लोने हुनमन ने तुमचो महिमा आसे।

फिलिप्पियो 2:17

अगर मोके तुमचो बिश्वास रूपी बलिदान आउर सेवा चो संगे आपलो लऊ बले बोहड़ाऊक पड़ो, तेबे बले मय हरिक आसे आउर तुमी सपाय चो संगे हरिक करूं आंय।

फिलिप्पियो 2:30

कसनबल्लोने हुन मसीह चो काम काजे आपलो जीवमन थाने खतरा उठाऊन भाती मरना चो लगे ऐऊन जाऊ रलो बल्ले जोन कमी तुमचो बाटले मोचो सेवा ने होली हुनके पुरा करा।

कुलुस्सियो 1:24

अदायं मय हुन दुखमन चो लागुन हरिक करें से, जोन तुमचो काजे उठाऊँ आंय आउर मसीह चो कलेशमन चो ऊना हुनचो देंह चो काजे, बल्ले कलीसिया चो काजे, आपलो देंह ने पुरा करू आंय;

1 थिस्सलुनीकियो 2:2

मान्तर तुमी खुद ची जानेसास कि पयले फिलिप्पी ने दुक उठातोर आउर उपद्रव सहलो थानले बले आमचो माहापुरू आमके असन साहास दिलो, कि आमी माहापुरू चो नगतखबर भारी बिरूदमन चो होते-होते बले तुमके सुनाऊ।

1 थिस्सलुनीकियो 3:3

कि कोनी ऐ कलेशमन चो लागुन ऐ बाटे हुन बाटे नी जाओत। कसनबल्लोने तुमी खुद जानसास कि आमी ऐई मन चो काजे ठेबाया गेलु से।

2 तीमुथियुस 1:12

ऐई लागुन मय ऐ दुखमन के बले उठायें सें, मान्तर लाज नी होयें, कसनबल्लोने मय हुनके जेचो उपरे मय बिश्वास करले से जाने; आउर मोके तय आसे कि हुन मचो अमानत चो हुन दिन ले राका करूक सके।

2 तीमुथियुस 3:11

आउर असन दुखमन ने बले जोन अन्ताकिया आउर इकुनियुम आउर लुस्त्रा ने मोचो उपरे पडुन रये, आउर दुसर दुखमन ने बले जोन मय उठाले से; मान्तर परबु मोके हुन सपाय ले छंडालो।

2 तीमुथियुस 4:17

मान्तर परबु मोचो संगे रलो आउर मोके सामरत दिलो, बल्ले मोचो कारन पुरा-पुरा परचार होओ आउर सपाय दुसर जातिमन सुनोत। मय डुरका चो मुंह ले छंडाया गेले।

तीतुस 1:3

मान्तर ठीक समया थाने आपलो बचन के हुन परचार चो बाटले परकट करलो, जोन आमचो मुक्तिकरू माहापुरू चो हुकुम चो अनुसार मोके सोपाय गेली।

तीतुस 2:11

कसनबल्लोने माहापुरू चो हुन अनुग्रह परकट आसे, जोन सपाय मानेमन चो मुक्ति चो कारन आय,

इब्रानियो 10:34

कसनबल्लोने तुमी कयदीमन चो दुक ने बले दुकी होलास आउर आपलो सम्पत्ति बले हरिक ले जटुक दिलास; ऐ जानुन भाती कि तुमचो लगे गोटक आउर बले बड़ीया आउर हरमेशा ठेबतो बिती सम्पत्ति आसे।

1 पतरस 5:12

मय सिलवानुस चो होते, जेके मय बिश्वास लायक भाई समजु आय कम ने लिकुन भाती तुमके समजाले से, आउर ऐ गोहई दिले से कि माहापुरू चो सत अनुग्रह ऐई आय, ऐई थाने थीर राहा।

1यूहन्ना 3:16

आमी तो मया ऐचीई ले जानलु कि हुन आमचो काजे आपलो जीव दिलो; आउर आमके बले भाईमन चो काजे परान देतोर आसे।

प्रकाशितवाक्य 12:11

“हुनमन मेमना चो लऊ चो लागुन आउर आपलो गोहई चो बचन चो लागुन हुनचो उपरे जयवन्त होला, आउर हुनमन आपलो जीवमन के लाड़ नी जानला, ऐथाले कि मरना बले सहला।”

प्रकाशितवाक्य 6:11

हुनमन थानले हरकोनी के पंडरा फटीई दिया गेली, आउर हुनमन के बोला गेली कि आउर डण्डिक आराम करा, जिदलदाय ले कि तुमचो संगवारी दास आउर भाई जोन तुमचो असन पुजाय होतो बिता आत हुनमन चो बले गेनती पुरा नी होओ।