प्रेरितो 18:15 - Halbi

¹⁵ मान्तर अगर ऐ गोठ बात शब्दमन, आउर नावमन, आउर तुमचो थानो नियम चो बारे आय, तेबे तुमी ची जाना; कसनबल्लोने मय ऐ गोठमन चो नियायी नी बनुक मन करें से।

परमेस्वर को सच्चो वचन ख जाननू

¹⁵ पर अदि या बहस कही वाली बात हुन, अर नाम हुन अर तुमरो खुद कि नेम की रीति-रीवाज को बारे म हैं, ते तुम ही समझनू: काहेकि मी असी बात हुन को न्याय करन वालो नी बननू चाहूँ।”

प्रेरितो 18:15 ပူးပေါင်းရင်းမြစ်များ

मत्ती 27:24

जिदलदाय पिलातुस दकलो कि काई बन नी पढ़े से मान्तर ऐचो उलटा कोलार बड़ते जाये से, तेबे हुन पानी धरून भीड़ चो पुरे आपलो हाथ धोहलो आउर बल्लो, “मय ऐ धरमी चो लऊ ले बेकसूर आंय; तुमी ची जाना।”

मत्ती 27:4

आउर बल्लो, “मय बेकसूर के मरातो काजे धराऊन भाती पाप करले से!” हुनमन बल्ला, “आमके काय आय? तुय ची जान।”

यूहन्ना 18:31

पिलातुस हुनमन ले बल्लो, “तुमी ची ऐके नेऊन भाती आपलो नियम चो अनुसार हुनचो नियाय करा।” यहूदीमन हुनचो ले बल्ला, “आमके अधिकार निआय कि काचीई जीव धरू।”

प्रेरितो 18:13

“ऐ लोगमन के समजाऊँ आय कि माहापुरू चो उपास असन रीति ले करोत, जोन नियम चो उलटा आय।”

प्रेरितो 23:29

तेबे मय जानले कि हुनमन आपलो नियम चो झगड़ा चो बारे ने हुनचो उपरे दोष लगाऊ आत, मान्तर मारून दिया जातोर नाहले बान्दा जातोर लायक हुनचो उपरे काई दोष निआय।

प्रेरितो 25:11

अगर मय अपराधी आंय आउर मारून पकातोर लायक कोनी काम करले से, तेबे मरतो काजे नी मुकरें; मान्तर जोन गोठमन चो ऐ मोचो उपरे दोष लगाऊ आत, अगर हुनमन थानले कोनी बले गोठ सत नी ठेबे, तेबे कोनी मोके हुनमन चो हाथे नी सोपुक सके। मय राजा चो दुहाई देयें से।

प्रेरितो 25:19

मान्तर हुनमन आपलो मत चो आउर ईशु नाव कोनी माने चो बारे ने, जोन मरून जाऊ रये आउर पौलुस हुनके जीवता सांगु रये, गोठ बात करते रवत।

प्रेरितो 26:3

खास करून ऐईकाजे कि तुय यहूदीमन चो सपाय रीति बिदीमन आउर झगड़ामन के जानीस। आउर मय बिनती करें से, धीरज ले मोचो सुन।

1तीमुथियुस 1:4

आउर हुन कहनीमन आउर अनंत बंसावलीमन थाने मन नी लगा ओत जेचो ले बिवाद होऊ आय, आउर माहापुरू चो हुन जुगाड़ चो अनुसार नाई, जोन बिश्वास थाने टिकला सोत। असने ची फेर बल्ले बलेंसें।

1तीमुथियुस 6:4

तेबे हुन घमडिही होऊन गेलो, आउर काई नी जाने; मान्तर हुनके बिवाद आउर शब्दमन थाने तर्क करातोर रोग आसे, जेचो ले डाहा, आउर झगड़ामन, आउर निन्दा चो गोठमन आउर खराप-खराप संका,

2 तीमुथियुस 2:23

मान्तर मुरक आउर बिनगिआन चो झगड़ा ले अलगे रा, कसनबल्लोने तुय जाने सीस कि ऐचो ले झगड़ा उपजास होऊ आय।

तीतुस 3:9

मान्तर मुरूकता चो गोठ बात मन, आउर बंसावलीमन, आउर बिरूद आउर झगड़ामन ले जोन नियम चो बारे ने होओ, बाचुन रा; कसनबल्लोने हुनमन बीना फल आउर फकाहा आत।