प्रेरितो 11:20 - Halbi

²⁰ मान्तर हुनमन थानले कितलो साइप्रस बासी आउर कुरेनी रवत, जोन अन्ताकिया ने ऐऊन भाती यूनानीमन के बले परबु ईशु चो नगतखबर चो गोठमन सुनाऊक मुरयाला।

परमेस्वर को सच्चो वचन ख जाननू

²⁰ यीच गैर यहूदी हुन म से कुछ झन साइपरस अर कुरेनी ख विस्वासी हता, वी अन्ताकिया म आय ख गैर यहूदी हुन ख भी प्रभु यीसु को सुसमाचार की बात सुनावन लग गया।

प्रेरितो 11:20 ပူးပေါင်းရင်းမြစ်များ

मत्ती 27:32

बाहरे जाते-जाते हुनमन के शिमोन नाव चो गोटक कुरेनी माने मिरलो। हुनमन हुनके फकाहा ने धरला कि हुनचो कुरूस उठाऊन धरून जाओ।

यूहन्ना 7:35

ऐ थाने यहूदीमन आपस ने बल्ला, “ऐ काहां जाय दे कि आमी ऐके नी भेटुन दें? काय हुन हुनमन चो लगे जाये दे जोन यूनानीमन ने जतखत होऊन भाती रऊ आत, आउर यूनानीमन के बले उपदेश देये दे?

प्रेरितो 11:19

जोन लोग हुन कलेश चो लागुन जोन स्तिफनुस चो कारन पडु रली, जतखत होऊन जाऊ रवत, हुनमन फिरते-फिरते फिनिके आउर साइप्रस आउर अन्ताकिया ने पोंचला; मान्तर यहूदीमन के छांडुन कोनी आउर के बचन नी सुनाते रवत।

प्रेरितो 11:22

जिदलदाय हुनमन चो चरचा यरूशलेम चो कलीसिया चो सुनतोर ने ईली, तेबे हुनमन बरनबास के अन्ताकिया पठाला।

प्रेरितो 11:26

जिदलदाय हुन हुनके भेटलो तेबे हुनके अन्ताकिया आनलो; आउर असन होली कि हुनमन गोटक बरक ले कलीसिया चो संगे मिलतोर आउर खुबे लोगमन के उपदेश देते रला; आउर चेलामन सपाय ले पयले अन्ताकिया ने ची मसीह बलाया गेला।

प्रेरितो 11:27

हुनी दिनमन ने कितलो अगम गिआनी यरूशलेम ले अन्ताकिया ईला।

प्रेरितो 13:1

अन्ताकिया चो कलीसिया ने कितलो अगम गिआनी आउर उपदेशक रवत; जसन बरनबास आउर शिमोन जोन नीगर बलाया जाऊ आय; आउर लुकियुस कुरेनी, आउर चवथा देश चो राजा हेरोदेस चो पोसवा भाई मनाहेम, आउर शाऊल।

प्रेरितो 14:26

आउर हुता ले हुनमन जाहाज थाने अन्ताकिया गेला, जोन थाने हुनमन हुन काम चो काजे जोन हुनमन पुरा करू रला माहापुरू चो अनुग्रह ने सोपा जाऊ रवत।

प्रेरितो 15:22

तेबे सपाय कलीसिया संगे पठालोबिता आउर सियानमन के अच्छा लागली कि आपलो थानले खिन्डिक मानेमन के चुनोत, बल्लोने यहूदा जोन बरसबा बलाया जाऊ आय, आउर सीलास के जोन भाईमन ने मुखिया रये; आउर हुनमन के पौलुस आउर बरनबास चो संगे अन्ताकिया पठाला।

प्रेरितो 15:23

हुनमन-हुनमन चो हाथे ऐ लिकुन पठाला: “अन्ताकिया आउर सीरिया आउर किलिकिया चो रतो बिता भाईमन के जोन दुसर जातिमन थानले आत, पठालोबिता आउर सियान भाईमन चो जुहार।”

प्रेरितो 15:30

फेर हुनमन बिदा होऊन भाती अन्ताकिया पोंचला, आउर सभा के रूंड़ा करून हुन चिठ्ठी हुनमन के देऊन दिला।

