प्रेरितो 14:15 - Halbi

¹⁵ हे लोगमन, तुमी काय करसास? आमी बले तो तुमचो असन दुक सुक भोगी माने आंव, आउर तुमके नगतखबर सुनाऊ से कि तुमी ऐ फकाहा तीज ले अलग होऊन भाती जीवता माहापुरू चो बाटे फिरा, जोन सरग आउर धरतनी आउर समुन्द आउर जोन काई हुन थाने आसे बनालो।

परमेस्वर को सच्चो वचन ख जाननू

¹⁵ अरे इंसान तुम का करह हम वी तो तुम्हारो समान दु; ख सुख भोगन वाला इंसान हैं अर तुम्हे सुसमाचार सुनायो हे की बेकार वस्तुओ ख अलग हो ख जीवितो परमेस्वर की ओर फिरो जिन स्वर्ग अर धरती अर समुदर अर जो उन म हैं बनाया

प्रेरितो 14:15 ပူးပေါင်းရင်းမြစ်များ

मत्ती 16:16

शिमोन पतरस जबाप दिलो, “तुय जीवता माहापुरू चो बेटा मसीह आस।”

यूहन्ना 5:26

कसनबल्लोने जोन रीति ले बुआ आपन खुद ने जीवना संगाऊ आय, हुनी रीति ले हुन बेटा के बले ऐ अधिकार दिलो से कि आपन खुद ने जीवना संगा ओ;

यूहन्ना 7:18

जोन आपलो बाटले काई बोलु आय, हुन आपलो ची बड़ाई चाहाऊ आय; मान्तर जोन आपलो पठालोबिता चो बड़ाई चाहाऊ आत हुनी सत आय, आउर हुनचो थाने अधरम नाई।

प्रेरितो 10:26

मान्तर पतरस हुनके उठाऊन भाती बल्लो, “उबा हो, मय बले तो माने आय।”

प्रेरितो 13:32

आमी तुमके हुन बायदा चो बारे ने जोन बुआ दादीमन ले करा जाऊ रली, ऐ नगतखबर सुनाऊ से,

प्रेरितो 14:21

हुनमन हुन नंगर चो लोगमन के नगतखबर सुनाऊन भाती, आउर खुबे असन चेला बनाऊन भाती, लुस्त्रा आउर इकुनियुम आउर अन्ताकिया ने बाहडून ईला,

प्रेरितो 14:7

आउर हुता नगतखबर सुनाऊक मुरयाला।

प्रेरितो 16:30

आउर हुनमन के बाहरे आनुन भाती बल्लो, “हे सियानमन, मुक्ति पावतो काजे मय काय करें दें?”

प्रेरितो 27:10

“ऐ सियानमन, मोके असन जान पड़े से कि ऐ यातरा ने बिपत्ति आउर खुबे हानि, ना मात्र माल आउर जाहाज चो मान्तर आमचो जीव चो बले होतो बिती आय।”

प्रेरितो 27:21

जिदलदाय हुनमन खुबे दिन ले भुके रऊन गेला, तेबे पौलुस हुनमन चो मंजी उबा होऊन भाती बल्लो, हे लोगमन, जरूरत रली कि तुमी मोचो गोठ मानुन भाती क्रेते ले ना जाहाज खोलतास आउर ना ऐ बिपत्ति ऐती आउर ना ऐ हानि उठातास।

प्रेरितो 27:25

ऐईकाजे, हे सियानमन, हिम्मत करा; कसनबल्लोने मय माहापुरू चो बिश्वास करू आंय, कि जसन मोचो ले बोला गेली से, असने ची होये दे।

प्रेरितो 4:24

ऐ सुनुन भाती हुनमन गोटक मन होऊन भाती बड़े जोर ले माहापुरू ले बल्ला, “हे मालिक, तुय हुनी आस जोन सरग आउर धरतनी आउर समुन्द आउर जोन काई हुन थाने आसे बनालीस।”

प्रेरितो 7:26

दुसर दिने जिदलदाय हुनमन आपस ने लड़ते रवत, तेबे हुन हुता ऐऊन निकरलो; आउर ऐ बोलुन भाती हुनमन के मिसातो काजे समजालो, हे मानेमन, तुमी तो भाई-भाई आहास, गोटक दुसर उपरे केंव अनियाय करेसास?

