प्रेरितो 18:5 - Halbi

⁵ जिदलदाय सीलास आउर तीमुथियुस मकिदुनिया ले ईला, तेबे पौलुस बचन सुनातोर धुन ने यहूदीमन के गोहई देऊक मुरयालो कि ईशु ची मसीह आय।

परमेस्वर को सच्चो वचन ख जाननू

⁵ जब सीलास अर तीमुथियुस मकिदुनिया से आया, ते पोलुस वचन सुनान कि धुन म यहूदी हुन ख गवाही देन लग्यो की यीसु ही मसी आय।

प्रेरितो 18:5 ပူးပေါင်းရင်းမြစ်များ

लूका 12:50

मोके तो गोटक डूबन धरतोर आय, आउर जिदलदाय ले हुन नी होये हुदलदाय ले मय कसन हाल ने रयेंदे!

लूका 16:28

कसनबल्लोने मोचो पांच भाई आसोत; हुन हुनमन चो पुरे ऐ गोठमन चो गोहई देओ, असन नी होओ कि हुनमन बले ऐ तकलीस चो जगा ने ऐ ओत।’

यूहन्ना 1:41

हुन पयले आपलो खुद भाई शिमोन के भेटुन भाती हुनचो ले बल्लो, “आमके तो ख्रिस्त, बल्लोने मसीह मिरलो।”

यूहन्ना 10:24

तेबे यहूदीमन हुनके ऐऊन घेरला आउर पचारला, “तुय आमचो मन के केब ले दुर्बाधा ने संगा से? अगर तुय मसीह आस तो आमके छुकछुका बोलुन देस।”

यूहन्ना 15:27

आउर तुमी बले मोचो गोहई आहास कसनबल्लोने तुमी मुर ले मोचो संगे रलासास।

यूहन्ना 3:28

तुमी तो खुदे ची मोचो गोहई आहास कि मय बल्ले, ‘मय मसीह नुआय, मान्तर हुनचो पुरे पटाया गेले से।’

प्रेरितो 10:42

आउर हुन आमके हुकुम दिलो कि लोगमन ने परचार करा आउर गोहई दिआस, कि ऐ हुनी आय जोन के माहापुरू जीवता आउर मरलो बितामन चो नियायी ठेबालो से।

प्रेरितो 15:22

तेबे सपाय कलीसिया संगे पठालोबिता आउर सियानमन के अच्छा लागली कि आपलो थानले खिन्डिक मानेमन के चुनोत, बल्लोने यहूदा जोन बरसबा बलाया जाऊ आय, आउर सीलास के जोन भाईमन ने मुखिया रये; आउर हुनमन के पौलुस आउर बरनबास चो संगे अन्ताकिया पठाला।

प्रेरितो 16:1

फेर हुन दिरबे आउर लुस्त्रा ने बले गेलो। हुता तीमुथियुस नाव चो गोटक चेला रलो, जोन कोनी बिश्वासी यहूदीनी चो बेटा रलो, मान्तर हुनचो बुआ यूनानी रलो।

प्रेरितो 16:12

हुता ले आमी फिलिप्पी अमरलु, जोन मकिदुनिया गड़ चो खास नंगर आउर रोमिमन चो बस्ती आय; आउर आमी हुन नंगर ने खिन्डिक दिन ले रलु।

प्रेरितो 16:9

हुता पौलुस राती बेरा गोटक दरशन दकलो कि गोटक मकिदूनी माने उबा होऊन हुनचो ले बिनती करून बले से, “हुनपाट उतरून भाती मकिदुनिया ने आव, आउर आमचो सायता कर।”

प्रेरितो 17:3

आउर हुनमन चो मतलब खोलुन-खोलुन समजाते रलो कि मसीह के दुख उठातोर, आउर मरलो बितामन थानले जीव उठतोर, जरूरी रये; आउर “ऐई ईशु जेचो मय तुमके कथा सुनाय से, मसीह आय।”

प्रेरितो 18:28

कसनबल्लोने हुन पवितर शास्त्र ले सबुत देऊन-देऊन भाती कि ईशु ची मसीह आय, बड़े हिम्मत ले यहूदीमन के सपाय चो पुरे बेजबाप करते रलो।

