प्रेरितो 19:21 - Halbi

²¹ जिदलदाय ऐ गोठमन होऊन चुकली तेबे पौलुस आत्मा ने ठानलो कि मकिदुनिया आउर अखाया ले होऊन भाती यरूशलेम ने जायें दें, आउर बल्लो, “हुता गेलोर पाचे मोके रोम के बले दकतोर जरूरी आय।”

परमेस्वर को सच्चो वचन ख जाननू

²¹ या घटना घटन को बाद पोलुस न अपनो मन म मकिदुनिया अर अखया से हो ख यरूसलेम जान को पक्को करियो। उन कय्हो, “वहाँ जान को बाद मोखा रोम भी देखनो चहिए।”

प्रेरितो 19:21 ပူးပေါင်းရင်းမြစ်များ

प्रेरितो 16:12

हुता ले आमी फिलिप्पी अमरलु, जोन मकिदुनिया गड़ चो खास नंगर आउर रोमिमन चो बस्ती आय; आउर आमी हुन नंगर ने खिन्डिक दिन ले रलु।

प्रेरितो 18:12

जिदलदाय गल्लियो अखाया देश चो हाकिम रलो, तेबे यहूदीमन गोटक होऊन पौलुस चो उपरे ईला, आउर हुनके नियाय आसन चो पुरे आनुन भाती बोलुक मुरयाला,

प्रेरितो 18:21

मान्तर ऐ बोलुन भाती हुनमन ले बिदा होलो, “अगर माहापुरू मन करे दे तेबे मय तुमचो लगे फेर ऐयें दें।” तेबे हुन इफिसुस ले जाहाज ढीलुन भाती जाते गेलो;।

प्रेरितो 19:22

ऐईकाजे आपलो सेवा करतो बितामन थानले तीमुथियुस आउर इरास्तुस के मकिदुनिया पटाऊन भाती खुद खिन्डिक दिन आसिया ने रऊन गेलो।

प्रेरितो 19:29

आउर सपाय नंगर ने बड़े कोलार होऊन गेली, आउर लोगमन मकिदुनिया बासी गयुस आउर अरिस्तर्खुस के जोन पौलुस चो संगवारी यातरी रवत, धरला, आउर गोटक संगे रंगगुड़ी ने पराला।

प्रेरितो 20:16

कसनबल्लोने पौलुस इफिसुस चो लगे ले होऊन भाती जातोर तय करू रलो कि काहांय असन नी होओ कि हुनके आसिया ने बेर होओ; कसनबल्लोने हुन चांड ने रलो कि अगर होऊक सको तो हुन पिन्तेकुस्त चो दिने यरूशलेम ने रओ।

प्रेरितो 20:22

अदायं दका, मय आत्मा ने बन्दी होऊन यरूशलेम बाटे जाये से, आउर नी जाने कि हुता मोचो उपरे काय-काय घटे दे;

प्रेरितो 21:17

जिदलदाय आमी यरूशलेम ने पोंचलु, तेबे भाई बड़े हरिक चो संगे आमचो ले मिलला।

प्रेरितो 21:4

चेलामन के भेटुन भाती आमी हुता सात दिन ले रलु। हुनमन आत्मा चो सिकालोर पौलुस के बल्ला कि यरूशलेम ने पाँय नी संगाव।

प्रेरितो 23:11

हुनी राती परबु हुनचो लगे उबा होऊन भाती बल्लो, “हे पौलुस, हिम्मत बांद; कसनबल्लोने जसन तुय यरूशलेम ने मोचो गोहई दिलीस, असने ची तुके रोम ने बले गोहई देतोर होये दे।”

प्रेरितो 27:1

जिदलदाय ऐ तय होऊन गेली कि आमी जाहाज ले इटली जांवा, तेबे हुनमन पौलुस आउर खिन्डिक दुसर बन्दीमन के बले यूलियुस नाव चो अगुस्तुस चो पलटन चो गोटक सुबेदार चो हाथे सोपुन दिला।

प्रेरितो 27:24

हे पौलुस, नी डर! तुके राजा चो पुरे उबा होतोर जरूरी आय। दक, माहापुरू सपाय के जोन तुचो संगे यातरा करे सोत, तुके दिलो से।

प्रेरितो 28:16

जिदलदाय आमी रोम ने पोंचलु, तेबे पौलुस के गोटक पलटन चो संगे जोन हुनचो राका करते रलो, ऐकला रतोर हुकुम मिरून गेली।

रोमियो 1:11

कसनबल्लोने मय तुमचो ले मिलतो आशा करू आंय कि मय तुमके कोनी आत्मिक बरदान देयें जेचो ले तुमी थीर होऊन जाआ;

रोमियो 1:13

हे भाईमन, मय नी चाहायें कि तुमी ऐचो ले अनजान राहा कि मय घन-घन तुमचो लगे ऐतोर चाहले, कि जसन मोके दुसर जातिमन ने फल मिरली, असने ची तुमचो ने बले मिरो, मान्तर ऐबले ठेबाया गेले।

रोमियो 1:15

आउर मय तुमके बले जोन रोम ने रऊ आस, नगतखबर सुनातो काजे भरसक तिआर आंसे।

1 कुरिन्थियो 16:5

मय मकिदुनिया होऊन भाती तुमचो लगे ऐयें दें, कसनबल्लोने मोके मकिदुनिया होऊन भाती जातोर ची आय।

1 कुरिन्थियो 4:19

मान्तर परबु चाहा ओ तो मय तुमचो लगे झटके ची ऐयें दें, आउर हुन फुललो बितामन चो गोठमन के नाई, मान्तर हुनमन चो सामरत के जाने दे।

2 कुरिन्थियो 10:16

बल्ले आमी तुमचो संदी ले पुरे बडुन भाती नगतखबर सुनाऊ, आउर ऐ नाई कि आमी दुसरमन चो संदी चो भीतरे बने बुनालो काममन थाने घमण्ड करूं।

गलातियो 2:1

चवदा बरक चो पाचे मय बरनबास चो संगे फेर यरूशलेम ने गेले, आउर तीतुस के बले संगे निले।

1 थिस्सलुनीकियो 1:7

ऐथा ले कि मकिदुनिया आउर अखाया चो सपाय बिश्वासीमन चो काजे तुमी नमूना बनलास।