प्रेरितो 1:15 - Halbi

¹⁵ हुन दिनमन ने पतरस भाईमन चो मंजी ने जोन छय कोड़ी लोग चो अमरा अमरी रवत, उबा होऊन भाती बोलुक मुरयालो,

परमेस्वर को सच्चो वचन ख जाननू

¹⁵ कुई दिन बाद म विस्वासी भई हुन की सभा म एक सव बीस अदमी हुन को संख्या हता , पतरस खड़ो होय ख बोलन लगियो,

प्रेरितो 1:15 ပူးပေါင်းရင်းမြစ်များ

मत्ती 13:31

हुन हुनमन के आउर गोटक कहनी दिलो, “सरग चो राज राई चो गोटक बीज चो असन आय, जोन के कोनी माने धरून भाती आपलो बेड़ा ने बुनुन दिलो।

लूका 22:32

मान्तर मय तुचो काजे गुहार करले कि तुचो बिश्वास जाते नी रओ; आउर जिदलदाय तुय फिर से, तेबे आपलो भाईमन के थीर कर।”

यूहन्ना 14:12

“मय तुमचो ले सत-सत बलें सें कि जोन मोचो उपरे बिश्वास संगाऊ आय, ऐ काम जोन मय करू आंय हुन बले करे दे, मान्तर ऐचो ले बड़े काम करे दे, कसनबल्लोने मय बुआ चो लगे जायें सें।”

यूहन्ना 21:23

ऐईकाजे भाईमन ने ऐ गोठ फयलुन गेली कि हुन चेला नी मरे दे; तेबले बले ईशु हुनके ऐ नी बल्लो कि हुन नी मरे दे, मान्तर ऐ कि “अगर मय चाहायें कि हुन मोचो ऐ ओत ले ठेबुन रओ, तो तुके ऐचो ले काय?”

प्रेरितो 10:23

तेबे हुन हुनमन के भीतरे हाग देउन भाती हुनमन चो पहुनाई करलो। दुसर दिने हुन हुनमन चो संगे गेलो, आउर याफा चो भाईमन थानले कितलो हुनचो संगे होऊन गेला।

प्रेरितो 11:1

फेर पठालोबिता आउर भाईमन जोन यहूदिया ने रवत सुनला कि दुसर जातिमन बले माहापुरू चो बचन मानला सोत।

प्रेरितो 11:12

तेबे आत्मा मोचो ले हुनमन चो संगे बिना संका होतो काजे बल्लो, आउर ऐ छय भाई बले मोचो संगे होला; आउर आमी हुन माने चो घरे गेलु।

प्रेरितो 11:26

जिदलदाय हुन हुनके भेटलो तेबे हुनके अन्ताकिया आनलो; आउर असन होली कि हुनमन गोटक बरक ले कलीसिया चो संगे मिलतोर आउर खुबे लोगमन के उपदेश देते रला; आउर चेलामन सपाय ले पयले अन्ताकिया ने ची मसीह बलाया गेला।

प्रेरितो 11:29

तेबे चेलामन ठानला कि हरकोनी आपलो-आपलो पुंजी चो अनुसार यहूदिया ने रतो बिता भाईमन चो सायता काजे काई पटाऊं।

प्रेरितो 12:17

तेबे हुन हुनमन के हाथ ले सोयका दकालो कि ओगाय राहा; आउर हुनमन के सांगलो कि परबु कसन रीति ले हुनके जयलघर ले निकराऊन आनलो से। फेर बल्लो, “याकूब आउर भाईमन के ऐ गोठ सांगुन दिआस।” तेबे निकरून भाती दुसर जगा जाते गेलो।

प्रेरितो 14:2

मान्तर बिश्वास नी करतो बितामन यहूदीमन दुसर जातिमन चो मन भाईमन चो बिरूद ने हुच हुचाला, आउर मनमुटाव पयदा करून दिला।

प्रेरितो 15:1

फेर कितलो लोग यहूदिया ले ऐऊन भाती भाईमन के सिकाऊक मुरयाला: “अगर मूसा चो रीति थाने तुमचो खतना नी होये तो तुमी मुक्ति नी पावऊक सकास।”

प्रेरितो 15:3

आउर कलीसिया हुनमन के कितलो दूर ले पोंचाला; आउर हुनमन फिनिके आउर सामरिया ले होते-होते दुसर जातिमन चो मन फिरातोर खबर सुनाते गेला, आउर सपाय भाई खुबे हरिक होला।

