प्रेरितो 14:23 - Halbi

²³ आउर हुनमन हरकोनी कलीसिया ने हुनमन चो काजे सियान थेबाला, आउर उपास संगे पारथना करून हुनमन के परबु चो हाथे सोपला जेचो उपरे हुनमन बिश्वास करू रला।

परमेस्वर को सच्चो वचन ख जाननू

²³ अर उन न हर एक कलीसिया म उन को लाने सियाना रखियो अर उपास सहित प्रार्थना कर ख उन ख प्रभु को हात सोपियो जो पर उन न विस्वास करयो रह

प्रेरितो 14:23 ပူးပေါင်းရင်းမြစ်များ

मत्ती 17:21

मान्तर ऐ जाति बिन पारथना आउर उपास चो नाहलोर नी निकरे।”

मरकुस 3:14

तेबे हुन बारा झान मानेमन के चुनलो कि हुनमन हुनचो संगे-संगे रवत, आउर हुन हुनमन के पटाओ कि हुनमन परचार करोत,

लूका 2:37

हुन चवरासी बरक ले रान्डी रली: आउर मंदिर के नी छाड़ते रली, मान्तर उपास आउर पारथना करून-करून रात दिन उपास करते रली।

लूका 23:46

आउर ईशु बड़े जोर ले चिचयाऊन भाती बल्लो, “हे बुआ, मय आपलो आत्मा तुचो हाथ ने सोपें सें।” आउर ऐ बोलुन भाती जीव छांडलो।

प्रेरितो 1:22

“नगत आय कि हुनमन चो ले गोटक माने आमचो संगे हुनचो जीव उठतोर गोहई होऊन जाओत।”

प्रेरितो 1:24

आउर ऐ पारथना करला, “हे परबु, तुय जोन सपाय चो मन जानु आस, ऐ उजागर कर कि ऐ मन दुनो ले तुय काके चुनली सीस,

प्रेरितो 11:30

हुनमन असने ची करला; आउर बरनबास आउर शाऊल चो हाथे सियानमन चो लगे काई पटाऊन दिला।

प्रेरितो 14:26

आउर हुता ले हुनमन जाहाज थाने अन्ताकिया गेला, जोन थाने हुनमन हुन काम चो काजे जोन हुनमन पुरा करू रला माहापुरू चो अनुग्रह ने सोपा जाऊ रवत।

प्रेरितो 15:23

हुनमन-हुनमन चो हाथे ऐ लिकुन पठाला: “अन्ताकिया आउर सीरिया आउर किलिकिया चो रतो बिता भाईमन के जोन दुसर जातिमन थानले आत, पठालोबिता आउर सियान भाईमन चो जुहार।”

प्रेरितो 15:4

जिदलदाय हुनमन यरूशलेम पोंचला, तेबे कलीसिया आउर पठालोबिता आउर सियान हुनमन ले हरिक चो संगे मिलला, आउर हुनमन सांगला कि माहापुरू हुनमन चो संगे होऊन भाती कसन-कसन कामकरू रये।

प्रेरितो 15:6

तेबे पठालोबिता आउर सियान ऐ गोठमन चो बारे ने बिचार करतो काजे रूंड़ा होला।

प्रेरितो 20:17

हुन मीलेतुस ले इफिसुस ने खबर पठालो, आउर कलीसिया चो सियानमन के हाग दिआलो।

प्रेरितो 20:32

आउर अदायं मय तुमके माहापुरू के, आउर हुनचो अनुग्रह चो बचन के सोपुन देयें से; जोन तुमचो उन्नती करूक सके आउर सपाय पवितर करा गेलो लोगमन ने सामिल करून मीरास देऊक सके।

2 कुरिन्थियो 8:19

आउर ईतली ची नाई, मान्तर हुन कलीसिया बाटले थेबाया बले गेलो कि ऐे दान चो काम चो काजे आमचो संगे जाओ। आमी ऐ सेवा ऐईकाजे करू आंव कि परबु चो महिमा आउर आमचो मन चो तिआर परकट होऊन जाओ।

1तीमुथियुस 5:1

कोनी डोकरा के नी खीज, मान्तर हुनके बुआ जानुन भाती समजाऊन देस, आउर जुआनमन के भाई जानुन भाती,

1तीमुथियुस 5:22

काचीई थाने झटके हाथ नी संगाव, आउर दुसरमन चो पापमन ने शामिल नी हो; आपन खुद के पवितर बनान संगाव।

2 तीमुथियुस 1:12

ऐई लागुन मय ऐ दुखमन के बले उठायें सें, मान्तर लाज नी होयें, कसनबल्लोने मय हुनके जेचो उपरे मय बिश्वास करले से जाने; आउर मोके तय आसे कि हुन मचो अमानत चो हुन दिन ले राका करूक सके।

2 तीमुथियुस 2:2

आउर जोन गोठमन तुय खुबे असन गोहईमन चो पुरे मोचो ले सुनली सीस, हुनमन के बिश्वासी मानेमन के सोपुन देस; जोन दुसर के बले सिकातोर लायक होओ।

तीतुस 1:5

मय ऐईकाजे तुके क्रेते ने छांडुन ऐऊन रले कि तुय बाकी गोठमन के सुधार, आउर मोचो हुकुम चो अनुसार नंगर-नंगर सियानमन के नियुक्त करो।

याकूब 5:14

अगर तुमनमन ने कोनी रोगी आसे, तो कलीसिया चो सियानमन के हाग देओत, आउर हुनमन परबु चो नाव ले हुनचो उपरे तेल लगडून भाती हुनचो काजे पारथना करोत,

1 पतरस 5:1

तुमनमन ने जोन सियान आय, मय हुनमन चो असन सियान आउर मसीह चो दुखमन चो गोहई आउर परकट होतो बिती महिमा ने शामिल होऊन भाती हुनमन के ऐ समजायें से

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।

2 यूहन्ना 1:1

मय सियान चो बाटले हुन चुनलो बिती बायले आउर हुनचो पिलामन चो नाव, जोनमन ले मय सते मया संगाऊ आय, आउर मात्र मय ची नाई मान्तर हुनमन सपाय बले मया संगाऊ आत जोन सत के जानोत;

3 यूहन्ना 1:1

मय सियान चो बाटले लाड़रा गयुस चो नाव, जेचो ले मय सते मया संगाऊ आंय।