प्रेरितो 1:3 - Halbi

³ आउर हुन दुख उठालोर पाचे खुबे असन पक्का सबुतमन ले आपन खुद के हुनमन के जीवता दकालो, आउर चालीस दिन ले हुन हुनमन के दका देते रलो, आउर माहापुरू चो राज चो गोठमन करते रलो।

परमेस्वर को सच्चो वचन ख जाननू

³ उ अपनो मरन क बाद उ चालीस दिन तक उ अगल अर तरीका से दिखाई दियो अर प्ररगट हुओ जिन्दो को प्रमाण ते रयो उन न ख देख्यो अर उन से ओ न परमेस्वर को राज्य कि बात करी।

प्रेरितो 1:3 ပူးပေါင်းရင်းမြစ်များ

मत्ती 21:43

“ऐईकाजे मय तुमचो ले बलें सें कि माहापुरू चो राज तुमचो ले धरा जाये दे आउर असन जाति के जोन हुनचो फर आनो, दिया जायेदे।

मत्ती 28:9

तेबे ईशु हुनमन के भेट होलो। आउर बल्लो, “सलाम”। हुनमन लगे ऐऊन भाती आउर हुनचो पाँय धरून भाती हुनके पाँय पढ़ला।

मत्ती 3:2

“मन फिरावा, कसनबल्लोने सरग चो राज लगे ईलीसे।”

मत्ती 4:2

ईशु चालीस दिन, आउर चालीस राती, नीराहार रलो, तेबे हुनके भुक लागली।

मरकुस 16:19

परबु ईशु हुनमन ले गोठमन गोठयालो पाचे सरग उपरे उठाय गेलो, आउर माहापुरू चो उजा हाथ घाई बसलो।

यूहन्ना 20:26

आंट दिन चो पाचे हुनचो चेलामन फेर घर चो भीतरे रवत, आउर थोमा हुनमन चो संगे रये; आउर कपाट बंद रये, तेबे ईशु ईलो आउर हुनमन चो मंजी ने उबा होऊन भाती बल्लो, “तुमके शान्ति मिरो।”

यूहन्ना 21:1

ऐ गोठमन चो पाचे ईशु आपन खुद के तिबिरियास झील चो रेटे चेलामन उपरे उजागर करलो आउर ऐ रीति ले उजागर करलो।

यूहन्ना 21:14

ऐ तीसर हार आय कि ईशु मरलो बितामन थानले जीव उठलोर पाचे चेलामन के दका दिलो।

प्रेरितो 13:31

आउर हुन हुनमन के जोन हुनचो संगे गलील ले यरूशलेम ऐऊ रवत, खुबे दिन ले दका देते रलो; लोगमन चो पुरे अदायं हुनमन ची हुनचो गोहई आत।

प्रेरितो 19:8

हुन आराधना घर ने जाऊन भाती तीन मयना तक डर नाहलोर होऊन भाती बोलते रलो, आउर माहापुरू चो राज चो बारे ने गोठ बात करते आउर समजाते रलो।

प्रेरितो 28:23

तेबे हुनमन हुनचो काजे गोटक दिन ठेबाला, आउर खुबे असन लोग हुनचो थाने रूंड़ा होला, आउर हुन माहापुरू चो राज चो गोहई देते, आउर मूसा चो नियम आउर अगम गिआनीमन चो किताबमन ले ईशु चो बारे ने समजाऊन-समजाऊन भाती बड़े बिहान ले सांज तक बरनन करते रलो।

प्रेरितो 28:31

आउर जोन हुनचो लगे ऐते रवत, हुन सपाय ले मिलते रलो आउर बिना रोक-टोक खुबे निडर होऊन भाती माहापुरू चो राज चो परचार करते आउर परबु ईशु मसीह चो गोठमन सिकाते रलो।

प्रेरितो 8:12

मान्तर जिदलदाय हुनमन फिलिप्पुस चो बिश्वास करला जोन माहापुरू चो राज आउर ईशु मसीह चो नाव चो नगतखबर सुनाते रलो तेबे लोग, काय माने, काय बायले लेकी, डूबन धरूक मुरयाला।

रोमियो 14:17

कसनबल्लोने माहापुरू चो राज खातोर-पिवतोर नुआय, मान्तर धरम आउर मिला-मिसा आउर हुन हरिक आय जोन पवितर आत्मा ले हऊ आय।

कुलुस्सियो 1:13

हुनी आमके अंधार चो बश ले छंड़ाऊन भाती आपलो लाड़रा बेटा चो राज ने परवेश करालो,

1 थिस्सलुनीकियो 2:12

कि तुमचो चाल-चलन माहापुरू चो लायक होओ, जोन तुमके आपलो राज आउर महिमा ने हाग देऊ आय।

1यूहन्ना 1:1

हुन जीवना चो बचन चो बारे ने जोन मुर ले रये, जेके आमीमन सुनलु, आउर जेके आपलो आँईकमन ले दकलु, बल्लोने जेके आमीमन धिआन ले दकलु आउर हाथमन ले छिंवलु।