प्रेरितो 2:39 - Halbi

³⁹ “कसनबल्लोने ऐ बायदा तुमी, आउर तुमचो पिलामन, आउर हुन सपाय लापी-लापी चो लोगमन काजे बले आय जोनमन के परबु आमचो माहापुरू आपलो लगे हाग देये दे।”

परमेस्वर को सच्चो वचन ख जाननू

³⁹ काहेकि यू प्रतिग्या (वादा) तुम, अर तुम्हरो बच्चे हन, अर उ सब दूर-दूर ख लोग हुन क लियो भी हैं जेको प्रभु हमार परमेस्वर अपन नजीक बुलाएगो।”

प्रेरितो 2:39 ပူးပေါင်းရင်းမြစ်များ

प्रेरितो 10:45

आउर जितरो खतना करलोर बिश्वासी पतरस चो संगे ऐऊन रवत, हुनमन सपाय चकित होला कि दुसर जातिमन उपरे बले पवितर आत्मा चो बर उँढ़ेला गेली से

प्रेरितो 14:27

हुता पोंचुन भाती हुनमन कलीसिया रूंडा करलो आउर सांगला कि माहापुरू हुनमन चो संगे होऊन भाती कसन बड़े-बड़े काम करलो, आउर दुसर जातिमन चो काजे बिश्वास चो कपाट उगाढुन दिलो।

प्रेरितो 15:14

शिमोन सांगलो कि माहापुरू पयले-पयले दुसर जातिमन ने कसन दयाधरम करलो कि हुनमन थानले आपलो नाव चो काजे गोटक लोग बना ओ।

प्रेरितो 15:3

आउर कलीसिया हुनमन के कितलो दूर ले पोंचाला; आउर हुनमन फिनिके आउर सामरिया ले होते-होते दुसर जातिमन चो मन फिरातोर खबर सुनाते गेला, आउर सपाय भाई खुबे हरिक होला।

प्रेरितो 15:8

मन चो जाचतो बिता माहापुरू हुनमन के बले आमचो असन पवितर आत्मा देऊन भाती हुनमन चो गोहई दिलो;

रोमियो 11:29

कसनबल्लोने माहापुरू चो बरदान आउर बुलाहट अटल आय।

रोमियो 8:30

फेर जोनमन के हुन पयले ले ठेबालो, हुनमन के हाग दिलो बले; आउर जोनमन के हाग दिलो, हुनमन के धरमी बले ठेबालो; आउर जोनमन के धरमी ठेबालो, हुनमन के महिमा बले दिलो से।

रोमियो 9:24

बल्लोने आमचो उपरे जोनमन के हुन ना मात्र यहूदीमन थानले, मान्तर दुसर जातिमन थानले बले हाग दिलो।

रोमियो 9:4

हुनमन इस्राएली आत, हकदार चो हक, महिमा, बायदामन, नियम चो ईनाम, माहापुरू चो उपास, आउर बचनमन हुनी ची मन चो आय।

1 कुरिन्थियो 7:14

कसनबल्लोने असन मनुक जोन बिश्वास नी संगाये, हुन बायले चो लागुन पवितर ठेबु आय; आउर असन बायले जोन बिश्वास नी संगाये, मनुक चो लागुन पवितर ठेबु आय; नाहले तुमचो पिला-झिला अशुद्ध होता, मान्तर अदायं तो पवितर आसोत।

इफिसीयो 1:18

आउर तुमचो मन चो आँईकमन उजर मय होओ कि तुमी जाना कि हुनचो बुलाहट चो आशा काय आय, आउर पवितर लोगमन ने हुनचो हक चो महिमा चो धन कसन आय,

इफिसीयो 2:12

तुमीमन हुन समया मसीह ले अलग, आउर इस्राएल चो परजा चो पन ले अलग करलो बिती, आउर बायदा चो बायदामन चो भागी नी राआस, आउर आशा हीन आउर जगत ने ईश्पर नाहलो रलास।

इफिसीयो 4:4

गोटक ची देंह आय, आउर गोटक ची आत्मा; जसन तुमके जोन हाग दिया जाऊ राआस आपलो हाग दिया गेलो ले गोटक ची आशा आसे।

2 थिस्सलुनीकियो 1:11

ऐईकाजे आमी सदा तुमचो काजे पारथना बले करूं आंव कि आमचो माहापुरू तुमके ऐ हाग दिया जातोर चो लायक समजो, आउर भलाई चो हरकोनी इच्छा आउर बिश्वास चो हरकोनी काम के सामरत संगे पुरा करो,

2 तीमुथियुस 1:9

जोन आमचो मुक्ति करलो आउर पवितर बुलाहट ले हाग दिलो, आउर ऐ आमचो काममन चो असन नुआय; मान्तर हुनचो उद्देश्य आउर हुन अनुग्रह चो कारन आय जोन मसीह ईशु ने पयले ले आमचो उपरे होली से,

इब्रानियो 3:1

ऐईकाजे हे पवितर भाईमन, तुमी जोन सरग चो बुलाहट ने भागी आसास, हुन पठालोबिता आउर माहायाजक ईशु थाने जेके आमी अंगीकार करूं आंव, धिआन करा।

इब्रानियो 9:15

ऐई लागुन हुन नवा बायदा चो मंजार आय, बल्ले हुनचो मरना चो दुवारा जोन पयला बायदा चो समया चो अपराधमन ले छुटकारा पवतो काजे होली से, हाग दिलो लोग बायदा चो अनुसार अमर हक के परापत करोत।

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।

2 पतरस 1:10

ऐई लागुन हे भाईमन, आपलो हाग दिलोर, आउर चुनलो के सिद्ध करतोर अच्छा तरीका ले कोशिश करते जाहा, कसनबल्लोने अगर असन करा से तो केबीई बले ठोकरना नी खाआ से;

2 पतरस 1:3

कसनबल्लोने हुनचो माहापुरू चो सामरत ने सपाय तीज जोन जीवना आउर भक्ति ले सम्बंध संगाऊ आय, आमके हुनचेई पयचान चो दुवारा दिलो से, जोन आमके आपलो ची महिमा आउर सद गुन चो अनुसार हाग दिलो से।

प्रकाशितवाक्य 17:14

“हुनमन मेमना संगे लड़ दे, आउर मेमना हुनमन उपरे जय पाये दे, कसनबल्लोने हुन परबुमन चो परबु आउर राजामन चो राजा आय, आउर जोन हाग दिलोर आउर चुनलो आउर बिश्वासी आत हुनमन हुनचो संगे आसोत; हुनमन बले जय पावदे।”

प्रकाशितवाक्य 19:9

तेबे सरगदूत मोचो ले बल्लो, “ऐ लिक, कि धन्य हुनमन आत, जोन मेमना चो बिहा चो भोज ने हाग दिलोर आसोत।” फेर हुन मोचो ले बल्लो, “ऐ बचन माहापुरू चो सत बचन आय।”