प्रेरितो 2:38 - Halbi

³⁸ पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

परमेस्वर को सच्चो वचन ख जाननू

³⁸ पतरस न ओसे कय्हो, “मन फिराओ, अर अपना पाप हुन माफी पान को लाने तुम म से हर एक ख यीसु मसी क नाम से बपतिस्मा लेनू चहिए; अर तुम ख परमेस्वर को सुध्द आत्मा को वरदान मिलेगो।

प्रेरितो 2:38 ပူးပေါင်းရင်းမြစ်များ

मत्ती 28:19

ऐईकाजे तुमी जाआ, सपाय जातिमन चो लोगमन के चेला बनाहा; आउर हुनमन के बुआ, आउर बेटा, आउर पवितर आत्मा चो नाव ले डूबन दिआस,

मत्ती 3:2

“मन फिरावा, कसनबल्लोने सरग चो राज लगे ईलीसे।”

मत्ती 3:6

आउर आपलो-आपलो पापमन के मानुन भाती यरदन लंदी ने हुनचो ले डूबन धरला।

मत्ती 4:17

हुन समया ले ईशु परचार करतोर आउर ऐ बोलतोर मुरयालो, “मन फिरावा कसनबल्लोने सरग चो राज लगे ईलीसे।”

मरकुस 1:15

आउर बल्लो, “समया पुरा होली से, आउर माहापुरू चो राज लगे ईली से; मन फिराआ आउर नगतखबर थाने बिश्वास करा।”

मरकुस 16:16

जोन बिश्वास करे दे आउर डूबन धरे दे हुनचेई मुक्ति होये दे, मान्तर जोन बिश्वास नी करे दे हुन दोषी ठेबाय जाये दे;

लूका 24:47

आउर यरूशलेम ले धरून सपाय जातिमन ने मन फिराव चो आउर पापमन चो छमा चो परचार, हुनचेई नाव ले करा जायेदे।

लूका 3:10

आउर लोगमन हुनचो ले पचारला, “तो आमी काय करवां?”

प्रेरितो 10:43

हुनचो सपाय अगम गिआनी गोहई देऊ आत कि जोन कोनी हुनचो उपरे बिश्वास कर दे, हुनके हुनचो नाव चो लागुन पापमन चो छमा मिरे दे।

प्रेरितो 10:48

आउर हुन हुकुम दिलो कि हुनमन के ईशु मसीह चो नाव ले डूबन दिया जाओ। तेबे हुनमन हुनके गुहार करला कि हुन खिन्डिक दिन आउर हुनमन चो संगे रओ।

प्रेरितो 13:38

ऐईकाजे, हे भाईमन, तुमी जाना कि ऐचीई बाटले पापमन चो छमा चो खबर तुमके दिया जाये से;

प्रेरितो 16:15

जिदलदाय हुन आपलो घरलोगमन संगे डूबन धरला, तेबे हुन आमचो ले बिनती करली, “अगर तुमी मोके परबु चो बिश्वासीनी समजेसास, तो जाऊन भाती मोचो घर ने राहा,” आउर हुन आमके राजी करून निली।

प्रेरितो 17:30

ऐईकाजे माहापुरू अगिआनता चो समयामन थाने धिआन नी दिलो, मान्तर अदायं हर जगा सपाय मानेमन के मन फिरातोर हुकुम देऊ आय।

प्रेरितो 20:21

मान्तर यहूदीमन आउर यूनानीमन चो पुरे गोहई देते रले कि माहापुरू चो बाटे मन फिराहा आउर आमचो परबु ईशु मसीह उपरे बिश्वास करतोर आसे।

प्रेरितो 22:16

अदायं केंव बेर कर सीस? उठ, डूबन धर, आउर हुनचो नाव धरून भाती आपलो पापमन के धोई हो।

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

प्रेरितो 26:20

मान्तर पयले दमिश्क चो, फेर यरूशलेम चो, आउर तेबे यहूदिया चो पुईतराय देश चो रतो बितामन के, आउर दुसर जातिमन के समजाते रये, कि मन फिराआ आउर माहापुरू चो बाटे फिरून भाती मन फिराव चो लायक काम करा।

प्रेरितो 3:19

ऐईकाजे, मन फिरावा आउर बाहाडून ईआ कि तुमचो पाप मेटुन जाओ, जेचो ले परबु चो पुरे ले विश्रांति चो दिन ऐओ,

प्रेरितो 5:31

हुनी के माहापुरू परबु आउर मुक्तिकरू थेबाऊन भाती, आपलो उजा हाथ थाने डेंग करून दिलो, कि हुन इस्राएलीमन के मन फिराव चो शक्ति आउर पापमन चो छमा देओ।

प्रेरितो 8:12

मान्तर जिदलदाय हुनमन फिलिप्पुस चो बिश्वास करला जोन माहापुरू चो राज आउर ईशु मसीह चो नाव चो नगतखबर सुनाते रलो तेबे लोग, काय माने, काय बायले लेकी, डूबन धरूक मुरयाला।

प्रेरितो 8:20

पतरस हुनचो ले बल्लो, “तुचो रूपया तुचो संगे नष्ट होओ, कसनबल्लोने तुय माहापुरू चो दान रूपया ले घेनतोर बिचार कर सीस।”

रोमियो 6:3

काय तुमी नी जानास कि आमी सपाय जोनमन मसीह ईशु चो डूबन धरलु, हुनचो मरना चो डूबन धरलु।

इफिसीयो 1:7

आमके हुन थाने हुनचो लऊ चो दुवारा छुटकारा, बल्लोने अपराधमन चो छमा, हुनचो हुन अनुग्रह चो धन चो अनुसार मिरली से,

तीतुस 3:5

तेबे हुन आमचो मुक्ति करलो; आउर ऐ धरम चो काममन चो लागुन नुआय, जोन आमीमन खुद करलु, मान्तर आपलो दया चो अनुसार नवा जनम चो नाहातोर आउर पवितर आत्मा चो आमके नवा बनातोर बाटले होली।

1 पतरस 3:21

हुनी पानी चो कहनी बले, बल्लोने डूबन, ईशु मसीह चो जीव उठलोर दुवारा, अदायं तुमके बचाऊ आय; ऐचो ले देंह चो मईल के धुर करतोर मतलब नुआय, मान्तर शुद्ध बिबक ले माहापुरू चो वश ने होऊन जातोर मतलब आय।