प्रेरितो 2:42 - Halbi

⁴² आउर हुनमन पठालोबितामन ले सिक्या पाऊक, आउर संगत संगाऊक, आउर रोटी टुटाऊक, आउर पारथना करतो ने मतभुल रवत।

परमेस्वर को सच्चो वचन ख जाननू

⁴² अर वी प्रेरित हुन से सिक्छा पान, अर संगति रखन, अर रोटी तोड़न, अर प्रार्थना करन म लोलीन रह।

प्रेरितो 2:42 ပူးပေါင်းရင်းမြစ်များ

लूका 24:30

जिदलदाय हुन हुनमन चो संगे खाऊक लाय बसलो, तेबे हुन रोटी धरून भाती धन्यबाद करलो आउर हुनके टुटाऊन भाती हुनमन के देऊक मुरयालो।

लूका 24:35

तेबे हुनमन बाट चो गोठमन हुनमन के सांगुन दिला आउर ऐ बले कि हुनमन हुनके रोटी टुटातो समया कसन चिताला।

प्रेरितो 1:14

ऐ सपाय कितलो बायले लेकी आउर ईशु चो आया मरियम आउर हुनचो भाईमन चो संगे गोटक मन होऊन भाती पारथना ने लगुन रवत।

प्रेरितो 11:23

हुन हुता अमरून भाती आउर माहापुरू चो अनुग्रह के दकुन भाती हरिक होलो, आउर सपाय के उपदेश दिलो कि तन-मन लगाऊन भाती परबु ले लेपटून राहा।

प्रेरितो 14:22

आउर चेलामन चो मन के थीर करते रला आउर ऐ उपदेश देते रला कि बिश्वास ने बनु राहा; आउर ऐ बोलते रवत, “आमके बड़े कलेश उठाऊन भाती माहापुरू चो राज ने ओलतोर होये दे।”

प्रेरितो 2:46

हुनमन रोजे दिना गोटक मन होऊन भाती मंदिर ने रूंड़ा होते रवत, आउर घरे-घरे रोटी टुटाते-टुटाते हरिक आउर मन चो सोज ले भात खाते रवत,

प्रेरितो 20:11

आउर उपरे जाऊन भाती रोटी टुटालो आउर खाऊन भाती ईतलो बेर ले हुनमन चो संगे गोठयाते रलो कि बिहान पावली। फेर हुन जाते गेलो।

प्रेरितो 20:7

सपता चो पयला दिने जिदलदाय आमी रोटी टुटातोर काजे रूंड़ा होलु, तेबे पौलुस जोन दुसर दिने जाते जातो बिता रलो, हुनमन चो ले गोठयालो; आउर अधघर राती ले गोठयाते रलो।

प्रेरितो 4:23

हुनमन छंडाय होऊन आपलो संगवारीमन चो लगे ईला, आउर जोन काई परधान याजकमन आउर पुरनिमन हुनमन ले बोलु रला, हुनमन के सुनान दिला।

प्रेरितो 4:31

जिदलदाय हुनमन पारथना करून चुकला, तेबे हुन जगा जोन थाने हुनमन रूंड़ा रवत हलुन गेली, आउर हुनमन सपाय पवितर आत्मा ले भरपूर होऊन गेला, आउर माहापुरू चो बचन हिम्मत ले सुनाते रला।

प्रेरितो 6:4

मान्तर आमी तो पारथना ने आउर “बचन चो सेवा ने लगुन रवां।”

रोमियो 12:12

आशा ने हरिक राआ; कलेश ने थीर राआ; पारथना ने हरमेशा लगु राआ।

1 कुरिन्थियो 10:21

तुमी परबु चो बटकामन आउर दुष्टआत्मामन चो बटकामन दुनो थानले नी पीऊक सकास। तुमी परबु चो मेज आउर दुष्टआत्मामन चो मेज दुनो चो शामिल नी होऊक सकास।

