प्रेरितो 18:27 - Halbi

²⁷ जिदलदाय हुन तय करलो कि हुनपाट उतरून भाती अखाया चो बाटे जाओ तेबे भाईमन हुनके हिम्मत देऊन भाती चेलामन के लिकला कि हुनमन हुनके अच्छा ढंग ले मिलोत; आउर हुन हुता पोंचुन भाती हुन लोगमन चो बड़े सायता करलो जोनमन अनुग्रह चो लागुन बिश्वास करू रला।

परमेस्वर को सच्चो वचन ख जाननू

²⁷ जब ओ न भरोसा करो की पार उतर ख अखया ख जाय ते भई हुन न ओ ख हिम्मत दे ख चेला हुन ख लिखो कि वी ओसे चोक्खो तरीका से मिले; अर ओ न वहाँ पहुँचा ख वी अदमी हुन की बड़ी मदत करी जिन्ना परमेस्वर कि दया को कारन भरोसा करियो रह

प्रेरितो 18:27 ပူးပေါင်းရင်းမြစ်များ

प्रेरितो 1:15

हुन दिनमन ने पतरस भाईमन चो मंजी ने जोन छय कोड़ी लोग चो अमरा अमरी रवत, उबा होऊन भाती बोलुक मुरयालो,

प्रेरितो 11:26

जिदलदाय हुन हुनके भेटलो तेबे हुनके अन्ताकिया आनलो; आउर असन होली कि हुनमन गोटक बरक ले कलीसिया चो संगे मिलतोर आउर खुबे लोगमन के उपदेश देते रला; आउर चेलामन सपाय ले पयले अन्ताकिया ने ची मसीह बलाया गेला।

प्रेरितो 15:34

(मान्तर सीलास के हुता रतोर अच्छा लागली।)

प्रेरितो 18:12

जिदलदाय गल्लियो अखाया देश चो हाकिम रलो, तेबे यहूदीमन गोटक होऊन पौलुस चो उपरे ईला, आउर हुनके नियाय आसन चो पुरे आनुन भाती बोलुक मुरयाला,

प्रेरितो 18:18

पौलुस खुबे दिन ले हुता रलो। फेर भाईमन ले बिदा होऊन भाती किंख्रीया ने ऐईकाजे मुण्ड खुरालो, कसनबल्लोने हुन बर मांगु रलो, आउर जाहाज उपरे सीरिया ने जाते गेलो आउर हुनचो संगे प्रिसकिला आउर अकविला रवत।

प्रेरितो 19:1

जिदलदाय अपुल्लोस कुरिन्थुस ने रलो, तेबे पौलुस उपर चो सपाय परदेश ले होऊन भाती इफिसुस ने ईलो। हुता खिन्डिक चेलामन के दकुन भाती

प्रेरितो 9:27

मान्तर बरनबास हुनके आपलो संगे पठालोबितामन चो लगे नेऊन भाती हुनमन के सांगलो कि ऐ कसन रीति ले बाट ने परबु के दकलो, आउर हुन ऐचो ले गोठयालो; फेर दमिश्क ने ऐ कसन हिम्मत ले ईशु चो नाव ले परचार करलो।

रोमियो 1:5

हुनचो बाटले आमके अनुग्रह आउर पठालोबिता चो काम मिरली कि हुनचो नाव चो कारन सपाय जातिमन चो लोग बिश्वास करून हुनचो मानोत,

1 कुरिन्थियो 15:10

मान्तर मय जोन काई बले आय, माहापुरू चो अनुग्रह ले आय। हुनचो अनुग्रह जोन मोचो उपरे होली, हुन फकाहा नी होली; मान्तर मय हुन सपाय ले बडुन भाती मसागत बले करले तेबले बले ऐ मोचो बाटले नी होली मान्तर माहापुरू चो अनुग्रह ले जोन मोचो उपरे रली।

1 कुरिन्थियो 16:3

आउर जिदलदाय मय ऐयें दें, तेबे जोन के तुमी चाहा से हुनमन के मय चिठ्ठीमन देऊन भाती पटाऊन देयें दें कि तुमचो दान यरूशलेम अमराऊन दे ओत।

1 कुरिन्थियो 3:6

मय लगाले, अपुल्लोस सींचलो, मान्तर माहापुरू बड़ालो।

2 कुरिन्थियो 1:24

ऐ नाई कि आमी बिश्वास चो बारे ने तुमचो उपरे परभुता जतातोर चाहाऊं से; मान्तर तुमचो हरिक ले सायक आय कसनबल्लोने तुमी बिश्वास ची ले थीर रऊ आस।

फिलिप्पियो 1:25

ऐईकाजे कि मोके ऐचो भरसा आसे आउर मय जानें से कि मय जीव रयें दे, मान्तर तुमी सपाय चो संगे रयेंदे जेचो ले तुमी बिश्वास ने जमखम होते जाआ आउर हुन थाने हरिक ने राआ;

फिलिप्पियो 1:29

कसनबल्लोने मसीह चो लागुन तुमचो उपरे ऐ अनुग्रह होली कि ना मात्र हुनचो उपरे बिश्वास करा मान्तर हुनचो काजे दुख बले उठाआ;

कुलुस्सियो 2:12

आउर हुनचेई संगे डूबन ने गाड़ाय गेला आउर हुनचेई थाने माहापुरू चो सामरत उपरे बिश्वास करून, जेचो ले हुनके मरलो बितामन थानले जिआलो, हुनचो संगे जीव बले उठला।

कुलुस्सियो 4:10

अरिस्तर्खुस, जोन मोचो संगे कयदी आय, आउर मरकुस जोन बरनबास चो भाई लागु आय (जेचो बारे ने तुमी हुकुम पाऊन रलास कि अगर हुन तुमचो लगे ऐओ, तेबे हुनचो ले अच्छा रीति ले बेबार करा),