प्रेरितो 20:21 - Halbi

²¹ मान्तर यहूदीमन आउर यूनानीमन चो पुरे गोहई देते रले कि माहापुरू चो बाटे मन फिराहा आउर आमचो परबु ईशु मसीह उपरे बिश्वास करतोर आसे।

परमेस्वर को सच्चो वचन ख जाननू

²¹ यहूदी हुन अर यूनानी हुन ख मी समान भाव से पाप हुन की छमा को लाने परमेस्वर कि तरफ फिरन की बोलते रयो हैं अर हमारो प्रभु यीसु को विस्वास को उपर उनका चिताते रयो हैं।

प्रेरितो 20:21 ပူးပေါင်းရင်းမြစ်များ

मत्ती 3:2

“मन फिरावा, कसनबल्लोने सरग चो राज लगे ईलीसे।”

मत्ती 4:17

हुन समया ले ईशु परचार करतोर आउर ऐ बोलतोर मुरयालो, “मन फिरावा कसनबल्लोने सरग चो राज लगे ईलीसे।”

मरकुस 1:15

आउर बल्लो, “समया पुरा होली से, आउर माहापुरू चो राज लगे ईली से; मन फिराआ आउर नगतखबर थाने बिश्वास करा।”

मरकुस 6:12

तेबे हुनमन जाऊन भाती परचार करला कि मन फिरावा,

लूका 13:3

मय तुमचो ले बलें सें कि नाई; मान्तर अगर तुमी मन नी फिराआ से तेबे तुमी सपाय बले ऐई रीति ले नष्ट हुआ से।

लूका 13:5

मय तुमचो ले बलें सें कि नाई; मान्तर अगर तुमी मन नी फिराआ से तेबे तुमी सपाय बले ऐई रीति ले नष्ट हुआ से।”

लूका 15:10

मय तुमचो ले बलें सें कि ऐई रीति ले गोटक मन फिरातो बिता पापी चो बारे ने माहापुरू चो सरग दूतमन चो पुरे हरिक होऊ आय।”

लूका 15:7

मय तुमचो ले बलें सें कि ऐई रीति ले गोटक मन फिरातो बिता पापी चो बारे ने बले सरग ने ईतली ची हरिक होये दे, जितरो कि निन्यानबे असन धरमीमन चो बारे नी होये, जोनमन के मन फिरातोर जरूरत निआय।

लूका 16:28

कसनबल्लोने मोचो पांच भाई आसोत; हुन हुनमन चो पुरे ऐ गोठमन चो गोहई देओ, असन नी होओ कि हुनमन बले ऐ तकलीस चो जगा ने ऐ ओत।’

लूका 24:47

आउर यरूशलेम ले धरून सपाय जातिमन ने मन फिराव चो आउर पापमन चो छमा चो परचार, हुनचेई नाव ले करा जायेदे।

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

यूहन्ना 3:36

जोन बेटा उपरे बिश्वास करू आय, अमर जीवना हुनचो आय; मान्तर जोन बेटा चो नी माने, हुन जीवना के नी दकें दें, मान्तर माहापुरू चो रीस हुनचो उपरे रऊ आय।”

प्रेरितो 10:43

हुनचो सपाय अगम गिआनी गोहई देऊ आत कि जोन कोनी हुनचो उपरे बिश्वास कर दे, हुनके हुनचो नाव चो लागुन पापमन चो छमा मिरे दे।

प्रेरितो 11:18

ऐ सुनुन भाती हुनमन ओगाय रला, आउर माहापुरू चो बड़ाई करून बोलुक धरला, तेबे तो माहापुरू दुसर जातिमन के बले जीवन चो काजे मन फिराव चो बर दिलो से।

प्रेरितो 16:31

हुनमन बल्ला, “परबु ईशु मसीह चो उपरे बिश्वास कर, तेबे तुय आउर तुचो घरलोगमन मुक्ति पावदे।”

प्रेरितो 17:30

ऐईकाजे माहापुरू अगिआनता चो समयामन थाने धिआन नी दिलो, मान्तर अदायं हर जगा सपाय मानेमन के मन फिरातोर हुकुम देऊ आय।

प्रेरितो 19:17

ऐ गोठ इफिसुस चो रतो बितामन सपाय यहूदी आउर यूनानी बले जानुन गेला, आउर हुन सपाय उपरे डर छाऊन गेली; आउर परबु ईशु नाव चो बड़पन होली।

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 2:40

हुन खुबे आउर गोठमन ले बले गोहई देऊन भाती समजालो कि आपन खुद के ऐ टेड़गा जाति ले बाचावां।

प्रेरितो 20:23

मात्र ऐ कि पवितर आत्मा हर नंगर ने गोहई देऊन-देऊन भाती मोचो ले बोलु आय कि बान्दन आउर कलेश तुचो काजे तिआर आसे।

प्रेरितो 20:24

मान्तर मय आपलो जीव के काई नी समजे कि हुनके लाड़ जाने, मान्तर ऐ कि मय आपलो परानी के आउर हुन सेवा के पुरा करें दें, जोन मय माहापुरू चो अनुग्रह चो नगतखबर थाने गोहई देतो काजे परबु ईशु ले पावले से।

प्रेरितो 24:24

खिन्डिक दिनमन चो पाचे फेलिक्स आपलो बायले द्रुसिल्ला के, जोन यहूदीनी रली, संगे धरून ईलो आउर पौलुस के हाग देऊन भाती हुन बिश्वास चो बारे ने जोन मसीह ईशु उपरे आसे, हुनचो ले सुनला।