प्रेरितो 2:36

“आउर अदायं इस्राएल चो सपाय घरमन पक्का रूप ले जानोत कि माहापुरू हुनी ईशु के जेके तुमी कुरूस उपरे चेगालासास, परबु बले ठेबालो आउर मसीह बले।”

प्रेरितो 20:21

मान्तर यहूदीमन आउर यूनानीमन चो पुरे गोहई देते रले कि माहापुरू चो बाटे मन फिराहा आउर आमचो परबु ईशु मसीह उपरे बिश्वास करतोर आसे।

प्रेरितो 20:23

मात्र ऐ कि पवितर आत्मा हर नंगर ने गोहई देऊन-देऊन भाती मोचो ले बोलु आय कि बान्दन आउर कलेश तुचो काजे तिआर आसे।

प्रेरितो 20:24

मान्तर मय आपलो जीव के काई नी समजे कि हुनके लाड़ जाने, मान्तर ऐ कि मय आपलो परानी के आउर हुन सेवा के पुरा करें दें, जोन मय माहापुरू चो अनुग्रह चो नगतखबर थाने गोहई देतो काजे परबु ईशु ले पावले से।

प्रेरितो 4:20

“कसनबल्लोने ऐ तो आमचो ले होऊक नी सके कि जोन आमी दकलु आउर सुनलु, हुन नी बोलु।”

प्रेरितो 9:22

मान्तर शाऊल आउर बले सामरती होते गेलो, आउर ऐ गोठ चो सबुत देऊन-देऊन भाती कि मसीह ऐई आय, दमिश्क चो रतो बितामन यहूदीमन चो मुंह बंद करते रलो।

2 कुरिन्थियो 1:19

“कसनबल्लोने माहापुरू चो बेटा ईशु मसीह जेचो आमचो बाटले बल्लोने मोचो आउर सिलवानुस आउर तीमुथियुस चो बाटले तुमचो मंजी ने परचार होली, हुन थाने ‘हव’ आउर ‘नाई’ दुनो नी रये, मान्तर हुन थाने ‘हव’ ची ‘हव’ होली।

2 कुरिन्थियो 11:9

आउर जिदलदाय मय तुमचो संगे रये आउर मोके घाटा होली, तेबे मय काचीई उपरे बोजा नी लातले, कसनबल्लोने भाईमन मकिदुनिया ले ऐऊन भाती मोचो घटलोर के पुरा करला; आउर मय सपाय गोठ ने आपन खुद के तुमचो उपरे बोजा बनतोर ले ठेबाले, आउर ठेबाऊन रयें दे।

2 कुरिन्थियो 5:14

कसनबल्लोने मसीह चो मया आमके बेबस करून देऊ आय; ऐईकाजे आमी ऐ समजु आंव कि जिदलदाय गोटक सपाय चो काजे मरलो तेबे सपाय मरून गेला।

फिलिप्पियो 1:23

कसनबल्लोने मय दुनो चो मंजी ओट ने लटकले से; जीव तो चाहाय से कि देंह के छांडुन मसीह चो लगे जाऊन रयेंदे, कसनबल्लोने ऐ खुबे ची नुकु आय,

1 थिस्सलुनीकियो 3:2

आउर आमीमन तीमुथियुस के, जोन मसीह चो नगतखबर ने आमचो भाई आउर माहापुरू चो सेवाकरू आय, ऐईकाजे पठाले कि हुन तुमके थीर करो आउर तुमचो बिश्वास चो बारे ने तुमके समजाओ,

1 थिस्सलुनीकियो 3:6

मान्तर ऐबे तीमुथियुस, जोन तुमचो लगले आमचो थाने ऐऊ रलो, तुमचो बिश्वास आउर मया चो नगतखबर सुनालो आउर ऐ गोठ के बले सुनालो कि तुमी सदा मया चो संगे आमके सुरता संगाऊ आस, आउर आमके दकतोर आशा संगाऊ आस, जसन आमी बले तुमके दकुं आंव।

1 पतरस 5:12

मय सिलवानुस चो होते, जेके मय बिश्वास लायक भाई समजु आय कम ने लिकुन भाती तुमके समजाले से, आउर ऐ गोहई दिले से कि माहापुरू चो सत अनुग्रह ऐई आय, ऐई थाने थीर राहा।