प्रेरितो 16:2

हुन लुस्त्रा आउर इकुनियुम चो भाईमन ने सुनाम रलो।

प्रेरितो 16:40

हुनमन जयलघर ले निकरून भाती लुदिया चो थाने गेला, आउर भाईमन ले भेट करून हुनमन के शान्ति दिला, आउर जाते गेला।

प्रेरितो 17:10

भाईमन तुरते रात ची रात पौलुस आउर सीलास के बिरीया पटाऊन दिला; आउर हुनमन हुता पहुँचुन भाती यहूदीमन चो आराधना घर ने गेला।

प्रेरितो 17:14

तेबे भाईमन तुरते पौलुस के बिदा करला कि समुन्द चो रेटे जाते जाओ; मान्तर सीलास आउर तीमुथियुस हुताय रऊन गेला।

प्रेरितो 17:6

हुनमन के हुता नी भेटुन भाती हुनमन ऐ चिचयाते-चिचयाते यासोन आउर खिन्डिक भाईमन के नंगर चो हाकिममन चो पुरे झिकुन आनला, ऐ लोग जोनमन जगत के उलटा पुलटा करून दिला से, ऐथा बले ऐऊन गेला से।

प्रेरितो 18:18

पौलुस खुबे दिन ले हुता रलो। फेर भाईमन ले बिदा होऊन भाती किंख्रीया ने ऐईकाजे मुण्ड खुरालो, कसनबल्लोने हुन बर मांगु रलो, आउर जाहाज उपरे सीरिया ने जाते गेलो आउर हुनचो संगे प्रिसकिला आउर अकविला रवत।

प्रेरितो 18:27

जिदलदाय हुन तय करलो कि हुनपाट उतरून भाती अखाया चो बाटे जाओ तेबे भाईमन हुनके हिम्मत देऊन भाती चेलामन के लिकला कि हुनमन हुनके अच्छा ढंग ले मिलोत; आउर हुन हुता पोंचुन भाती हुन लोगमन चो बड़े सायता करलो जोनमन अनुग्रह चो लागुन बिश्वास करू रला।

प्रेरितो 21:17

जिदलदाय आमी यरूशलेम ने पोंचलु, तेबे भाई बड़े हरिक चो संगे आमचो ले मिलला।

प्रेरितो 21:20

हुनमन ऐ सुनुन भाती माहापुरू चो महिमा करला, फेर हुनचो ले बल्ला, हे भाई, तुय दक सीस कि यहूदीमन थानले कितलो हजार बिश्वास करला से; आउर सपाय नियम चो काजे बाय होला सोत।

प्रेरितो 21:7

तेबे आमी सूर ले पानी नाकुन भाती पतुलिमयिस ने पोंचलु, आउर भाईमन के जुहार करून हुनमन चो संगे गोटक दिन रलु।

प्रेरितो 22:5

ऐ गोठ काजे माहायाजक आउर सपाय पुरनिमन गोहई आसोत, कि हुनमन ले मय भाईमन चो नाव ने चिठ्ठी धरून भाती दमिश्क ने जाते रयें, कि जोन हुता रओ हुनमन के बले, डण्ड दियातो काजे बान्दुन भाती यरूशलेम आने दे।

प्रेरितो 28:14

हुता आमके भाई मिरला, आउर हुनमन चो बोलतो के आमी हुनमन चो थाने सात दिन तक रलु; आउर ऐई रीति ले आमी रोम बाटे गेलु।

1 कुरिन्थियो 15:6

फेर हुन पांच सव ले जादा भाईमन के गोटक संगे दका दिलो, जोन थानले खुबे असन ऐबे ले जीव आसोत मान्तर कितलो मरून गेला।

प्रकाशितवाक्य 11:13

फेर हुनी घड़ी गोटक बड़े भूकम होली, आउर नंगर चो दसवां भाग घसरुन पड़ली; आउर हुन भूकम ले सात हजार माने मरून गेला, आउर आदो डरून गेला आउर सरग चो माहापुरू चो महिमा करला।

प्रकाशितवाक्य 3:4

“मान्तर हव, सरदीस ने तुचो थाने कितलो असन लोग आसोत जोनमन आपलो-आपलो फटीई अशुद्ध नी करला, हुनमन पंडरी फटीई पिन्दुन भाती मोचो संगे बुलदे, कसनबल्लोने हुनमन ऐ लायक आत।”