प्रेरितो 18:4 - Halbi

⁴ हुन हरकोनी सब्त चो दिने आराधना घर ने गोठ बात करून यहूदीमन आउर यूनानीमन के बले समजाते रलो।

परमेस्वर को सच्चो वचन ख जाननू

⁴ उ हर एक आराम को दिन प्रार्थना घर म बहस कर ख यहूदी हुन अर यूनानी हुन ख भी समझा वह को प्यास करह हैं।

प्रेरितो 18:4 ပူးပေါင်းရင်းမြစ်များ

लूका 16:31

हुन हुनचो ले बल्लो, ‘जिदलदाय हुनमन मूसा आउर अगम गिआनीमन चो नी सुनोत, तेबे अगर मरलो बितामन थानले कोनी जीव बले उठ दे तेबले बले हुनचो नी मान दे’।”

लूका 4:16

फेर हुन नासरत ने ईलो, जोन थाने पाला पोसाय जाऊ रलो; आउर आपलो रीति चो अनुसार सब्त चो दिने आराधना घरे जाऊन भाती पड़तो काजे उबा होलो।

यूहन्ना 7:35

ऐ थाने यहूदीमन आपस ने बल्ला, “ऐ काहां जाय दे कि आमी ऐके नी भेटुन दें? काय हुन हुनमन चो लगे जाये दे जोन यूनानीमन ने जतखत होऊन भाती रऊ आत, आउर यूनानीमन के बले उपदेश देये दे?

प्रेरितो 13:14

पिरगा ले पयले बडुन भाती हुनमन पिसिदिया चो अन्ताकिया ने पोंचला; आउर सब्त चो दिने आराधना घर ने जाऊन भाती बोसुन दिला।

प्रेरितो 14:1

इकुनियुम ने असन होली कि हुनमन यहूदीमन चो आराधना घर ने संगे-संगे गेला, आउर ऐ परकार गोठमन करला कि यहूदीमन आउर यूनानीमन दुनो थानले खुबेमन बिश्वास करला।

प्रेरितो 17:11

ऐ लोग तो थिसलुनी चो यहूदीमन ले अच्छा रवत, आउर हुनमन बड़े लालच ले बचन गरहन करला, आउर रोजे दिना पवितर शास्त्रमन ने डगराते रला कि ऐ गोठमन असने ची आय कि नुआय।

प्रेरितो 17:17

आउर हुन आराधना घर ने यहूदीमन आउर भगतमन ले, आउर जोड़ान ने जोन लोग हुनके भेटते रवत हुनमन चो ले रोजे दिना गोठ बात करते रलो।

प्रेरितो 18:13

“ऐ लोगमन के समजाऊँ आय कि माहापुरू चो उपास असन रीति ले करोत, जोन नियम चो उलटा आय।”

प्रेरितो 18:19

हुन इफिसुस पोंचुन भाती हुनमन के हुता छांडलो, आउर खुद आराधना घर ने जाऊन भाती यहूदीमन चो संगे गोठ बात करूक मुरयालो।

प्रेरितो 19:26

तुमी दकु आहास आउर सुनु आहास कि मात्र इफिसुस ची ने नाई, मान्तर लग-भग पुईतराय आसिया ने ऐ बोलुन भाती ऐ पौलुस खुबे असन लोगमन के समजालो आउर भरमालो से बले, कि जोन हाथ चो चाटुबड़ई आत हुनमन ईश्पर नुआत।

प्रेरितो 19:8

हुन आराधना घर ने जाऊन भाती तीन मयना तक डर नाहलोर होऊन भाती बोलते रलो, आउर माहापुरू चो राज चो बारे ने गोठ बात करते आउर समजाते रलो।

प्रेरितो 26:28

तेबे राजा अग्रिप्पा पौलुस ले बल्लो, “तुय खिन्डिक ची समजालो ले मोके मसीह बनाऊक चाहाय सीस?”

प्रेरितो 28:23

तेबे हुनमन हुनचो काजे गोटक दिन ठेबाला, आउर खुबे असन लोग हुनचो थाने रूंड़ा होला, आउर हुन माहापुरू चो राज चो गोहई देते, आउर मूसा चो नियम आउर अगम गिआनीमन चो किताबमन ले ईशु चो बारे ने समजाऊन-समजाऊन भाती बड़े बिहान ले सांज तक बरनन करते रलो।

प्रेरितो 9:20

आउर हुन तुरते आराधना घरमन ने ईशु चो परचार करूक मुरयालो कि हुन माहापुरू चो बेटा आय।

2 कुरिन्थियो 5:11

ऐईकाजे परबु चो भय मानुन भाती आमी लोगमन के समजाऊँ आंव; मान्तर माहापुरू थाने आमचो हाल परकट आसे, आउर मोचो आशा ऐ आय कि तुमचो बिबक थाने बले परकट होली से होती।