प्रेरितो 13:48 - Halbi

⁴⁸ ऐ सुनुन भाती दुसर जातिमन हरिक होला, आउर माहापुरू चो बचन चो बड़ाई करूक मुरयाला; आउर जितरो अमर जीवना चो काजे थेबाया जाऊ रवत, हुनमन बिश्वास करला।

परमेस्वर को सच्चो वचन ख जाननू

⁴⁸ गैर यहूदी यू सुन ख अन्य जातियो खुसी भयो, अर प्रभु को वचन की बड़ाई करन लगियो; अर जीवन अनन्त को लियो ठहरायो गयो हते, उन्होना विस्वास ग्रहन कियो।

प्रेरितो 13:48 ပူးပေါင်းရင်းမြစ်များ

मत्ती 25:46

आउर ऐ हरमेशा चो डण्ड भोगदे मान्तर धरमी अमर जीवना ने ओलदे।”

मत्ती 28:16

गियारा चेलामन गलील ने हुन डोंगरी थाने गेला, जेके ईशु हुनमन के सांगुन रये।

लूका 7:8

मय बले पराधीन मनुक आय, आउर पलटन मोचो हाथ ने आसोत; आउर जिदलदाय गोटक के बोलु आंय, ‘जा,’ तेबे हुन जाऊ आय; आउर दुसर ले बोलु आंय, ‘आव,’ तेबे ऐऊ आय; आउर आपलो कोनी दास के कि ‘ऐ कर,’ तेबे हुन हुनके करू आय।”

यूहन्ना 10:16

मोचो आउर बले मेंडामन आसोत, जोन ऐ मेंडी कोठरली चो नाई। मोके हुनमन के बले आनतोर जरूरी आय, हुनमन मोचो शब्द सुन दे, तेबे गोटक ची गोहड़ी आउर गोटक ची चरेया होये दे।

यूहन्ना 11:52

आउर ना मात्र हुन जाति चो काजे, आउर येई काजे बले कि माहापुरू चो जत-खत पिलामन के गोटक करून देये दे।

प्रेरितो 13:12

तेबे हाकिम जोन होऊ रली हुनके दकुन भाती आउर परबु चो उपदेश ले चकित होऊन भाती बिश्वास करलो।

प्रेरितो 13:42

हुनमन चो बाहरे निकरतो समया लोग हुनमन चो बिनती करूक मुरयाला कि ऐतो सब्त चो दिने आमके ऐ गोठमन फेर सुनाया जाओ।

प्रेरितो 15:2

जिदलदाय पौलुस आउर बरनबास चो हुनमन ले खुबे झगड़ा आउर बोला-बल्ली होली तेबे ऐ थेबाया गेली कि पौलुस आउर बरनबास आउर हुनमन थानले कितलो माने ऐ गोठ चो बारे ने पठालोबिता आउर सियानमन चो लगे यरूशलेम ने जाओत।

प्रेरितो 15:31

हुनमन चिठ्ठी पडुन भाती हुन उपदेश चो गोठ ले खुबे हरिक होला।

प्रेरितो 2:41

आउर जोनमन हुनचो बचन के गरहन करला हुनमन डूबन धरला; आउर हुनी दिने तीन हजार मानेमन लग-भग हुनमन ने मिसुन गेला।

प्रेरितो 2:47

आउर माहापुरू चो स्तुति करते रवत, आउर सपाय लोग हुनमन ले हरिक रवत; आउर जोन मुक्ति पाते रवत, हुनमन के परबु रोजे दिना हुनमन ने मिसान देते रये।

प्रेरितो 20:13

आमी पयले ची जाहाज थाने चेगुन भाती अस्सुस बाटे ऐ बिचार ले पुरे गेलु कि हुता ले आमी पौलुस के चेगाऊं, कसनबल्लोने हुन ऐ ऐईकाजे ठेबाऊ रलो कि खुद ची हिन्ड़ते जातो बिता रलो।

प्रेरितो 22:10

तेबे मय बल्ले, हे परबु, मय काय करू आंय? परबु मोचो ले बल्लो, उठून भाती दमिश्क ने जा, आउर जोन काई तुचो करतो काजे ठेबाया गेली से हुता तुके सपाय सांगुन दिया जाये दे।

प्रेरितो 28:23

तेबे हुनमन हुनचो काजे गोटक दिन ठेबाला, आउर खुबे असन लोग हुनचो थाने रूंड़ा होला, आउर हुन माहापुरू चो राज चो गोहई देते, आउर मूसा चो नियम आउर अगम गिआनीमन चो किताबमन ले ईशु चो बारे ने समजाऊन-समजाऊन भाती बड़े बिहान ले सांज तक बरनन करते रलो।

प्रेरितो 8:8

आउर हुन नंगर ने बड़े हरिक छाऊन गेली।

रोमियो 11:7

ऐईकाजे परिनणाम काय होली? ऐ कि इस्राएली जेचो खोज ने रओत, हुन हुनमन के नी मिरली; मान्तर चुनलो बितामन के मिरली, आउर बाकी लोग कठोर कराय गेला।

रोमियो 13:1

हरकोनी माने सरकारी अधिकारीमन चो लगे रओ, कसनबल्लोने कोनी अधिकार असन नुआत जोन माहापुरू चो बाटले नी होओ; आउर जोन अधिकार आसे, हुन माहापुरू चो ठेबालोर आय।

रोमियो 8:28

आमी जानु से कि जोन लोग माहापुरू ले मया संगाऊ आत, हुनमन चो काजे सपाय गोठमन मिसुन भाती भलाई ची के पयदा करू आय; बल्लोने हुनीमन ची काजे जोन हुनचो इच्छा चो अनुसार हाग दिलोर आसोत।

1 कुरिन्थियो 16:15

हे भाईमन, तुमी स्तिफनास चो घरलोगमन के जानास कि हुनमन अखाया चो पयला फल आत, आउर पवितर लोगमन चो सेवा चो काजे तिआर रऊ आत।

इफिसीयो 1:11

हुनी थाने जोन थाने आमी बले हुनचेई मन ले जोन आपलो इच्छा चो मत चो अनुसार सपाय काई करू आय, पयले ले ठेबाया जाऊन भाती हकदार बनु

इफिसीयो 1:19

आउर हुनचो सामरत आमचो थाने जोन बिश्वास करू आत, कितलो माहान आय, हुनचो शक्ति चो असर चो हुन काम चो अनुसार

इफिसीयो 1:4

जसन हुन आमके जगत चो उपजास ले पयले हुन थाने चुनलो कि आमी हुनचो लगे मया ने पवितर आउर बेकसूर होऊँ।

इफिसीयो 1:5

आउर आपलो इच्छा चो नुकु इच्छा चो अनुसार आमके आपलो काजे पयले ठेबालो कि ईशु मसीह चो दुवारा आमी हुनचो हकदार बेटा होऊँ,

2 थिस्सलुनीकियो 3:1

आखरी ने, हे भाईमन, आमचो काजे पारथना करते राआ कि परबु चो बचन असन झटके फयलो आउर महिमा पाओ, जसन तुमचो ने होली,