प्रेरितो 2:24 - Halbi

²⁴ मान्तर हुनी के माहापुरू मरना चो बान्दनमन ले छंड़ाऊन भाती जिआ लो; कसनबल्लोने ऐ नी होतो लायक रली कि हुन हुनचो बस ने रतो।

परमेस्वर को सच्चो वचन ख जाननू

²⁴ पर उही को परमेस्वर न माऊत क बंधन हुन से छुड़ाय ख जिलायो; काहेकि यु अनहोनो हतो। मृत्यु म इत्तती सक्ती नी हती कि ओ ख बंधी बनायो रखे वी ओके बस वंस म रय्हे।

प्रेरितो 2:24 ပူးပေါင်းရင်းမြစ်များ

मत्ती 27:63

“हे मालिक, आमके सुरता आसे कि हुन भरमातो बिता जिदलदाय हुन जीव रलो, बोलुन रलो, ‘मय तीन दिन चो पाचे जीव उठेंदें।’

यूहन्ना 10:18

कोनी हुनके मोचो ले झिकु नुआत, मान्तर मय हुनके खुद ची देऊ आंय। मोके हुनके देतोर बले अधिकार आसे। आउर हुनके फेर ले धरतोर बले अधिकार आसे। ऐ हुकुम मोचो बुआ ले मोके मिरली से।”

यूहन्ना 10:35

अगर हुन हुनमन के ईश्पर बल्लो जोनमन चो लगे माहापुरू चो बचन पोंचली (आउर पवितर शास्त्र चो गोठ झुट नी होऊक सके),

यूहन्ना 12:39

ऐई लागुन हुनमन बिश्वास नी करूक सकला, कसनबल्लोने यशाया ऐ बले बल्लो से:

यूहन्ना 20:9

हुनमन तो ऐबले पवितर शास्त्र चो हुन गोठ नी समजु रवत कि हुनके मरलो बितामन थानले जीव उठुक पड़े दे।

प्रेरितो 1:16

“हे भाईमन, जरूरी रये कि पवितर शास्त्र चो हुन लेखा पुरा होओ जोन पवितर आत्मा ने दाऊद चो टोंड ले यहूदा चो बारे ने, जोन ईशु के धरातो बितामन चो अगुवा रलो, पयले ले बोलु रलो।”

प्रेरितो 13:30

मान्तर माहापुरू हुनके मरलो बितामन थानले जिआ लो,

प्रेरितो 13:37

मान्तर जोन के माहापुरू जिआ लो, हुन कुऊक नी पावलो।

प्रेरितो 17:31

“कसनबल्लोने हुन गोटक दिन ठेबालो से, जोन थाने हुन-हुन माने चो बाटले धरम ले जगत चो नियाय करे दे, जोन के हुन ठेबालो से, आउर हुनके मरलो बितामन थानले जिआऊन भाती ऐ गोठ सपाय उपरे परकट करून दिलो से।”

प्रेरितो 2:32

ऐई ईशु के माहापुरू जिआ लो, जेचो आमी सपाय गोहई आंसु।

प्रेरितो 3:15

आउर तुमीमन जीवना चो करता के मारून दीलास, जेके माहापुरू मरलो बितामन थानले जिआ लो; आउर ऐ गोठ ने आमी गोहई आंसु।

प्रेरितो 3:26

“माहापुरू आपलो सेवा करू के उठाऊन भाती पयले तुमचो लगे पठालो, कि तुमनमन ले हरकोनी के हुनचो बुराईमन ले फिराऊन भाती आशीष देओ।”

प्रेरितो 4:10

तेबे तुमी सपाय आउर पुईतराय इस्राएली लोग जानुन राआ कि ईशु मसीह नासरी चो नाव ले जेके तुमी कुरूस उपरे चेगालास आउर माहापुरू मरलो बितामन थानले जिआ लो, ऐ माने तुमचो पुरे अच्छा चेंगा उबा आसे।

प्रेरितो 5:30

आमचो बुआ दादीमन चो माहापुरू ईशु के जिआ लो, जेके तुमी कुरूस थाने लटकाऊन भाती मारून दिलास।

रोमियो 10:9

कि अगर तुय आपलो मुंह ले ईशु के परबु जानुन भाती अंगीकार कर, आउर आपलो मन ले बिश्वास करो कि माहापुरू हुनके मरलो बितामन थानले जिआ लो, तेबे तुय जरूर मुक्ति पाव से।

रोमियो 14:9

कसनबल्लोने मसीह ऐईकाजे मरलो आउर जीव बल्ले उठलो कि हुन मरलो बितामन चो आउर जीव रलो बितामन चो दुनो चो परबु होओ।

रोमियो 4:24

मान्तर आमचो काजे बले जोनमन काजे बिश्वास धारमिकता गेनाय जाय दे, बल्लोने आमचो काजे जोन हुनचो उपरे बिश्वास करू आत जोन आमचो परबु ईशु के मरलो थानले जिआ लो।

