प्रेरितो 18:21 - Halbi

²¹ मान्तर ऐ बोलुन भाती हुनमन ले बिदा होलो, “अगर माहापुरू मन करे दे तेबे मय तुमचो लगे फेर ऐयें दें।” तेबे हुन इफिसुस ले जाहाज ढीलुन भाती जाते गेलो;।

परमेस्वर को सच्चो वचन ख जाननू

²¹ पर असो बोल ख उनसे बीदा भयो, “अदि परमेस्वर चाहे ते मी तुमरो जोने फिर आहूँ। ओको बाद उ इफिसुस से जहाज खोल ख चल दियो;

प्रेरितो 18:21 ပူးပေါင်းရင်းမြစ်များ

मत्ती 26:39

फेर हुन खिन्डिक आउर पुरे जाऊन भाती पाटा पडुन घसरलो, आउर ऐ पारथना करलो, “हे मोचो बुआ, अगर होऊक सके तो ऐ बटका मोचो ले गुचुन जाओ, तेबले बले जसन मय मन करें से असन नाई, मान्तर जसन तुय मन कर सीस असने होओ।”

मरकुस 6:46

हुनमन के बिदा करून हुन डोंगरी उपरे पारथना करूक लाय गेलो।

लूका 9:61

गोटक दुसर बले बल्लो, “हे परबु, मय तुचो पाटे होयें दें, मान्तर पयले मोके जाऊक देस कि आपलो घर चो लोगमन ले बिदा धरून ऐयें दें।”

प्रेरितो 15:29

“कि तुमी मुरतीमन थाने पुजलो बिती ले आउर लऊ ले, आउर टोडरा अलटलो बिती मास ले आउर बेबीचार ले लापी राहा। ऐ मन ले लापी राहा तेबे तुमचो भला होये दे। पुरे शुभ।”

प्रेरितो 18:19

हुन इफिसुस पोंचुन भाती हुनमन के हुता छांडलो, आउर खुद आराधना घर ने जाऊन भाती यहूदीमन चो संगे गोठ बात करूक मुरयालो।

प्रेरितो 18:20

जिदलदाय हुनमन हुनचो ले गुहार करला, “आमचो संगे आउर खिन्डिक दिन रा।” तेबे हुन नी मानलो;

प्रेरितो 18:24

अपुल्लोस नाव चो गोटक यहूदी, जेचो जनम सिकन्दरिया ने होऊ रली, जोन पण्डित माने रलो आउर पवितर शास्त्र के अच्छा ढंग ले जानते रलो, इफिसुस ने ईलो।

प्रेरितो 19:1

जिदलदाय अपुल्लोस कुरिन्थुस ने रलो, तेबे पौलुस उपर चो सपाय परदेश ले होऊन भाती इफिसुस ने ईलो। हुता खिन्डिक चेलामन के दकुन भाती

प्रेरितो 19:17

ऐ गोठ इफिसुस चो रतो बितामन सपाय यहूदी आउर यूनानी बले जानुन गेला, आउर हुन सपाय उपरे डर छाऊन गेली; आउर परबु ईशु नाव चो बड़पन होली।

प्रेरितो 19:21

जिदलदाय ऐ गोठमन होऊन चुकली तेबे पौलुस आत्मा ने ठानलो कि मकिदुनिया आउर अखाया ले होऊन भाती यरूशलेम ने जायें दें, आउर बल्लो, “हुता गेलोर पाचे मोके रोम के बले दकतोर जरूरी आय।”

प्रेरितो 20:16

कसनबल्लोने पौलुस इफिसुस चो लगे ले होऊन भाती जातोर तय करू रलो कि काहांय असन नी होओ कि हुनके आसिया ने बेर होओ; कसनबल्लोने हुन चांड ने रलो कि अगर होऊक सको तो हुन पिन्तेकुस्त चो दिने यरूशलेम ने रओ।

प्रेरितो 21:14

जिदलदाय हुन नी मानलो तेबे आमी ऐ बोलुन भाती ओगाय होऊन गेलु, “परबु चो इच्छा पुरा होओ।”

प्रेरितो 21:29

हुनमन ऐचो ले पयले इफिसिमन त्रुफिमुस के हुनचो संगे नंगर ने दकु रला, आउर समजु रवत कि पौलुस हुनके मंदिर ने धरून ईलो से।

रोमियो 1:10

आउर सदा आपलो पारथना ने गुहार करू आंय कि कोनी रीति ले अदायं तुमचो लगे ऐतोर मोचो बाट माहापुरू चो इच्छा ले सफल होओ।

रोमियो 15:32

आउर मय माहापुरू चो इच्छा ले तुमचो लगे हरिक चो संगे ऐऊन भाती तुमचो संगे आराम पायें।

1 कुरिन्थियो 15:32

अगर मय माने चो रीति थाने इफिसुस ने रान पशुमन ले लड़ले तो मोके काय फायदा होली? अगर मुरदा जिआया नी जादे, “तो ईआ, खाऊ-पीऊं, कसनबल्लोने काली के तो मरून ची जांवा।”

1 कुरिन्थियो 16:7

कसनबल्लोने मय अदायं बाट ने तुमचो ले भेट करूक नी चाहायें मान्तर मोके आशा आसे कि अगर परबु चाह ले तेबे खिन्डिक समया तक तुमचो संगे रयें दें।

1 कुरिन्थियो 16:8

मान्तर मय पिन्तेकुस्त तक इफिसुस ने रयें दें।

1 कुरिन्थियो 4:19

मान्तर परबु चाहा ओ तो मय तुमचो लगे झटके ची ऐयें दें, आउर हुन फुललो बितामन चो गोठमन के नाई, मान्तर हुनमन चो सामरत के जाने दे।

2 कुरिन्थियो 13:11

आउर हे भाईमन, हरिक राआ; सिद्ध बनते जाआ; हिम्मत संगाआ; गोटक ची मन संगाआ; मिलुन राआ। आउर मया आउर शान्ति चो देतो बिता माहापुरू तुमचो संगे रये दे।

इफिसीयो 1:1

पौलुस चो बाटले जोन माहापुरू चो इच्छा ले ईशु मसीह चो पठालोबिता आय, हुन पवितर आउर मसीह ईशु ने बिश्वासी लोगमन चो नाव जोन इफिसुस ने आसोत,

इब्रानियो 6:3

अगर माहापुरू चाहा लो ने आमी ऐई करूं दे।

याकूब 4:15

ऐचो उलटा तुमके ऐ बोलतोर आसे, “अगर परबु चाहाय दे तो आमी जीव रवां, आउर ऐ नाहले हुन काम बले करवां।”

1 पतरस 3:17

कसनबल्लोने अगर माहापुरू चो ऐई इच्छा होओ कि तुमी भलाई करलोर लागुन दुख उठाआ, तेबे ऐ खराबी करलोर लागुन दुख उठालो ले बड़ीया आय।

प्रकाशितवाक्य 1:11

“जोन काई तुय दक सीस हुनके किताब ने लिकुन भाती सातो कलीसियामन चो लगे पटाऊन देस, बल्लोने इफिसुस, आउर स्मुरना, आउर पिरगमुन, आउर थुआथीरा, आउर सरदीस, आउर फिलदिलफिया, आउर लौदीकिया के।”

प्रकाशितवाक्य 2:1

“इफिसुस चो कलीसिया चो दूत के ऐ लिक: ‘जोन सातो तारामन आपलो उजा हाथ ने धरून भाती आसे, आउर सोना चो सातो पटेरामन चो मंजी ने बुलु आय, हुन ऐ बलेसे’”