प्रेरितो 13:26 - Halbi

²⁶ हे भाईमन, तुमी जोन अब्राहाम चो पिलामन आस; आउर तुमी जोन माहापुरू ले डरू आस, तुमचो लगे ऐ मुक्ति चो बचन पटाया गेली से।

परमेस्वर को सच्चो वचन ख जाननू

²⁶ “हे भई हन, तुम जे अब्राहम को बच्चा हाय; अर तुम जे परमेस्वर से डरत हो, तुम्हारो नजीक इ उध्दार को वचन भेजो गयो हैं।

प्रेरितो 13:26 ပူးပေါင်းရင်းမြစ်များ

मत्ती 10:6

मान्तर इस्राएल चो घरमन ने ची हाजलो बिती मेंडामन चो लगे जाहा।”

मत्ती 3:9

आउर आपलो-आपलो मन ने ऐ नी बिचारा, कि आमचो बुआ अब्राहाम आय; कसनबल्लोने मय तुमचो ले बलेंसे, कि माहापुरू ऐ पकनामन ले अब्राहाम चो काजे पिला जनमाऊक सके।

लूका 1:69

आउर आपलो सेवक दाऊद चो घर ने आमचो काजे गोटक मुक्ति चो सींग निकरालो,

लूका 1:77

कि हुनचो लोगमन के मुक्ति चो गिआन देओ, जोन हुनमन चो पापमन चो छमा ले मिरेसे।

लूका 24:47

आउर यरूशलेम ले धरून सपाय जातिमन ने मन फिराव चो आउर पापमन चो छमा चो परचार, हुनचेई नाव ले करा जायेदे।

यूहन्ना 6:68

शिमोन पतरस हुनके जबाप दिला, “हे परबु, आमी काचो लगे जाऊँ दे? अमर जीवना चो गोठमन तो तुचीई लगे आसे;

प्रेरितो 10:2

हुन भगत रये, आउर आपलो सपाय घरमन संगे माहापुरू के डरते रलो, आउर यहूदी लोगमन के खुबे दान देते, आउर बराबर माहापुरू ले पारथना करते रये।

प्रेरितो 10:35

मान्तर हर जाति ने जोन हुनचो ले डरू आय आउर धरम चो कामकरू आय, हुन हुनके भाऊ आय।

प्रेरितो 13:43

जिदलदाय आराधना सभा उठून गेली तेबे यहूदीमन आउर यहूदी दल ने ईलो भगतमन थानले खुबे असन पौलुस आउर बरनबास चो पाट-पाट होला; आउर हुनमन-हुनमन चो ले गोठमन करून समजाला कि माहापुरू चो अनुग्रह ने बनु राहा।

प्रेरितो 13:46

तेबे पौलुस आउर बरनबास निडर होऊन बल्ला, जरूरी रये कि माहापुरू चो बचन पयले तुमके सुनाया जाति; मान्तर जिदलदाय तुमी हुनके लापी गुचाऊ आस, आउर आपन के अमर जीवना चो लायक नी ठेबा आस, तेबे दका, आमी दुसर जातिमन चो बाटे फिरू आंव।

प्रेरितो 16:17

हुन पौलुस चो आउर आमचो पाटकुती ऐऊन भाती चिचयाऊक मुरयाली, “ये माने परमपरधान माहापुरू चो दास आत, जोन आमके मुक्ति चो बाट चो कथा सुनाऊ आत।”

प्रेरितो 22:5

ऐ गोठ काजे माहायाजक आउर सपाय पुरनिमन गोहई आसोत, कि हुनमन ले मय भाईमन चो नाव ने चिठ्ठी धरून भाती दमिश्क ने जाते रयें, कि जोन हुता रओ हुनमन के बले, डण्ड दियातो काजे बान्दुन भाती यरूशलेम आने दे।

प्रेरितो 28:28

“आउर तुमी जाना कि माहापुरू चो ऐ मुक्ति चो कथा दुसर जातिमन चो लगे पटाया गेली से, आउर हुनमन सुन दे।”

प्रेरितो 3:26

“माहापुरू आपलो सेवा करू के उठाऊन भाती पयले तुमचो लगे पठालो, कि तुमनमन ले हरकोनी के हुनचो बुराईमन ले फिराऊन भाती आशीष देओ।”

प्रेरितो 4:12

“कोनी दुसर चो बाटले मुक्ति निआय; कसनबल्लोने सरग चो खाले मानेमन ने आउर कोनी दुसर नाव नी दिया गेली, जेचो बाटले आमी मुक्ति पाऊक सकु।”

प्रेरितो 5:20

“जाआ, मंदिर ने उबा होऊन भाती ऐ जीवन चो सपाय गोठमन लोगमन के सुनाआ।”

रोमियो 1:16

कसनबल्लोने मय नगतखबर ले नी लाज होयें, ऐईकाजे कि हुन हरकोनी बिश्वास करतो बिता चो काजे, पयले तो यहूदी फेर यूनानीमन चो काजे, मुक्ति चो काजे माहापुरू चो सामरत आसे।

इफिसीयो 1:13

आउर हुनी थाने तुमचो थाने बले, जिदलदाय तुमी सत चो बचन सुनलास जोन तुमचो मुक्ति चो नगतखबर आय आउर जोन थाने तुमी बिश्वास करलास, बायदा करलो बिती पवितर आत्मा चो छापा लगली।

कुलुस्सियो 1:5

हुन आशा करलोर बिती तीज चो लागुन जोन तुमचो काजे सरग ने संगालोर आसे, जेचो बरनन तुमी हुन नगतखबर चो सत बचन ले सुनुन चुकलासास,