प्रेरितो 2:23 - Halbi

²³ हुनी ईशु के, जोन माहापुरू चो ठेबालोर उआट आउर पयले चो गिआन चो अनुसार धराया गेलो, तुमी अधरमीमन चो हाथ ले कुरूस थाने चेगाऊन भाती मारून दिलास।

परमेस्वर को सच्चो वचन ख जाननू

²³ यु अदमी ख परमेस्वर कि पक्की योजना अर पुरो ग्यान को अनुसार तुम ख सोपयो गयो अर तुम न पापी व्यक्ति हुन कि मदद से ओ ख क्रूस प चडायो अर खिल्ला ठुकवायो अर मार डालयो।

प्रेरितो 2:23 ပူးပေါင်းရင်းမြစ်များ

मत्ती 20:19

आउर हुनके दुसर जातिमन चो हाथे सोप दे कि हुनमन हुनके मजाक उड़ा ओत, आउर कोड़ा मारोत, आउर कुरूस उपरे चेगा ओत, आउर हुन तीसर दिने जीवऊन जायेदे।”

मत्ती 26:24

माने चो बेटा तो जसन हुनचो बारे ने लिकलोर आसे, जाऊ ची आय; मान्तर हुन माने चो काजे दुख आय जेचो दुवारा माने चो बेटा धराया जाये से: अगर हुन माने चो जनम नी होती, तेबे हुनचो काजे अच्छा होती।”

मत्ती 27:35

तेबे हुनमन हुनके कुरूस थाने चेगाला, आउर चिठ्ठीमन डालुन भाती हुनचो फटीई बाटला,

मरकुस 15:24

तेबे हुनमन हुनके कुरूस थाने चेगाला आउर हुनचो फटीई थाने चिठ्ठीमन डालुन भाती, कि काके काय मिरेदे, हुनमन के बाटला।

लूका 22:22

कसनबल्लोने माने चो बेटा तो जसन हुनचो काजे ठेबाया गेली जाऊ ची आय, मान्तर हाय हुन माने उपरे जेचो दुवारा हुन धराया जाये से!”

लूका 22:37

कसनबल्लोने मय तुमचो ले बलें सें, कि ऐ जोन लिकलोर आसे, ‘हुन गुनेगार चो संगे गेना गेलो,’ हुनचो मोचो थाने पुरा होतोर जरूरी आय; कसनबल्लोने मोचो बारे ने लिकलोर गोठमन पुरा होतो थाने आसे।”

लूका 23:33

जिदलदाय हुनमन हुन जगा जेके खोपड़ी बोलु आत अमरला, तेबे हुनमन हुता हुनके आउर हुन कुकरमीमन के बले, गोटक के उजा आउर दुसर के डेबरी बाटे कुरूस उपरे चेगाला।

लूका 24:20

आउर परधान याजकमन आउर आमचो सरदारमन हुनके धराऊन दिला कि हुनचो उपरे मरना चो हुकुम दिया जाओ; आउर हुनके कुरूस उपरे चेगाला।

यूहन्ना 19:18

हुन थाने हुनमन हुनके आउर हुनचो संगे आउर दुय झान मानेमन के कुरूस थाने चेगाला, गोटक के ऐ पाट आउर गोटक के हुनपाट, आउर मंजारे ईशु के।

यूहन्ना 19:24

ऐईकाजे हुनमन आपस ने बल्ला, “आमी ऐके नी चिरू, मान्तर ऐ थाने चिठ्ठी डालु कि ऐ कोचो होये दे।” ऐ ऐईकाजे होली कि पवितर शास्त्र ने जोन बोला गेली हुन पुरा होओ, “हुनमन मोचो फटीई आपस ने बाटला आउर मोचो फटीई थाने चिठ्ठी डालला।”

प्रेरितो 13:27

कसनबल्लोने यरूशलेम चो रतो बितामन आउर हुनमन सरदारमन, ना हुनके चिताला आउर ना अगम गिआनीमन चो गोठमन समजला, जोन हर सब्त चो दिने पढ़ा जाऊ आय, ऐईकाजे हुनके दोषी ठेबाऊन भाती हुन गोठमन के पुरा करलो।

