प्रेरितो 13:39 - Halbi

³⁹ आउर जोन गोठमन ने तुमी मूसा चो नियम चो बाटले बेकसूर नी ठेबुक सकते रलास, हुनी सपाय ने हरकोनी बिश्वास करतो बिता हुनचो लगुन बेकसूर ठेबु आत।

परमेस्वर को सच्चो वचन ख जाननू

³⁹ अर जिन बात हुन म तुम मूसा को नियम के व्दारा बेकसूर नी ठहर सकत हते, उन्ही सब म हर एक विस्वास करन वालो ओको व्दारा निर्दोस ठहरात हैं।

प्रेरितो 13:39 ပူးပေါင်းရင်းမြစ်များ

लूका 10:25

आउर दका, गोटक नियमकारी उठलो आउर ऐ बोलुन भाती हुनचो परीक्षा करूक मुरयालो, “हे गुरू, अमर जीवना चो हकदार होतो काजे मय काय करेंदे?”

लूका 10:28

हुन हुनचो ले बल्लो, “तुय ठीक जबाप दिलीस, ऐई कर तेबे तुय जीव रसे।”

लूका 18:14

मय तुमचो ले बलेंसें कि हुन दुसर नुआय, मान्तर ऐई माने धरमी ठेबाया जाऊन भाती आपलो घरे गेलो; कसनबल्लोने जोन कोनी खुद के बड़े बनाये दे, हुन नानी करा जाये दे; आउर जोन खुद के नानी बनाये दे, हुन बड़े करा जाये दे।”

यूहन्ना 1:17

ऐईकाजे नियम तो मूसा चो बाटले दिया गेली, मान्तर अनुग्रह आउर सत ईशु मसीह चो बाटले पोंचली।

यूहन्ना 5:24

मय तुमचो ले सते-सते बलें सें, जोन मोचो बचन सुनुन भाती मोचो पठालोबितामन थाने बिश्वास करू आय, अमर जीवना हुनचो आय; आउर हुनचो उपरे डण्ड चो हुकुम नी होये मान्तर हुन मरना ले निकरून भाती जीवना ने परवेश होऊन चुकलो से।

प्रेरितो 10:43

हुनचो सपाय अगम गिआनी गोहई देऊ आत कि जोन कोनी हुनचो उपरे बिश्वास कर दे, हुनके हुनचो नाव चो लागुन पापमन चो छमा मिरे दे।

रोमियो 10:10

कसनबल्लोने धारमिकता चो काजे मन ले बिश्वास कराय जाऊ आय, आउर मुक्ति चो काजे मुंह ले अंगीकार कराय जाऊ आय।

रोमियो 10:4

कसनबल्लोने हरकोनी बिश्वास करतो बितामन काजे धारमिकता चो काजे मसीह नियम चो आखरी आय।

रोमियो 3:19

आमी जानु से कि नियम जोन काई बोलु आय हुनीमन ले बोलु आय, जोन नियम चो संगे आसोत; ऐईकाजे कि हरकोनी मुंह बंद करा जाओ आउर पूईतराय जगत माहापुरू चो डण्ड चो लायक ठेबो;

रोमियो 3:20

कसनबल्लोने नियम चो काममन ले कोनी जीव हुनचो पुरे धरमी नी ठेबदे ऐईकाजे कि नियम चो बाटले पाप चो पयचान होऊ आय।

रोमियो 4:15

नियम तो रीस पयदा करू आय, आउर जाहांय नियम निआय हुता हुनचो तोड़ बले निआय।

रोमियो 4:24

मान्तर आमचो काजे बले जोनमन काजे बिश्वास धारमिकता गेनाय जाय दे, बल्लोने आमचो काजे जोन हुनचो उपरे बिश्वास करू आत जोन आमचो परबु ईशु के मरलो थानले जिआ लो।

रोमियो 5:1

आउर जिदलदाय आमी बिश्वास ले धरमी ठेबलु, तेबे आपलो परबु ईशु मसीह चो कारन माहापुरू चो संगे मेल संगाऊ,

रोमियो 5:20

नियम मंजी ने ऐऊन गेली कि अपराध खुबे होओ, मान्तर जोन थाने पाप खुबे होली हुन थाने अनुग्रह हुनचो ले बले कितलो आगर होली,

रोमियो 5:9

आउर जिदलदाय कि आमी अदायं हुनचो लऊ चो कारन धरमी ठेबलु, तेबे हुनचो कारन माहापुरू चो रीस ले कसन नी बचु दें?

रोमियो 8:1

आउर अदायं जोन मसीह ईशु ने आसोत, हुनमन उपरे डण्ड चो हुकुम निआय। कसनबल्लोने हुनमन देंह चो अनुसार नाई मान्तर आत्मा चो अनुसार चलु आत।

रोमियो 8:3

कसनबल्लोने जोन काम नियम देंह चो लागुन कमजोर होऊन भाती नी करूक सकली, हुनके माहापुरू करलो, बल्लोने आपलो ची बेटा के पापमय देंह चो बराबरी ने आउर पापबली होतो काजे पटाऊन भाती, देंह ने पाप चो उपरे डण्ड चो हुकुम दिलो।

रोमियो 9:31

मान्तर इस्राएली, जोन धरम चो नियम के डगराते रवत हुन नियम लगले नी अमरला।

1 कुरिन्थियो 6:11

आउर तुमनमन ले कितरो असने ची रवत, मान्तर तुमी परबु ईशु मसीह चो नाव ले आउर आमचो माहापुरू चो आत्मा ले धुआ गेलास आउर पवितर होलास आउर धरमी ठेबलास।

गलातियो 2:16

तेबले बले ऐ जानुन भाती कि माने नियम चो काममन ले नाई, मान्तर मात्र ईशु मसीह चो उपरे बिश्वास करतोर लागुन धरमी ठेबु आय, आमी खुद बले मसीह ईशु उपरे बिश्वास करलु कि आमी नियम चो काममन ले नाई, मान्तर मसीह उपरे बिश्वास करतोर ले धरमी ठेबलु; ऐईकाजे कि नियम चो काममन ले कोनी जीव धरमी नी ठेबे दे।

गलातियो 2:19

मय तो नियम चो बाटले नियम चो काजे मरून गेले कि माहापुरू चो काजे जीयें।

गलातियो 3:8

आउर पवितर शास्त्र पयले ची ले ऐ जानुन भाती कि माहापुरू दुसर जातिन के बिश्वास ले धरमी ठेबा ये दे। पयले ची ले अब्राहाम के ऐ नगतखबर सुनान दिलो कि “तुचो ने सपाय जातिमन आशीष पावदे।”

गलातियो 5:3

फेर बले मय हरकोनी खतना करतो बितामन के जनाऊन देयें से कि हुनके पुईतराय नियम मानुक पढ़े दे।

इब्रानियो 10:11

हरकोनी याजक तो उबा होऊन भाती रोजे दिना सेवा करू आय, आउर गोटक ची परकार चो बलिदान के जोन पापमन के केबीई बले लापी नी करूक सके, घन-घन चेगाऊ आय।

इब्रानियो 10:4

कसनबल्लोने ऐ नी होतो बिती आय कि बयलामन आउर बोकड़ामन चो लऊ पापमन के लापी करो।

इब्रानियो 7:19

(ऐईकाजे कि नियम कोनी गोठ चो सिद्ध नी करला), आउर हुनचो जगा थाने गोटक असन बड़ीया आशा संगाया गेली से जेचो दुवारा आमी माहापुरू चो लगे जाऊक सकु।