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

प्रेरितो 26:20

मान्तर पयले दमिश्क चो, फेर यरूशलेम चो, आउर तेबे यहूदिया चो पुईतराय देश चो रतो बितामन के, आउर दुसर जातिमन के समजाते रये, कि मन फिराआ आउर माहापुरू चो बाटे फिरून भाती मन फिराव चो लायक काम करा।

प्रेरितो 28:23

तेबे हुनमन हुनचो काजे गोटक दिन ठेबाला, आउर खुबे असन लोग हुनचो थाने रूंड़ा होला, आउर हुन माहापुरू चो राज चो गोहई देते, आउर मूसा चो नियम आउर अगम गिआनीमन चो किताबमन ले ईशु चो बारे ने समजाऊन-समजाऊन भाती बड़े बिहान ले सांज तक बरनन करते रलो।

प्रेरितो 3:19

ऐईकाजे, मन फिरावा आउर बाहाडून ईआ कि तुमचो पाप मेटुन जाओ, जेचो ले परबु चो पुरे ले विश्रांति चो दिन ऐओ,

प्रेरितो 8:25

आउर हुनमन गोहई देऊन भाती आउर परबु चो बचन सुनान भाती यरूशलेम बाटे बाहाडून गेला, आउर सामरीमन चो खुबे असन गाँवमन ने नगतखबर सुनाते गेला।

रोमियो 1:14

मय यूनानीमन आउर दुसर भाषामन चो, आउर अकल बितामन आउर बेअकल बितामन चो करजदार आंय।

रोमियो 1:16

कसनबल्लोने मय नगतखबर ले नी लाज होयें, ऐईकाजे कि हुन हरकोनी बिश्वास करतो बिता चो काजे, पयले तो यहूदी फेर यूनानीमन चो काजे, मुक्ति चो काजे माहापुरू चो सामरत आसे।

रोमियो 10:9

कि अगर तुय आपलो मुंह ले ईशु के परबु जानुन भाती अंगीकार कर, आउर आपलो मन ले बिश्वास करो कि माहापुरू हुनके मरलो बितामन थानले जिआ लो, तेबे तुय जरूर मुक्ति पाव से।

रोमियो 2:4

काय तुय हुनचो किरपा, आउर सयनशक्ति, आउर धीरजरूपी धन के तुच्छ जानसीस? काय ऐ नी समजीस कि माहापुरू चो किरपा तुके मन फिराव के सिकाऊ आय?

रोमियो 4:24

मान्तर आमचो काजे बले जोनमन काजे बिश्वास धारमिकता गेनाय जाय दे, बल्लोने आमचो काजे जोन हुनचो उपरे बिश्वास करू आत जोन आमचो परबु ईशु के मरलो थानले जिआ लो।

रोमियो 5:1

आउर जिदलदाय आमी बिश्वास ले धरमी ठेबलु, तेबे आपलो परबु ईशु मसीह चो कारन माहापुरू चो संगे मेल संगाऊ,

1 कुरिन्थियो 1:22

यहूदी तो चिना चाहाऊं आत, आउर यूनानी गिआन चो खोज ने आसोत,

2 कुरिन्थियो 7:10

कसनबल्लोने माहापुरू-भक्त चो दुक असन पश्तावा पयदा करू आय जेचो फल मुक्ति आय आउर फेर हुनचो ले पश्ताऊक नी पढ़े। मान्तर संवसार चो दुक मरना पयदा करू आय।

गलातियो 2:16

तेबले बले ऐ जानुन भाती कि माने नियम चो काममन ले नाई, मान्तर मात्र ईशु मसीह चो उपरे बिश्वास करतोर लागुन धरमी ठेबु आय, आमी खुद बले मसीह ईशु उपरे बिश्वास करलु कि आमी नियम चो काममन ले नाई, मान्तर मसीह उपरे बिश्वास करतोर ले धरमी ठेबलु; ऐईकाजे कि नियम चो काममन ले कोनी जीव धरमी नी ठेबे दे।

गलातियो 2:20

मय मसीह चो संगे कुरूस उपरे चेगाया गेले से, अदायं मय जीव नी रले, मान्तर मसीह मोचो ने जीव आसे; आउर मय देंह ने अदायं जोन जीव आंसे तो मात्र हुन बिश्वास ले जीव आंसे जोन माहापुरू चो बेटा उपरे आसे, जोन मोके मया करलो आउर मोचो काजे आपन खुद के देउन दिलो।

गलातियो 3:22

मान्तर पवितर शास्त्र सपाय के पाप चो अधीन करून दिलो, बल्ले हुन बायदा जेचो आधार ईशु मसीह उपरे बिश्वास करतोर आय, बिश्वास करतो बितामन चो काजे पुरा होऊन जाओं।

इफिसीयो 1:15

ऐई लागुन, मय बले हुन बिश्वास चो खबर सुनुन भाती जोन तुमी लोगमन ने परबु ईशु थाने आसे आउर सपाय पवितर लोगमन उपरे मया चो खबर सुनुन भाती,

कुलुस्सियो 2:5

मान्तर मय देंह चो भाव ले तुमचो ले लापी आसे, तेबले बले आत्मिक भाव ले तुमचो लगे आसे, आउर तुमचो बने बुनाया जीवना के आउर तुमचो बिश्वास चो, जोन मसीह ने आसे, जमखम दकुन भाती हरिक होऊँ आंय।

फिलेमोन 1:5

कसनबल्लोने मय तुचो हुन मया आउर बिश्वास चो गोठ सुनु आंय, जोन सपाय पवितर लोगमन चो संगे आउर परबु ईशु उपरे आसे।

1यूहन्ना 5:1

जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।

1यूहन्ना 5:5

संवसार थाने जय पावतो बिता कोन आय? मात्र हुन जेचो ऐ बिश्वास आसे कि ईशु, माहापुरू चो बेटा आय।