प्रेरितो 15:18

ऐ हुनी परबु बले से जोन जगत चो मुर ले ऐ गोठमन चो खबर देते ईलो से।

प्रेरितो 2:36

“आउर अदायं इस्राएल चो सपाय घरमन पक्का रूप ले जानोत कि माहापुरू हुनी ईशु के जेके तुमी कुरूस उपरे चेगालासास, परबु बले ठेबालो आउर मसीह बले।”

प्रेरितो 3:18

मान्तर जोन गोठमन के माहापुरू सपाय अगम गिआनीमन चो मुंह ले पयले ची सांगुन देऊ रलो, कि हुनचो मसीह दुख उठाये दे, हुनमन के हुन ऐ रीति ले पुरा करलो।

प्रेरितो 4:28

कि जोन काई पयले ले तुचो सामरत आउर मति ले ठेबु रली हुनी करा।

प्रेरितो 5:28

“काय आमी तुमके जनाऊन भाती हुकुम नी देऊ रलु। कि तुमी ऐ नाव ले उपदेश नी करा? तेबले बले दका, तुमी पुईतराय यरूशलेम के आपलो उपदेश ले भरून दिलासास आउर हुन माने चो लऊ आमचो टोडरा थाने आनुक चाहायसास।”

प्रेरितो 5:30

आमचो बुआ दादीमन चो माहापुरू ईशु के जिआ लो, जेके तुमी कुरूस थाने लटकाऊन भाती मारून दिलास।

प्रेरितो 7:52

अगम गिआनीमन थानले कोके तुमचो बुआ दादीमन नी कन्दराला? हुनमन हुन धरमी चो आगमन चो पयले जुग ले खबर देतो बितामन के मारून दिला; आउर अदायं तुमी बले हुनचो धरतो बितामन आउर मारून देतो बिता होलास।

रोमियो 2:12

ऐईकाजे जोनमन बिना नियम पाऊन पाप करला, हुनमन बिना नियम चो नष्ट बले होदे; आउर जोनमन नियम पाऊन पाप करला, हुनमन चो डण्ड नियम चो अनुसार होयेदे;

रोमियो 4:17

जसन लिकलोर आसे, “मय तुके खुबे जातिमन चो बुआ ठेबाले से” हुन माहापुरू चो पुरे जेचो थाने बिश्वास करलो, आउर हुन मरलो बितामन के जिआ लो से, आउर जोन गोठमन आसे ची नाई हुनमन चो नाव असन धरू आय कि माना हुनमन आसोत।

1 थिस्सलुनीकियो 2:15

जोनमन परबु ईशु के आउर अगम गिआनीमन के बले मारून दिला आउर आमके कन्दराला, आउर माहापुरू हुनमन ले हरिक निआय, आउर हुनमन सपाय मानेमन चो बिरोद करू आत,

1 पतरस 1:2

आउर माहापुरू बुआ चो अगम गिआन चो अनुसार, आत्मा चो पवितर करलोर दुवारा हुकुम मानतोर आउर ईशु मसीह चो लऊ के छिंछतो काजे चुना गेलासे। तुमके अनुग्रह आउर शान्ति खुबे ले खुबे मिरते रओ।

1 पतरस 1:20

हुनचो गिआन तो जगत चो उपजास चो पयले ची ले जाना जाऊ रये, मान्तर अदायं ऐ सरासरी जुग ने तुमचो काजे परकट होलो।

1 पतरस 2:8

आउर, “ठेच लगतोर पकना आउर ठोकरना खातोर चटान होऊन गेली से,” कसनबल्लोने हुनमन तो बचन के नी मानुन भाती ठोकरना खाऊ आत आउर ऐईकाजे हुनमन ठेबाया बले जाऊ रवत।

यहूदा 1:4

कसनबल्लोने कितलो असन माने खुसराय आमचो ने ऐऊन मिसला से, जोनमन ले ऐ डण्ड चो चरचा जुना समया ने पयले ची ले लिका जाऊ रये: ऐ भक्तिहीन आत, आउर आमचो माहापुरू चो अनुग्रह के ढीला-ढाला ने पलटून देऊ आत, आउर आमचो गोटक मात्र मालिक आउर परबु ईशु मसीह चो इन्कार करू आत।

प्रकाशितवाक्य 13:8

धरतनी चो हुन सपाय रतो बितामन, जोनमन चो नाव हुन मेमना चो जीवना चो किताब ने लिका नी गेली जोन जगत चो उपजास चो समया ले घात होलो से हुन पशु चो पुजा कर दे।