प्रेरितो 2:27 - Halbi

²⁷ कसनबल्लोने तुय मोचो जीव के अधलोक ने नी छांड से; आउर ना आपलो पवितर लोग के कुऊक देये दे।

परमेस्वर को सच्चो वचन ख जाननू

²⁷ काहेकि तू मोरो जान ख अधोलोक म नी छोड़ेगो; अर नी अपन सुध्द जन ख सड़न ही देगो।

प्रेरितो 2:27 ပူးပေါင်းရင်းမြစ်များ

मत्ती 11:23

हे कफरनहूम, काय तुय सरग लगले डेंग करा जासे? तुय तो अधलोक लगले खाले जासे! जोन सामरत चो काम तुचो थाने करा गेलीसे, अगर सदोम ने करा जाति, तो हुन आजी ले बनुन रती।

मरकुस 1:24

हुन चिचयाऊन भाती बल्लो, “हे ईशु नासरी, आमके तुचो ले काय काम? काय तुय आमके नष्ट करूक ईली सीस? मय तुके जाने, तुय कोन आस? माहापुरू चो पवितर जन!”

लूका 1:35

सरगदूत हुनके जबाप दिलो, “पवितर आत्मा तुचो उपरे उतरे दे, आउर परमपरधान चो सामरत तुचो उपरे छांय करेंदे; ऐईकाजे हुन पवितर जोन पयदा होतो बिता आय, माहापुरू चो बेटा बलाय जायेदे।

लूका 16:23

आउर अधलोक ने हुन दुख ने पढ़लोर आपलो आँईकमन उठालो, आउर लापी ले अब्राहाम चो कोरा ने लाजर के दकलो।

लूका 24:44

फेर हुन हुनमन ले बल्लो, “ऐ मोचो हुन गोठमन आय, जोन मय तुमचो संगे रतो दाय तुमचो ले बोलुन रले कि जरूरी आय कि जितरो गोठमन मूसा चो नियम आउर अगम गिआनीमन आउर भजनमन चो किताबमन ने मोचो बारे ने लिकलोर आसे, सपाय पुरा होओ।”

लूका 4:34

“हे ईशु नासरी, आमके तुचो ले काय काम? काय तुय आमके नष्ट करतो काजे ईली सीस? मय तुके जाने तुय कोन आस? तुय माहापुरू चो पवितर जन आस!”

यूहन्ना 11:39

ईशु बल्लो, “पकना गुचाहा।” हुन मरलो बिता चो भईन मारथा हुनचो ले बोलुक मुरयाली, “हे परबु, हुन थानले ऐबे तो बास ऐये से, कसनबल्लोने हुनचो मरलोर चार दिन होऊन चुकली से।”

प्रेरितो 2:26

ऐई कारन मोचो मन हरिक होली, आउर मोचो जिब मतभुल होली; मान्तर मोचो देंह बले आशा ने बनुन रयदे।

प्रेरितो 2:28

तुय मोके जीवना चो बाट सांगली सीस; तुय मोके आपलो दरशन चो कारन हरिक ले भरून दे से।”

प्रेरितो 2:31

हुन होतो बिती गोठ के पयले ले दकुन भाती मसीह चो जीव उठतोर बारे ने अगम गोठ करलो कि ना तो हुनचो जीव अधलोक ने छांडा गेली आउर ना हुनचो देंह कुअली।

प्रेरितो 3:14

तुमीमन हुन पवितर आउर धरमी चो इन्कार करलास, आउर बिनती करलास कि गोटक हत्या करू के तुमचो काजे छांडुन दिया जाओ;

प्रेरितो 4:27

कसनबल्लोने सत-सत तुचो सेवक ईशु चो बिरूद ने, जेचो तुय अभिषेक करलीस, हेरोदेस आउर पुन्तियुस पिलातुस बले दुसर जातिमन आउर इस्राएलीमन चो संगे ऐ नंगर ने रूंड़ा होला,

1 कुरिन्थियो 15:52

आउर ऐ क्षण भर ने, टिपरी मारते ची आखरी तुरी फुकते ची होये दे। कसनबल्लोने तुरी फुका जाय दे आउर मुरदा अमर दसा ने उठाया जादे, आउर आमी बदलुन जांवा।

1 कुरिन्थियो 15:55

हे मरना, तुचो जय काहां रली? हे मरना, तुचो फेनी काहां रली?”

1यूहन्ना 2:20

मान्तर तुमचो तो हुन पवितर ले अभिषेक होली से, आउर तुमी सपाय काई जानेसास।

प्रकाशितवाक्य 1:18

मय मरून जाऊ रयें, आउर अदायं दक मय जुग-जुग जीव आंसे, आउर मरना आउर अधलोक चो कुचीकाड़ी मोचो ची लगे आसे।

प्रकाशितवाक्य 20:13

समुन्द हुन मरलो बितामन के जोन हुन थाने रवत देऊन दिलो, आउर मरना आउर अधलोक ने हुन मरलो बितामन के जोन हुनमन थाने रवत देऊन दिलो; आउर हुनमन थानले हरकोनी चो काममन चो अनुसार हुनमन चो नियाय करा गेली।

प्रकाशितवाक्य 3:7

“फिलदिलफिया चो कलीसिया चो दूत के ऐ लिक: जोन पवितर आउर सत आत, आउर जोन दाऊद चो कुची संगाऊ आय, जेचो उगाढ़लो बिती के कोनी बन्द नी करूक सकोत आउर बन्द करलो बिती के कोनी उगाढुक नी सकोत, हुन ऐ बलेसे, कि”