प्रेरितो 17:4 - Halbi

⁴ हुनमन थानले कितलो झान, आउर भगत यूनानीमन थानले खुबेमन, आउर खुबे असन कलंकीन बायले लेकीमन मानला, आउर पौलुस आउर सीलास चो संगे मिसुन गेला।

परमेस्वर को सच्चो वचन ख जाननू

⁴ उन म से कितनो न, अर पुजारी यूनानी हुन म से बेजा न, अर बेजा सा कुलीन स्तरियो न मान लियो, अर पोलुस अर सीलास को संग मिल गयो।

प्रेरितो 17:4 ပူးပေါင်းရင်းမြစ်များ

यूहन्ना 7:35

ऐ थाने यहूदीमन आपस ने बल्ला, “ऐ काहां जाय दे कि आमी ऐके नी भेटुन दें? काय हुन हुनमन चो लगे जाये दे जोन यूनानीमन ने जतखत होऊन भाती रऊ आत, आउर यूनानीमन के बले उपदेश देये दे?

प्रेरितो 13:43

जिदलदाय आराधना सभा उठून गेली तेबे यहूदीमन आउर यहूदी दल ने ईलो भगतमन थानले खुबे असन पौलुस आउर बरनबास चो पाट-पाट होला; आउर हुनमन-हुनमन चो ले गोठमन करून समजाला कि माहापुरू चो अनुग्रह ने बनु राहा।

प्रेरितो 13:50

मान्तर यहूदीमन भगत आउर सियानिन बायले लेकीमन के आउर नंगर चो मुखिया लोगमन के हुच हुचाला, आउर पौलुस आउर बरनबास चो बिरूद हुड़दुम कराऊन भाती हुनमन के आपलो संदी ले निकराऊन दिला।

प्रेरितो 14:1

इकुनियुम ने असन होली कि हुनमन यहूदीमन चो आराधना घर ने संगे-संगे गेला, आउर ऐ परकार गोठमन करला कि यहूदीमन आउर यूनानीमन दुनो थानले खुबेमन बिश्वास करला।

प्रेरितो 14:4

मान्तर नंगर चो लोगमन ने फुट पडुन जाऊ रली, ऐचो ले कितलो तो यहूदीमन चो बाटे आउर कितलो पठालोबितामन चो बाटे होऊन गेला।

प्रेरितो 15:22

तेबे सपाय कलीसिया संगे पठालोबिता आउर सियानमन के अच्छा लागली कि आपलो थानले खिन्डिक मानेमन के चुनोत, बल्लोने यहूदा जोन बरसबा बलाया जाऊ आय, आउर सीलास के जोन भाईमन ने मुखिया रये; आउर हुनमन के पौलुस आउर बरनबास चो संगे अन्ताकिया पठाला।

प्रेरितो 15:27

ऐईकाजे आमी यहूदा आउर सीलास के पठालु से, जोन आपलो मुंह ले बले ऐ गोठमन बोलुन देदे।

प्रेरितो 15:32

यहूदा आउर सीलास जोन खुद बले अगम गिआनी रवत, खुबे गोठमन ले भाईमन के उपदेश देऊन भाती थीर करला।

प्रेरितो 15:40

मान्तर पौलुस सीलास के चुनलो, आउर भाईमन ले माहापुरू चो अनुग्रह ने सोपी जाऊन भाती हुता ले जाते गेलो;

प्रेरितो 16:3

पौलुस चो इच्छा रली कि हुन हुनचो संगे चलो; आउर जोन यहूदी लोग हुन जगामन ने रवत हुनमन चो लागुन हुन हुनचो खतना करलो, कसनबल्लोने हुनमन सपाय जानते रवत, कि हुनचो बुआ यूनानी रलो।

प्रेरितो 17:10

भाईमन तुरते रात ची रात पौलुस आउर सीलास के बिरीया पटाऊन दिला; आउर हुनमन हुता पहुँचुन भाती यहूदीमन चो आराधना घर ने गेला।

प्रेरितो 17:12

ऐईकाजे हुनमन थानले खुबेमन, आउर यूनानी सियानिन बायले लेकीमन थानले आउर मानेमन थानले बले खुबेमन बिश्वास करला।

प्रेरितो 17:14

तेबे भाईमन तुरते पौलुस के बिदा करला कि समुन्द चो रेटे जाते जाओ; मान्तर सीलास आउर तीमुथियुस हुताय रऊन गेला।

प्रेरितो 17:17

आउर हुन आराधना घर ने यहूदीमन आउर भगतमन ले, आउर जोड़ान ने जोन लोग हुनके भेटते रवत हुनमन चो ले रोजे दिना गोठ बात करते रलो।

प्रेरितो 17:34

मान्तर कितलो माने हुनचो संगे मिसुन गेला, आउर बिश्वास करला; जोन थाने डीयुनुसीऊस जोन अरियुपगुस चो सदस्य रलो, आउर दमरिस नाव चो गोटक बायले लेकी रली, आउर हुनमन चो संगे आउर बले लोग रवत।

प्रेरितो 18:4

हुन हरकोनी सब्त चो दिने आराधना घर ने गोठ बात करून यहूदीमन आउर यूनानीमन के बले समजाते रलो।

प्रेरितो 19:10

दुय बरक तक असने ची होते रये, ऐथा ले कि आसिया चो रतो बितामन काय यहूदी काय यूनानी सपाय परबु चो बचन सुनला।

प्रेरितो 2:44

आउर सपाय बिश्वास करतो बिता रूंड़ा रते रवत, आउर हुनमन चो सपाय तीजमन मांदी ने रली।

प्रेरितो 21:28

“हे इस्राएलीमन, सायता करा; ऐ हुनी माने आय, जोन लोगमन चो, आउर नियम चो, आउर ऐ जगा चो बिरूद ने हर जगा सपाय लोगमन के सिकाऊ आय, ऐथा ले कि यूनानीमन के बले मंदिर ने आनुन भाती हुन ऐ पवितर जगा के अशुद्ध करलो से।”

प्रेरितो 28:24

तेबे कितलो तो हुन गोठमन के मानला, आउर कितलो तो बिश्वास नी करला।

प्रेरितो 4:23

हुनमन छंडाय होऊन आपलो संगवारीमन चो लगे ईला, आउर जोन काई परधान याजकमन आउर पुरनिमन हुनमन ले बोलु रला, हुनमन के सुनान दिला।

2 कुरिन्थियो 8:5

आउर जसन आमी आशा करू रलु, असने ची नाई मान्तर हुनमन परबु के फेर माहापुरू चो इच्छा ले आमके बले आपन खुद के देउन दिला।