रोमियो 6:4

आउर हुन मरना चो डूबन पावलो ने आमी हुनचो संगे गाड़ाय गेलु, बल्ले जसन मसीह बुआ चो महिमा चो कारन मरलो बितामन थानले जिआय गेलो, असने ची आमी बले नवा जीवन चो असन चाल चलु।

रोमियो 8:11

अगर हुनचेई आत्मा जेचो ने ईशु के मरलो बितामन थानले जिआलो, तुमनमन ने बसलोर आसे; तेबे जोन मसीह के मरलो बितामन थानले जिआलो, हुन तुमचो नाश होतो बिती देंहमन के बले आपलो आत्मा चो बाटले जोन तुमनमन ने बसलोर आसे, जिआय दे।

रोमियो 8:34

फेर कोन आसे जोन डण्ड चो हुकुम देयेदे? मसीह ची आसे जोन मरलो मान्तर मरलो थानले जीव बले उठलो, आउर माहापुरू चो उजा बाटे आसे, आउर आमचो काजे गुहार बले करू आय।

1 कुरिन्थियो 15:12

ऐईकाजे जिदलदाय कि मसीह चो ऐ परचार करा जाऊ आय कि हुन मरलो बितामन थानले जीव उठलो, तेबे तुमनमन थानले कितलो कसन बोलु आत कि मरलो बितामन चो जीव उठतोर आसे ची नाई?

1 कुरिन्थियो 15:15

मान्तर आमी माहापुरू चो झूठा गोहई ठेबलु; कसनबल्लोने आमी माहापुरू चो बारे ने ऐ गोहई दिलु कि हुन मसीह के जोन जियाऊन दिलो, अगर नी जिआ लो अगर मरलो बिता नी जीव उठता।

1 कुरिन्थियो 15:20

मान्तर सत-सत मसीह मुरदामन थानले जीव उठलो से, आउर जोन सोऊन गेला सोत हुनमन थाने हुन पयला फल होलो।

1 कुरिन्थियो 15:4

आउर तोपाय गेलो, आउर पवितर शास्त्र चो अनुसार तीसर दिन जीव बले उठलो,

1 कुरिन्थियो 6:14

माहापुरू आपलो सामरत ले परबु के जिआलो, आउर आमके बले जीआये दे।

2 कुरिन्थियो 4:14

कसनबल्लोने आमी जानु से कि जोन परबु ईशु के जिआलो, हुनी आमके बले ईशु ने भागी जानुन भाती जिआय दे, आउर तुमचो संगे आपलो पुरे हाजिर करेदे।

गलातियो 1:1

पौलुस चो जोन ना मानेमन चो बाटले आउर ना माने चो बाटले, मान्तर ईशु मसीह आउर माहापुरू बुआ चो बाटले, जोन हुनके मरलो बितामन थानले जिआ लो, पठालोबिता आय।

इफिसीयो 1:20

जोन हुन मसीह ने करलो कि हुनके मरलो बितामन थानले जिआऊन भाती सरग चो जगामन ने आपलो उजा बाटे

कुलुस्सियो 2:12

आउर हुनचेई संगे डूबन ने गाड़ाय गेला आउर हुनचेई थाने माहापुरू चो सामरत उपरे बिश्वास करून, जेचो ले हुनके मरलो बितामन थानले जिआलो, हुनचो संगे जीव बले उठला।

1 थिस्सलुनीकियो 1:10

आउर हुनचो बेटा चो सरग थानले ऐतोर बाट टाकते राहा जोन के हुन मरलो बितामन थानले जिआ लो, बल्लोने ईशु चो, जोन आमके ऐतो बिती घोर रिस ले बचाऊ आय।

इब्रानियो 13:20

अदायं शान्ति देऊ माहापुरू, जोन आमचो परबु ईशु के जोन मेंडामन चो बड़े राका करू आय हरमेशा बायदा चो लऊ चो गुन ले मरलो बितामन थानले जियाऊन भाती धरून ईलो,

इब्रानियो 2:14

ऐईकाजे जसन कि लेकामन मास आउर लऊ चो भागी आत, तेबे हुन खुद बले हुनमन चो असन हुनमन चो शामिल होऊन गेलो, बल्ले मरना चो दुवारा हुनके जेके मरना उपरे शक्ति मिरून रये, बल्लोने शयतान के ठग करून देओ;

1 पतरस 1:21

हुनचो दुवारा तुमी हुन माहापुरू थाने बिश्वास करू आस, जोन हुनके मरलो बितामन थानले जिआलो आउर महिमा दिलो कि तुमचो बिश्वास आउर आशा माहापुरू थाने होओ।

प्रकाशितवाक्य 1:18

मय मरून जाऊ रयें, आउर अदायं दक मय जुग-जुग जीव आंसे, आउर मरना आउर अधलोक चो कुचीकाड़ी मोचो ची लगे आसे।