प्रेरितो 14:22 - Halbi

²² आउर चेलामन चो मन के थीर करते रला आउर ऐ उपदेश देते रला कि बिश्वास ने बनु राहा; आउर ऐ बोलते रवत, “आमके बड़े कलेश उठाऊन भाती माहापुरू चो राज ने ओलतोर होये दे।”

परमेस्वर को सच्चो वचन ख जाननू

²² अर चेला हुन को मन को स्थिर करत रह अर यह सन्देस देता था कि भरोसा म बना रहो अर यह सिखाते हैं हम ख बडो क्लेस उठाकर परमेस्वर को राज्य म प्रवेस करनो होगा

प्रेरितो 14:22 ပူးပေါင်းရင်းမြစ်များ

मत्ती 10:38

आउर जोन आपलो कुरूस धरून भाती मोचो पाट-पाट नी चले हुन मोचो लायक नुआय।

मत्ती 16:24

तेबे ईशु आपलो चेलामन ले बल्लो, “अगर कोनी मोचो पाट-पाट ऐऊक चाहा ओ, तेबे आपन खुद चो इन्कार करो आउर आपलो कुरूस उठाओ, आउर मोचो पाट-पाट ऐओ।

मत्ती 19:24

तुमचो ले फेर बलेंसें कि माहापुरू चो राज ने सवकार चो ओलतोर ले ऊंट चो सुजी चो नाका थानले निकरून जातोर सरल आय।”

मरकुस 10:30

आउर अदायं ऐ समया सव गुना नी पाआ, घरमन आउर भाईमन आउर भईनमन आउर आयामन आउर पिला-झिलामन आउर बेड़ामन के, मान्तर कन्दरानी चो संगे आउर उपरपुर ने अमर जीवना।

मरकुस 9:47

अगर तुचो आँईक तुके ठोकरना खुआ ये दे तेबे हुनके निकराऊन पकाव। काना होऊन भाती माहापुरू चो राज ने ओलतोर तुचो काजे ऐचो ले अच्छा आय कि दुय आँईक रते-रते तुय नरक ने पकाया जासे।

लूका 24:26

काय जरूरी नी रली कि मसीह ऐ दुख उठाऊन भाती आपलो महिमा ने परवेश करो?”

यूहन्ना 15:18

“अगर संवसार तुमचो ले बईर संगाऊ आय, तेबे तुमी जानास कि हुन तुमचो ले पयले मोचो ले बईर संगाली।

यूहन्ना 15:20

जोन गोठमन मय तुमचो ले बोलुन रये, ‘दास आपलो मालिक ले बड़े नी होये,’ हुनके सुरता संगाहा। अगर हुनमन मोके कन्दरा दे, तो तुमके बले कन्दरा दे; अगर हुनमन मोचो गोठ मान दे, तेबे तुमचो बले मान दे।

यूहन्ना 16:33

मय ऐ गोठमन तुमचो ले ऐईकाजे बल्ले से कि तुमके मोचो थाने शान्ति मिरो। संवसार ने तुमके कलेश होऊ आय, मान्तर हिम्मत जटाव, मय संवसार के जितले से।”

यूहन्ना 3:5

ईशु जबाप दिलो, “मय तुचो ले सते-सते बलें सें, जिदलदाय ले कोनी माने पानी आउर आत्मा ले नी जनमे तेबे हुन माहापुरू चो राज ने ओलुक नी सके।

प्रेरितो 11:23

हुन हुता अमरून भाती आउर माहापुरू चो अनुग्रह के दकुन भाती हरिक होलो, आउर सपाय के उपदेश दिलो कि तन-मन लगाऊन भाती परबु ले लेपटून राहा।

प्रेरितो 11:26

जिदलदाय हुन हुनके भेटलो तेबे हुनके अन्ताकिया आनलो; आउर असन होली कि हुनमन गोटक बरक ले कलीसिया चो संगे मिलतोर आउर खुबे लोगमन के उपदेश देते रला; आउर चेलामन सपाय ले पयले अन्ताकिया ने ची मसीह बलाया गेला।

प्रेरितो 11:29

तेबे चेलामन ठानला कि हरकोनी आपलो-आपलो पुंजी चो अनुसार यहूदिया ने रतो बिता भाईमन चो सायता काजे काई पटाऊं।

प्रेरितो 13:43

जिदलदाय आराधना सभा उठून गेली तेबे यहूदीमन आउर यहूदी दल ने ईलो भगतमन थानले खुबे असन पौलुस आउर बरनबास चो पाट-पाट होला; आउर हुनमन-हुनमन चो ले गोठमन करून समजाला कि माहापुरू चो अनुग्रह ने बनु राहा।

प्रेरितो 14:20

मान्तर जिदलदाय चेलामन हुनमन चो भोंवरक ऐऊन उबा होला, तेबे हुन उठून भाती नंगर ने गेलो आउर दुसर दिने बरनबास चो संगे दिरबे ने जाते गेलो।

प्रेरितो 14:28

आउर हुनमन चेलामन चो संगे खुबे दिन ले रला।

प्रेरितो 15:32

यहूदा आउर सीलास जोन खुद बले अगम गिआनी रवत, खुबे गोठमन ले भाईमन के उपदेश देऊन भाती थीर करला।

