प्रेरितो 2:43 - Halbi

⁴³ आउर सपाय लोगमन उपरे भय छांई होली, आउर खुबे असन अदभूत काम आउर चिना पठालोबितामन चो बाटले उजागर होते रये।

परमेस्वर को सच्चो वचन ख जाननू

⁴³ अर सब लोग हुन पर डर छा गयो अर बेजा से अदभुत काम अर चिन्ह प्रेरित हुन को दुवारा प्रगट होवा हैं।

प्रेरितो 2:43 ပူးပေါင်းရင်းမြစ်များ

मरकुस 16:17

बिश्वास करतो बितामन ने ऐ चिना हो दे कि हुनमन मोचो नाव ले दुष्टआत्मामन के निकरा दे, नवा-नवा भाषा बोल दे,

लूका 7:16

ऐचो ले सपाय के डर चेपाली, आउर हुनमन माहापुरू चो बड़ाई करून बोलुक मुरयाला, “आमचो मंजी ने गोटक बड़े अगम गिआनी उठलो से, आउर माहापुरू आपलो लोगमन उपरे दयाधरम करलो से।”

लूका 8:37

तेबे गिरासेनीमन चो लगे-लगे चो सपाय लोगमन ईशु के गुहारला कि आमचो ऐथा ले जा; कसनबल्लोने हुनमन उपरे बड़े भय छाऊन रली। आउर हुन ड़ोंगा थाने चेगुन भाती बाहडून गेलो।

यूहन्ना 14:12

“मय तुमचो ले सत-सत बलें सें कि जोन मोचो उपरे बिश्वास संगाऊ आय, ऐ काम जोन मय करू आंय हुन बले करे दे, मान्तर ऐचो ले बड़े काम करे दे, कसनबल्लोने मय बुआ चो लगे जायें सें।”

प्रेरितो 2:22

“हे इस्राएलीमन, ऐ गोठमन सुना ईशु नासरी गोटक माने रलो जेचो माहापुरू चो बाटले होतोर सबुत हुन सामरत चो काममन आउर अकचकित चो काममन आउर चिनामन ले उजागर आसे, जोन माहापुरू तुमचो मंजी हुनचो बाटले करून दकालो जेके तुमी खुदे ची जानेसास।”

प्रेरितो 4:33

पठालोबिता बड़े सामरत ले परबु ईशु चो जीव उठतोर गोहई देते रवत आउर हुन सपाय उपरे बड़े अनुग्रह रली।

प्रेरितो 5:5

ऐ गोठमन सुनते ची हनन्या घसरुन पड़लो आउर जीव छांडुन दिलो, आउर सपाय सुनतो बितामन थाने बड़े डर बसली।

प्रेरितो 9:34

पतरस हुनके बल्लो, “हे एनियास! ईशु मसीह तुके चेंगा करे से। उठ, आपलो ओचना ओचाव।” तेबे हुन तुरते उठून उबा होलो।

प्रेरितो 9:40

तेबे पतरस सपाय के बाहरे करून दिलो, आउर मांडी टेकुन पारथना करलो आउर मोड़ी चो बाटे दकुन भाती बल्लो, “हे तबीता, उठ।” तेबे हुन आपलो आँईक उगाढुन दिली; आउर पतरस के दकुन भाती उठून बसली।