प्रेरितो 17:5 - Halbi

⁵ मान्तर यहूदीमन कुचर ले भरून भाती बजार चो लोगमन थानले कितलो दुष्ट मानेमन के आपलो संगने धरला, आउर भीड़ रूंड़ा करून नंगर ने कोलार करूक मुरयाला, आउर यासोन चो घर थाने जबरन जाऊन हुनमन के लोगमन चो पुरे आनुक मन करला।

परमेस्वर को सच्चो वचन ख जाननू

⁵ पर यहूदी हुन घुस्सा से भर ख फालतु घुमन वाला कुछ पापी इंसान हुन ख अपनो संग म लियो, अर भीड़ जोड ख सहर म हल्ला मचान लगया अर यासोन को घर प चडाई कर ख उन ख इंसान हुन को सामने लानो चाहयो।

प्रेरितो 17:5 ပူးပေါင်းရင်းမြစ်များ

मत्ती 27:18

कसनबल्लोने हुन जानते रलो कि हुनमन हुनके कपट ले धराला से।

प्रेरितो 13:45

मान्तर यहूदी भीड़ के दकुन भाती डाह ले भरला, आउर निन्दा करते-करते पौलुस चो गोठमन चो बिरूद ने बोलुक मुरयाला।

प्रेरितो 14:19

मान्तर कितलो यहूदीमन अन्ताकिया आउर इकुनियुम ले ऐऊन भाती लोगमन के आपलो बाटे करला, आउर पौलुस उपरे पखना मारला, आउर मरलो समजुन भाती हुनके नंगर चो बाहरे ओड़गड़ते निला।

प्रेरितो 14:2

मान्तर बिश्वास नी करतो बितामन यहूदीमन दुसर जातिमन चो मन भाईमन चो बिरूद ने हुच हुचाला, आउर मनमुटाव पयदा करून दिला।

प्रेरितो 17:13

मान्तर जिदलदाय थिस्सलुनी चो यहूदी जानुन गेला कि पौलुस बिरीया ने बले माहापुरू चो बचन सुनाऊ आय, तेबे हुता बले ऐऊन भाती लोगमन के हुच हुचाक आउर हुड़दुम करूक मुरयाला।

प्रेरितो 17:6

हुनमन के हुता नी भेटुन भाती हुनमन ऐ चिचयाते-चिचयाते यासोन आउर खिन्डिक भाईमन के नंगर चो हाकिममन चो पुरे झिकुन आनला, ऐ लोग जोनमन जगत के उलटा पुलटा करून दिला से, ऐथा बले ऐऊन गेला से।

प्रेरितो 17:7

यासोन हुनमन के आपलो थाने उतरालो से। ऐ सपाय चो सपाय ऐ बोल सोत कि ईशु राजा आय, आउर राजा चो हुकुममन चो बिरूद करे सोत।

प्रेरितो 17:9

ऐईकाजे हुनमन यासोन आउर बाकी लोगमन ले जुरमाना धरून हुनमन के छांडुन दिला।

प्रेरितो 18:12

जिदलदाय गल्लियो अखाया देश चो हाकिम रलो, तेबे यहूदीमन गोटक होऊन पौलुस चो उपरे ईला, आउर हुनके नियाय आसन चो पुरे आनुन भाती बोलुक मुरयाला,

प्रेरितो 19:40

कसनबल्लोने आजी चो बदलतोर लागुन आमचो उपरे दोष लगाया जातोर डर आसे, ऐईकाजे कि ऐचो काई कारन निआय, आउर आमी ऐ भीड़ चो रूंड़ा होतोर काई जबाप नी देऊक सकु दें।

प्रेरितो 7:9

“कुल पतिमन यूसुफ ले इरका होऊन हुनके मिस्र देश जातो बितामन चो हाथे बिकला; मान्तर माहापुरू हुनचो संगे रलो।”

रोमियो 16:21

मोचो सकरमी तीमुथियुस चो, आउर मोचो कुटुममन लुकियुस आउर यासोन आउर सोसिपत्रुस चो तुमके जुहार।

1 कुरिन्थियो 3:3

कसनबल्लोने ऐबले शारीरिक आस। ऐईकाजे कि जसन तुमचो थाने डाह आउर झगड़ा आसे, तो काय तुमी शारीरिक नुआस? आउर काय देंह चो रीति थाने नी चलास?

2 कुरिन्थियो 11:26

मय घन-घन यातरामन ने; लंदीमन चो खतरामन ने; डाकुमन चो खतरामन ने; आपलो जाति बितामन ले खतरामन ने; दुसर जातिमन ले खतरामन ने; नंगरमन चो खतरामन ने; रान चो खतरामन ने; समुन्द चो खतरामन ने; फंदी भाईमन चो मंजी खतरामन ने रले।

गलातियो 5:21

डाहा, मतवारपन, खेल-कुद आउर ऐ मन चो असन दुसर-दुसर काम आसे, ऐ मन चो बारे ने मय तुमचो ले पयले ले बोलुन देयें से जसन पयले बोलुन बले चुकले से, कि असन-असन काम करतो बितामन माहापुरू चो राज चो हकदार नी होओत।

गलातियो 5:26

आमी घमण्डी होऊन भाती ना गोटक दुसर के उड़साऊ, आउर ने गोटक दुसर ले डाह करूं।

1 थिस्सलुनीकियो 1:6

तुमी बड़े कलेश ने, पवितर आत्मा चो हरिक चो संगे, बचन के मानुन भाती आमचो आउर परबु चो असन चाल चलुक मुरयालास।

याकूब 4:5

काय तुमी ऐ समजु आस कि पवितर शास्त्र फकाहा बोलु आय, “जोन आत्मा के हुन आमचो भीतरे बसालो से, काय हुन असने लालच करू आय जेचो करलो फल कुचर होओ”?