1 कुरिन्थियो 8:4

आउर मुरतीमन चो पुरे पुजलो बिती तीजमन के खातोर बारे ने आमी जानु से कि मुरती जगत ने कोनी तीज नुआय, आउर गोटक के छांडुन आउर कोनी माहापुरू निआत।

इफिसीयो 4:17

ऐईकाजे मय बलेंसें आउर परबु ने बिनती करें से कि जसन दुसर जाति लोग आपलो मन चो खराप रीति थाने चलु आत, तुमी अदायं ले फेर असन नी चलासे।

1 थिस्सलुनीकियो 1:9

कसनबल्लोने हुनमन खुद ची आमचो बारे ने सांगु आत कि तुमचो लगे आमचो ऐतोर कसन होली; आउर तुमी कसन मुरतीमन ले माहापुरू चो बाटे फिरलास बल्ले जीवता आउर सत माहापुरू चो सेवा करा,

1तीमुथियुस 3:15

कि अगर मोचो ऐतोर ने बेर होओ, तो तुय जान कि माहापुरू चो घर ने जोन जीवता माहापुरू चो कलीसिया आय आउर जोन सत चो खुटा आउर पाया आय, कसन बरताव करतोर जरूरी आय।

इब्रानियो 3:12

हे भाईमन, चेत करून रहा कि तुमनमन ने असन खराप आउर अबिश्वासीमन नी होओत, जोन तुमी के जीवता माहापुरू ले लापी गुचाऊन नेओत।

याकूब 5:17

एलिया बले तो आमचो असन दुक-सुक भोगी माने रलो; आउर हुन गाग-गागानी. होऊन भाती पारथना करलो कि पानी नी घसरो; आउर साढ़े तीन बरक ले धरतनी थाने पानी नी घसरली।

प्रकाशितवाक्य 14:7

हुन बड़े शब्द ले बल्लो, “माहापुरू ले डरा, आउर हुनचो महिमा करा, कसनबल्लोने हुनचो नियाय करतोर समया ऐऊन पहुँचली से; आउर हुनचो आराधना करा, जोन सरग आउर धरतनी आउर समुन्द आउर पानी चो सतान बनाला।”

प्रकाशितवाक्य 19:10

तेबे मय हुनके पाँय पढ़तो काजे हुनचो पाँयमन थाने घसरुन पड़ले। हुन मोचो ले बल्लो, “दक, असन नी कर, मय तुचो आउर तुचो भाईमन चो संगवारी दास आय जोन ईशु चो गोहई देतो थाने थीर आसे। माहापुरू के ची पाँय पड़।” कसनबल्लोने ईशु चो गोहई अगम गोठ चो आत्मा आय।

प्रकाशितवाक्य 19:19

फेर मय हुन पशु, आउर धरतनी चो राजामन आउर हुनचो पलटनमन के हुन घोड़ा चो चेगलो आउर हुनचो सेना ले लड़तो काजे रूंड़ा दकले।

प्रकाशितवाक्य 22:9

मान्तर हुन मोचो ले बल्लो, “दक, असन नी कर; कसनबल्लोने मय तुचो, आउर तुचो भाई अगम गिआनीमन, आउर ऐ किताब चो गोठमन के मानतो बितामन चो संगवारी दास आय। माहापुरू के ची पाँय पढ़।”

प्रकाशितवाक्य 4:11

“हे आमचो परबु आउर माहापुरू, तुय ची महिमा आउर ईजीत आउर सामरत चो लायक आस; कसनबल्लोने तुय ची सपाय तीजमन बनालीस आउर हुनमन तुचीई इच्छा ले रली आउर बनाया गेली।”