प्रेरितो 18:26 - Halbi

²⁶ हुन आराधना घर ने नी डर होऊन भाती बोलुक मुरयालो, मान्तर प्रिसकिला आउर अकविला हुनचो गोठमन सुनुन भाती हुनके आपलो थाने नीला आउर माहापुरू चो बाट हुनके आउर बले ठीक-ठीक सांगला।

परमेस्वर को सच्चो वचन ख जाननू

²⁶ उ प्रार्थना घर म बेधड़क हो ख कहन लग्यो, पर प्रिसकिल्ला अर अक्विला ओकी बात सुन ख ओ ख अपनो यहाँ ले गया अर परमेस्वर को यहाँ जान कि रस्ता ओ ख अऊर भी सही-सही बतायो।

प्रेरितो 18:26 ပူးပေါင်းရင်းမြစ်များ

मरकुस 10:15

मय तुमचो ले सते बलें सें कि जोन कोनी माहापुरू चो राज के पिला चो असन गरहन नी करे, हुन हुन थाने केबे ओलुक नी सके।”

लूका 19:26

‘मय तुमचो ले बलें सें कि जेचो लगे आसे हुनके दिया जाये दे; आउर जेचो लगे निआय, हुनचो ले हुन बले जोन हुनचो लगे आसे धरा जाये दे।

लूका 24:27

तेबे हुन मूसा ले आउर सपाय अगम गिआनीमन ले आरम करून सपाय पवितर शास्त्रमन थानले आपलो बारे ने लिकलोर गोठमन चो अरत, हुनमन के समजाऊन दिलो।

यूहन्ना 7:17

अगर कोनी हुनचो इच्छा थाने चलुक चाहाओ, तेबे हुन ऐ उपदेश चो बारे ने जाने दे कि ऐ माहापुरू चो बाटले आय नाहले मय आपलो बाटले बलें सें।

प्रेरितो 14:3

हुनमन खुबे दिन ले हुता रला, आउर परबु चो भरसा थाने हिम्मत ले गोठमन करते रवत; आउर हुन हुनमन चो हाथ ले चिना आउर भयंकर काम कराऊन भाती आपलो अनुग्रह चो बचन थाने गोहई देते रलो।

प्रेरितो 18:18

पौलुस खुबे दिन ले हुता रलो। फेर भाईमन ले बिदा होऊन भाती किंख्रीया ने ऐईकाजे मुण्ड खुरालो, कसनबल्लोने हुन बर मांगु रलो, आउर जाहाज उपरे सीरिया ने जाते गेलो आउर हुनचो संगे प्रिसकिला आउर अकविला रवत।

प्रेरितो 18:25

हुन परबु चो बाट चो सिक्या पाऊ रलो, आउर मन लगाऊन भाती ईशु चो बारे ठीक-ठीक सुनाते आउर सिकाते रलो, मान्तर हुन मात्र यूहन्ना चो डूबन चो गोठ जानते रलो।

प्रेरितो 19:8

हुन आराधना घर ने जाऊन भाती तीन मयना तक डर नाहलोर होऊन भाती बोलते रलो, आउर माहापुरू चो राज चो बारे ने गोठ बात करते आउर समजाते रलो।

प्रेरितो 28:23

तेबे हुनमन हुनचो काजे गोटक दिन ठेबाला, आउर खुबे असन लोग हुनचो थाने रूंड़ा होला, आउर हुन माहापुरू चो राज चो गोहई देते, आउर मूसा चो नियम आउर अगम गिआनीमन चो किताबमन ले ईशु चो बारे ने समजाऊन-समजाऊन भाती बड़े बिहान ले सांज तक बरनन करते रलो।

प्रेरितो 8:31

हुन बल्लो, “जिदलदाय ले कोनी मोके नी समजा ओत तो मय कसन समजेंदें?” आउर हुन फिलिप्पुस ले बिनती करलो कि हुन चेगुन भाती हुनचो लगे बोसो।

1 कुरिन्थियो 12:21

आँईक हाथ ले नी बोलुक सके, “मोके तुचो जरूरत निआय,” आउर ना मुण्ड पाँयमन ले बोलुक सके, “मोके तुमचो जरूरत निआय।”

1 कुरिन्थियो 3:18

कोनी आपन खुद के धोका नी दिआस। अगर तुमचो थानले कोनी ऐ संवसार ने आपन खुद के गिआनी समजो, तो मुरूक बनो कि गिआनी होऊन जाओ।

1 कुरिन्थियो 8:2

अगर कोनी समजो कि मय काई जाने, जसन जानतोर आय असने ऐबले नी जाने।

इब्रानियो 6:1

ऐईकाजे ईआ मसीह चो सिक्या चो मुर चो गोठमन के छांडुन भाती आमी सिद्धता चो बाटे पुरे बड़ते जाऊ, आउर मरलो बिती काममन ले मन फिरातो, आउर माहापुरू उपरे बिश्वास करतोर,

2 पतरस 3:18

मान्तर आमचो परबु आउर मुक्तिकरू ईशु मसीह चो अनुग्रह आउर पयचान ने बड़ते जाआ। हुनचेई महिमा ऐबे बले होओ, आउर जुग-जुग होते रओ। आमीन।