1 कुरिन्थियो 11:2

हे भाईमन, मय तुमके सहरायें से कि सपाय गोठमन ने तुमी मोके सुरता करू आहास; आउर जोन रीति रिवाज मय तुमके सोपले से, हुनचो पालन करू आस।

1 कुरिन्थियो 14:6

ऐईकाजे हे भाईमन, अगर मय तुमचो लगे ऐऊन भाती दुसर भाषामन ने गोठयायें दे, आउर उजर नाहले गिआन नाहले अगम गोठ नाहले उद्देश्य चो गोठमन तुमनमन ले नी बोलें, तेबे मोचो ले तुमके काय फायदा होयेदे?

गलातियो 1:6

मोके चकित होऊ आय कि जोन तुमके मसीह चो अनुग्रह ने हाग दिलो हुनचो ले तुमी ईतलो झटके फिरून भाती दुसर ची परकार चो नगतखबर चो बाटे लोऊँक मुरयालास।

इफिसीयो 2:20

आउर पठालोबिता आउर अगम गिआनीमन चो पाया थाने, जेचो कोना चो पकना मसीह ईशु खुद ची आय, बनाया गेलासास।

इफिसीयो 6:18

हर समया आउर सपाय परकार चो आत्मा ने पारथना, आउर गुहार करते राहा, आउर ऐईकाजे चेता राहा कि सपाय पवितर लोगमन चो काजे सरलगा गुहार करते राहा,

फिलिप्पियो 1:5

ऐईकाजे कि तुमी पयला दिन ले धरून भाती आजी ले नगतखबर के फयलातो ने मोचो शामिल रलासास।

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

कुलुस्सियो 4:2

पारथना ने लगुन राहा, आउर धन्यबाद चो संगे हुनचो ने जागरत राहा;

2 तीमुथियुस 3:14

मान्तर तुय हुन गोठमन थाने जोन तुय सिकली सीस आउर बिश्वास करू लीस ऐ जानुन भाती बरसक बनुन रा कि तुय हुनमन के कोन लोगमन ले सिकली सीस,

इब्रानियो 10:25

आउर गोटक दुसर चो संगे रूंड़ा होऊक नी छांडु, जसन कि कितलोमन चो रीति आय मान्तर गोटक दुसर के समजाते रऊ; आउर जसन-जसन हुन दिन के लगे ऐतोर दका असने-असने आउर बले खुबे ऐ करते रहा।

इब्रानियो 10:39

मान्तर आमी गुचतो बिता नुआवं कि नाश होऊन जाऊँ मान्तर बिश्वास करतो बिता आंव कि परानमन के बचाऊं।

1यूहन्ना 1:3

जोन काई आमीमन दकलु आउर सुनलु से हुनचो खबर तुमके बले देऊ से, ऐईकाजे कि तुमी बले आमचो संगे शामिल हुआ; आउर आमचो ऐ सामिलता बुआ चो संगे आउर हुनचो बेटा ईशु मसीह चो संगे आय।

1यूहन्ना 1:7

मान्तर अगर जसन हुन उजर ने आसे, असने ची आमी बले उजर ने चलुन्दे, तेबे गोटक दुसर ले सामिलता संगाऊ आव, आउर हुनचो बेटा ईशु चो लऊ आमके सपाय पापमन ले शुद्ध करू आय।

1यूहन्ना 2:19

हुनमन निकरला सोत तो आमची थानले, मान्तर आमीमन थानचो रला नाई; कसनबल्लोने माना हुनमन आमीमन थानो होता, तेबे आमचो संगे रता; मान्तर निकरून ऐईकाजे गेला कि ऐ परकट होओ कि हुनमन सपाय आमीमन थानो नुआत।

यहूदा 1:20

मान्तर हे लाडरामन, तुमी आपलो खुबे पवितर बिश्वास ने उन्नती करते-करते आउर पवितर आत्मा ने पारथना करते-करते,