प्रेरितो 15:13 - Halbi

¹³ जिदलदाय हुनमन ओगाय होला तेबे याकूब बोलुक मुरयालो, हे भाईमन, मोचो सुना।

परमेस्वर को सच्चो वचन ख जाननू

¹³ जब वी चुप भया तो याकूब कहन लगयो ओ भई मोरी सुन

प्रेरितो 15:13 ပူးပေါင်းရင်းမြစ်များ

मरकुस 15:40

कितलो बायले लेकीमन बले लापी ले दकते रवत: हुनमन ने मरियम मगदलीनी, नानी याकूब आउर योसेस चो आया मरियम, आउर सलोमी रली।

प्रेरितो 12:17

तेबे हुन हुनमन के हाथ ले सोयका दकालो कि ओगाय राहा; आउर हुनमन के सांगलो कि परबु कसन रीति ले हुनके जयलघर ले निकराऊन आनलो से। फेर बल्लो, “याकूब आउर भाईमन के ऐ गोठ सांगुन दिआस।” तेबे निकरून भाती दुसर जगा जाते गेलो।

प्रेरितो 15:14

शिमोन सांगलो कि माहापुरू पयले-पयले दुसर जातिमन ने कसन दयाधरम करलो कि हुनमन थानले आपलो नाव चो काजे गोटक लोग बना ओ।

प्रेरितो 2:14

तेबे पतरस हुन गियारा झान चो संगे उबा होलो आउर जोर ले बोलुक मुरयालो, “हे यहूदीमन आउर हे यरूशलेम चो सपाय रतो बितामन, ऐ जाना, आउर कान लगाऊन भाती मोचो गोठमन सुना।”

प्रेरितो 2:22

“हे इस्राएलीमन, ऐ गोठमन सुना ईशु नासरी गोटक माने रलो जेचो माहापुरू चो बाटले होतोर सबुत हुन सामरत चो काममन आउर अकचकित चो काममन आउर चिनामन ले उजागर आसे, जोन माहापुरू तुमचो मंजी हुनचो बाटले करून दकालो जेके तुमी खुदे ची जानेसास।”

प्रेरितो 2:29

“हे भाईमन, मय कुलपती दाऊद चो बारे ने तुमनमन ले साहास चो संगे बोलुक सकें कि हुन तो मरून गेलो आउर माटी दिआय बले गेलो आउर हुनचो कबर आजी ले आमचो थाने हाजिर आसे।”

प्रेरितो 21:18

दुसर दिने पौलुस आमके धरून भाती याकूब चो लगे गेलो, जोन थाने सपाय सियान रूंड़ा रवत।

प्रेरितो 22:1

“हे भाईमन आउर बुआमन, मोचो जबाप सुना, जोन मय अदायं तुमचो पुरे पेश करें से।”

प्रेरितो 7:2

इस्त्फनुस बल्लो, “हे भाईमन, आउर बुआमन सुना। आमचो बुआ अब्राहाम हारान ने बसतो ले पयले जिदलदाय मेसोपोटामिया ने रलो; तेबे तेजमय माहापुरू हुनके दरशन दिलो।”

गलातियो 1:19

मान्तर परबु चो भाई याकूब के छांडुन आउर पठालोबितामन थानले कोनी के नी भेटले।

गलातियो 2:12

ऐईकाजे कि याकूब चो बाटले कितलो लोगमन चो ऐतोर पयले हुन दुसर जातिमन चो संगे खाते रलो, मान्तर जिदलदाय हुनमन ईला तेबे खतना करलो बितामन चो डर चो मारे हुन पाटे गुचुन गेलो आउर रेटे होऊक मुरयालो।

गलातियो 2:9

आउर जिदलदाय हुनमन हुन अनुग्रह के जोन मोके मिरू रये जानला, तेबे याकूब, आउर कयफा, आउर यूहन्ना जोन कलीसिया चो खुटा समजा जाते रवत, मोके आउर बरनबास के संगती चो उजा हाथ दिला कि आमी दुसर जातिमन चो लगे जाऊ आउर हुन खतना करलो बितामन चो लगे;

याकूब 1:1

माहापुरू चो आउर परबु ईशु मसीह चो दास याकूब चो बाटले हुन बारा कुलमन चो जोन जत-खत होऊन भाती रऊ आत जुहार अमरो।

याकूब 1:19

ऐ मोचो लाड़रा भाईमन, ऐ गोठ तुमी जाना, हरकोनी माने सुनतो काजे झटके आउर बोलतो ने धीरान आउर रीस ने धीरे हुआ,