प्रेरितो 17:18

तेबे इपिकुरी आउर स्तोईकी दरशन दकुमन थानले कितलो हुनके तर्क करूक मुरयाला, आउर कितलो बल्ला, “ऐ टाबरी काय बोलुक मन करे से?” मान्तर दुसरमन बल्ला, “हुन दुसर देवमन चो परचार करू जान पड़े से” कसनबल्लोने हुन ईशु चो आउर जीव उठतोर नगतखबर सुनाते रलो।

प्रेरितो 18:22

आउर कैसरिया ने उतरून भाती (यरूशलेम ने) गेलो आउर कलीसिया के जुहार करून अन्ताकिया ने ईलो।

प्रेरितो 2:10

आउर फ्रुगिया आउर पंफूलिया आउर मिस्र आउर लीबिया देश जोन कुरेने चो लगे-लगे आसे, ऐ सपाय देशमन चो रतो बितामन आउर रोमि परवासी,

प्रेरितो 4:36

यूसुफ नाव साइप्रस चो गोटक लेवी रलो जेचो नाव पठालोबितामन बरनबास (बल्लोने शान्ति चो बेटा) संगाऊ रला।

प्रेरितो 5:42

हुनमन रोजे दिना मंदिर ने आउर घर-घर ने उपदेश करतोर, आउर ऐ गोठ चो नगतखबर सुनातो ले कि ईशु ची मसीह आय।

प्रेरितो 6:1

हुन दिनमन ने जिदलदाय चेलामन चो गेनती खुबे बडूक मुरयाली, तेबे यूनानी भाषा बोलतो बितामन इब्रानी भाषा बोलतो बितामन थाने गुरमुरूक मुरयाला, कि रोजे दिना चो सेवकाई ने आमचो रान्डीमन चो सुद्धि नी धरा जाये।

प्रेरितो 6:5

ऐ गोठ सपाय मण्डली के अच्छा लागली, आउर हुनमन स्तिफनुस नाव चो गोटक माने के जोन बिश्वास आउर पवितर आत्मा ले समपूरन रये, आउर फिलिप्पुस, आउर पुरखुरुस, आउर नीकानोर, आउर तीमोन, आउर परमिनास, आउर अन्ताकिया गड़ीया निकुलाऊस के जोन यहूदी दल ने ऐऊन जाऊ रये, चुनला।

प्रेरितो 6:9

तेबे हुन आराधना घर थानले जोन लिबिरतीनमन चो बलाया जाते रली, आउर कुरेनी आउर सिकन्दरिया आउर किलिकिया आउर आसिया चो लोगमन थानले कितलो झान उठून भाती स्तिफनुस ले बहस करूक मुरयाला।

प्रेरितो 8:35

तेबे फिलिप्पुस आपलो मुंह खोललो, आउर ऐई पवितर शास्त्र ले मुरयाऊन हुनके ईशु चो नगतखबर सुनालो।

प्रेरितो 8:5

आउर फिलिप्पुस सामरिया नंगर ने जाऊन भाती लोगमन ने मसीह चो परचार करूक मुरयालो।

प्रेरितो 9:20

आउर हुन तुरते आराधना घरमन ने ईशु चो परचार करूक मुरयालो कि हुन माहापुरू चो बेटा आय।

प्रेरितो 9:29

आउर बेधड़क होऊन भाती परबु चो नाव ले परचार करते रलो; आउर यूनानी भाषा बोलतो बितामन यहूदीमन चो संगे गोठ बात आउर बहस करते रलो; मान्तर हुनमन हुनके मारून देतोर कोशिश करूक मुरयाला।

1 कुरिन्थियो 2:2

कसनबल्लोने मय ऐ ठानुन रये कि तुमचो मंजी ईशु मसीह मान्तर कुरूस थाने चेगालोर मसीह के छांडुन आउर कोनी गोठ के नी जाने।

गलातियो 2:11

मान्तर जिदलदाय मय कयफा अन्ताकिया ने ईले, तेबे मय हुनचो मुंह थाने हुनचो सामना करले, कसनबल्लोने हुन दोषी ठेबु रलो।

इफिसीयो 3:8

मोचो उपरे जोन सपाय पवितर लोगमन ले नानी ले बले नानी आंय, ऐ अनुग्रह होली कि मय दुसर जातिमन के मसीह चो अगममय धन चो नगतखबर सुनायें,