प्रेरितो 18:28 - Halbi

²⁸ कसनबल्लोने हुन पवितर शास्त्र ले सबुत देऊन-देऊन भाती कि ईशु ची मसीह आय, बड़े हिम्मत ले यहूदीमन के सपाय चो पुरे बेजबाप करते रलो।

परमेस्वर को सच्चो वचन ख जाननू

²⁸ काहेकि उ सुध्दसास्र से सबूत दे दे ख की यीसु ही मसी आय, बडी हिम्मत से यहूदी हुन ख सब को सामे मुण्डो बंद करत रह।

प्रेरितो 18:28 ပူးပေါင်းရင်းမြစ်များ

लूका 1:80

आउर हुन लेका बाड़ते आउर आत्मा ने बलवान होते गेलो, आउर इस्राएल थाने परकट होतोर दिन ले रानमन ने रलो।

लूका 24:27

तेबे हुन मूसा ले आउर सपाय अगम गिआनीमन ले आरम करून सपाय पवितर शास्त्रमन थानले आपलो बारे ने लिकलोर गोठमन चो अरत, हुनमन के समजाऊन दिलो।

लूका 24:44

फेर हुन हुनमन ले बल्लो, “ऐ मोचो हुन गोठमन आय, जोन मय तुमचो संगे रतो दाय तुमचो ले बोलुन रले कि जरूरी आय कि जितरो गोठमन मूसा चो नियम आउर अगम गिआनीमन आउर भजनमन चो किताबमन ने मोचो बारे ने लिकलोर आसे, सपाय पुरा होओ।”

यूहन्ना 5:39

तुमी पवितर शास्त्र ने डगराऊ आहास, कसनबल्लोने समजु आहास कि हुन थाने अमर जीवना तुमके मिरू आय; आउर ऐ हुनी आय जोन मोचो गोहई देऊ आय;

प्रेरितो 17:3

आउर हुनमन चो मतलब खोलुन-खोलुन समजाते रलो कि मसीह के दुख उठातोर, आउर मरलो बितामन थानले जीव उठतोर, जरूरी रये; आउर “ऐई ईशु जेचो मय तुमके कथा सुनाय से, मसीह आय।”

प्रेरितो 18:25

हुन परबु चो बाट चो सिक्या पाऊ रलो, आउर मन लगाऊन भाती ईशु चो बारे ठीक-ठीक सुनाते आउर सिकाते रलो, मान्तर हुन मात्र यूहन्ना चो डूबन चो गोठ जानते रलो।

प्रेरितो 18:5

जिदलदाय सीलास आउर तीमुथियुस मकिदुनिया ले ईला, तेबे पौलुस बचन सुनातोर धुन ने यहूदीमन के गोहई देऊक मुरयालो कि ईशु ची मसीह आय।

प्रेरितो 8:35

तेबे फिलिप्पुस आपलो मुंह खोललो, आउर ऐई पवितर शास्त्र ले मुरयाऊन हुनके ईशु चो नगतखबर सुनालो।

प्रेरितो 9:22

मान्तर शाऊल आउर बले सामरती होते गेलो, आउर ऐ गोठ चो सबुत देऊन-देऊन भाती कि मसीह ऐई आय, दमिश्क चो रतो बितामन यहूदीमन चो मुंह बंद करते रलो।