प्रेरितो 2:33 - Halbi

³³ असने परकार माहापुरू चो उजा हाथ ले सपाय ले बड़े पद पाऊन भाती, आउर बुआ ले हुन पवितर आत्मा पाऊन भाती जेचो बायदा करा जाऊ रली, हुन ऐ रिकाऊन दिलो से जोन के तुमी दकेसास आउर सुनेसास।

परमेस्वर को सच्चो वचन ख जाननू

³³ इ प्रकार परमेस्वर क दाँया हात से सर्वोच्च पद पाय ख, यीसु न पिता बाप से वी सुध्द आत्मा प्राप्त कर ख जेकी वादा (प्रतिग्या) की गई हती, ओ न यू उंडेल दियो हैं जे तुम देखत अर सुनत हो।

प्रेरितो 2:33 ပူးပေါင်းရင်းမြစ်များ

मत्ती 28:18

ईशु हुनमन चो लगे ऐऊन भाती बल्लो, “सरग आउर धरतनी चो सपाय अधिकार मोके दिआ गेली से।

मरकुस 16:19

परबु ईशु हुनमन ले गोठमन गोठयालो पाचे सरग उपरे उठाय गेलो, आउर माहापुरू चो उजा हाथ घाई बसलो।

लूका 24:49

आउर दका, जेचो बायदा मोचो बुआ करलो से, मय हुनके तुमचो उपरे उतरायें दें आउर जिदलदाय ले सरग ले सामरत नी पाहास, हुदलदाय ले तुमी ऐई नंगर ने ठेबुन राहा।”

यूहन्ना 14:16

मय बुआ ले गुहार करें दें, आउर हुन तुमके गोटक आउर सायक देये दे कि हुन हरमेशा तुमचो संगे रये दे।

यूहन्ना 14:26

मान्तर सायक बल्लोने पवितर आत्मा जेके बुआ मोचो नाव ले पटाये दे, हुन तुमके सपाय गोठमन सिकाये दे, आउर जोन काई मय तुमचो ले बल्ले से, हुन सपाय तुमके सुरता कराये दे।”

यूहन्ना 15:26

मान्तर जिदलदाय सायता करू ऐये दे, जोन के मय तुमचो लगे बुआ चो बाटले पटायें दें, बल्लोने सत चो आत्मा जोन बुआ चो बाटले निकरू आय, तेबे हुन मोचो गोहई देये दे;

यूहन्ना 17:5

अदायं हे बुआ, तुय आपलो संगे मोचो महिमा हुन महिमा ले कर जोन जगत चो रचलोर ले पयले, मोचो तुचो संगे रये।

प्रेरितो 1:4

आउर चेलामन ले मिलुन भाती हुनमन के हुकुम दिलो, “यरूशलेम के नी छांड़ा, मान्तर बुआ चो हुन बायदा चो पुरा होतोर बाट टाकु राआ, जेचो गोठ बात तुमी मोचो ले सुनलासास।”

प्रेरितो 10:45

आउर जितरो खतना करलोर बिश्वासी पतरस चो संगे ऐऊन रवत, हुनमन सपाय चकित होला कि दुसर जातिमन उपरे बले पवितर आत्मा चो बर उँढ़ेला गेली से

प्रेरितो 2:17

माहापुरू बोलु आय, कि आखरी दिनमन ने असन होये दे कि मय आपलो आत्मा सपाय माने उपरे रिकायेंदे, आउर तुमचो बेटामन आउर तुमचो बेटीमन अगम गोठ करदे, आउर तुमचो जुआन दरशन दकदे, आउर तुमचो डोकरामन सपना दकदे।

प्रेरितो 5:31

हुनी के माहापुरू परबु आउर मुक्तिकरू थेबाऊन भाती, आपलो उजा हाथ थाने डेंग करून दिलो, कि हुन इस्राएलीमन के मन फिराव चो शक्ति आउर पापमन चो छमा देओ।

रोमियो 5:5

आउर आशा ले लाज नी होये, कसनबल्लोने पवितर आत्मा जोन आमके दिआय गेली से हुनचो कारन माहापुरू चो मया आमचो मन ने डालाय गेली से।

गलातियो 3:14

ऐ ऐईकाजे होली कि अब्राहाम चो आशीष मसीह ईशु ने दुसर जातिमन लगले पहुँचो, आउर आमी बिश्वास चो लागुन हुन आत्मा के परापत करवां जेचो बायदा होली से।

इफिसीयो 1:13

आउर हुनी थाने तुमचो थाने बले, जिदलदाय तुमी सत चो बचन सुनलास जोन तुमचो मुक्ति चो नगतखबर आय आउर जोन थाने तुमी बिश्वास करलास, बायदा करलो बिती पवितर आत्मा चो छापा लगली।

इफिसीयो 4:8

ऐईकाजे हुन बले से, “हुन डेंग उपरे चेगलो आउर बन्दीमन के बान्दुन निलो, आउर मानेमन के दान दिला।”

तीतुस 3:6

जेके हुन आमचो मुक्तिकरू ईशु मसीह चो बाटले आमचो उपरे जादा ले जादा रिकालो।

इब्रानियो 10:12

मान्तर ऐ माने तो पापमन चो पलटा गोटक ची बलिदान हरमेशा चो काजे चेगाऊन भाती माहापुरू चो उजा जाऊन बसलो,

इब्रानियो 2:9

मान्तर आमी ईशु के जोन सरग दूतमन ले खिन्डिक ची कम करा जाऊ रलो, मरना चो दुख उठातोर लागुन महिमा आउर ईजीत चो मुकुट पिन्दलोर दकुं से, बल्ले माहापुरू चो अनुग्रह ले हुन हरकोनी माने चो काजे मरना चो सुआद चाको।

1 पतरस 1:21

हुनचो दुवारा तुमी हुन माहापुरू थाने बिश्वास करू आस, जोन हुनके मरलो बितामन थानले जिआलो आउर महिमा दिलो कि तुमचो बिश्वास आउर आशा माहापुरू थाने होओ।

1 पतरस 3:22

हुन सरग थाने जाऊन भाती माहापुरू चो उजा बाटे बसलो, आउर सरगदूत आउर अधिकारी आउर सामरती हुनचो हक करा गेला से।