प्रेरितो 15:41

आउर हुन कलीसियामन के थीर करते-करते सीरिया आउर किलिकिया ले होते-होते निकरलो।

प्रेरितो 18:23

फेर खिन्डिक दिन रऊन भाती हुन हुता ले निकरलो, आउर गोटक बाटले गलातिया आउर फ्रुगिया परदेशमन ने सपाय चेलामन के थीर करते फिरलो।

प्रेरितो 6:7

माहापुरू चो बचन फयलते गेली आउर यरूशलेम ने चेलामन चो गेनती खुबे बड़ते गेली; आउर याजकमन चो गोटक बड़े समाज ऐ दल के मानतो बिता होऊन गेलो।

प्रेरितो 9:16

आउर मय हुनके सांगेंदें कि मोचो नाव चो काजे हुनके कसन-कसन दुक उठाऊक पड़ेदे।

रोमियो 8:17

आउर अगर पिला आंव तो हकदार बले, मान्तर माहापुरू चो हकदार आउर मसीह चो संगवारी हकदार आंव, कि जिदलदाय आमी हुनचो संगे दुख उठावां तेबे हुनचो संगे महिमा बले पावां।

1 कुरिन्थियो 1:8

हुन तुमके आखरी तक जमखम बले करें दें कि तुमी आमचो परबु ईशु मसीह चो दिन ने बेकसूर ठेबा।

फिलिप्पियो 1:29

कसनबल्लोने मसीह चो लागुन तुमचो उपरे ऐ अनुग्रह होली कि ना मात्र हुनचो उपरे बिश्वास करा मान्तर हुनचो काजे दुख बले उठाआ;

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

1 थिस्सलुनीकियो 3:13

बल्ले हुन तुमचो मन-मन के असन थीर करो कि जिदलदाय आमचो परबु ईशु आपलो सपाय पवितर लोगमन चो संगे ऐओ, तेबे हुनमन आमचो माहापुरू आउर बुआ चो पुरे पवितरता ने बेकसूर ठेबोत।

2 तीमुथियुस 1:8

ऐईकाजे आमचो परबु चो गोहई ले, आउर मोचो ले जोन हुनचो कयदी आंय, लाजे नी हो, मान्तर हुन माहापुरू चो सामरत चो असन नगतखबर चो काजे मोचो संगे दुख उठाव

2 तीमुथियुस 3:12

मान्तर जितरो मसीह ईशु ने भक्ति चो संगे जीवना बिताऊक चाहाय सोत हुनमन सपाय कन्दराया जादे;

1 पतरस 2:21

आउर तुमी ऐचीई काजे हाग दिलोर बले गेलासास, कसनबल्लोने मसीह बले तुमचो काजे दुख उठाऊन भाती तुमके गोटक सिक देऊन गेलो से कि तुमी बले हुनचो पाँय-चिनामन थाने चला।

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।

1 पतरस 5:9

बिश्वास ने जमखम होऊन भाती, आउर ऐ जानुन भाती हुनचो सामना करा कि तुमचो भाई जोन संवसार ने आसोत असने ची दुख-सहे सोत।

2 पतरस 1:11

मान्तर ऐई रीति ले तुमी आमचो परबु आउर मुक्ति करू ईशु मसीह चो अमर राज ने बड़े ईजीत चो संगे ओलुक सका से।

यहूदा 1:3

हे लाडरामन, जिदलदाय मय तुमके हुन मुक्ति चो बारे ने लिकतो ने खुबे मसागत ले तिआर करते रले जोन थाने आमी सपाय शामिल आंसु, तेबे मय तुमके ऐ समजातोर जरूरी जानले कि हुन बिश्वास चो काजे पुरा तिआर करा जोन पवितर लोगमन के गोटक ची हार सोपा जाऊ रली।

प्रकाशितवाक्य 1:9

मय यूहन्ना, जोन तुमचो भाई आउर ईशु चो कलेश आउर राज आउर धीरज ने तुमचो शामिल आंसे, माहापुरू चो बचन आउर ईशु चो गोहई चो लागुन पतमुस नाव चो ढिपका ने रयें।

प्रकाशितवाक्य 2:10

“जोन दुक तुके झेलुक होयदे, हुनचो ले नी डर। कसनबल्लोने दका, शयतान तुमनमन ले कितलो के जयलघर ने डालतो थाने आसे बल्ले तुमी परका जाआ, आउर तुमके दस दिन ले कलेश उठाऊक पढ़ेदे। जीव देओत ले बिश्वासी रा, तेबे मय तुके जीवना चो मुकुट देयेंदे।”

प्रकाशितवाक्य 7:14

मय हुनके बल्ले, “हे मालिक, तुय ची जानीस।” हुन मोके बल्लो, “ऐ हुनमन आत, जोन हुन माहाकलेश थानले निकरून भाती ईला सोत; ऐ मन आपलो-आपलो फटीई मेमना चो लऊ ने धोऊन भाती पंडरा करला सोत।”