2 तीमुथियुस 4:8 - Halbi

⁸ अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

परमेस्वर को सच्चो वचन ख जाननू

⁸ भविस्य म मोरो लाने धर्म को उ मुकुट रखो हुओ हैं, जेसे प्रभु जे धर्मी को न्याय करन वालो हैं, मो ख उस दिन देगो, अर मो ख नी लेकिन उ सब ख भी जो ओ ख परगट होन कि रस्ता देखह हैं।

2 तीमुथियुस 4:8 ပူးပေါင်းရင်းမြစ်များ

मत्ती 24:36

“हुन दिन आउर हुन घड़ी चो बारे ने कोनी नी जानोत, ना सरग चो दूत ना बेटा, मान्तर मात्र बुआ।

मत्ती 7:22

हुन दिने खुबे असन लोग मोचो ले बलदे, ‘हे परबु, हे परबु, काय आमीमन तुचो नाव ले अगम गोठ नी करलु, आउर तुचो नाव ले दुष्टआत्मामन के नी निकरालु, आउर तुचो नाव ले खुबे असन अकचकित काम नी करलु?’

लूका 10:12

मय तुमचो ले बलेंसें कि हुन दिने हुन नंगर चो हालत ले सदोम चो हालत आगर कटलातो लायक होयेदे।

रोमियो 2:5

मान्तर तुय आपलो कठर टेकाहा मन चो लागुन हुनचो रीस चो दिन चो काजे, जोन थाने माहापुरू चो सत नियाय उजागर होयेदे, आपलो काजे रीस कमाय सीस।

रोमियो 8:23

आउर मात्र हुनी ची नाई मान्तर आमी बले जेचो लगे आत्मा चो पयला फल आसे, खुद ची आपलो ने कहरे सोत; आउर हकदार होतोर बल्लोने आपलो देंह चो छुटकारा चो बाट दक से।

1 कुरिन्थियो 2:9

मान्तर जसन लिकलोर आसे, “जोन गोठमन आँईकमन नी दकली आउर कान नी सुनली, आउर जोन गोठमन माने चो मन ने नी चेगली, हुनीमन ची आत जोन माहापुरू आपलो मया संगातो बितामन काजे तिआर करलो से।”

1 कुरिन्थियो 3:13

तेबे हरकोनी चो काम परकट होऊन जाय दे; कसनबल्लोने हुन दिन हुनके सांगे दे, ऐईकाजे कि आईग चो संगे परकट होये दे आउर हुन आईग हरकोनी चो काम जाचे दे कि कसन आय।

1 कुरिन्थियो 9:25

हरकोनी पयलवान सपाय परकार चो सहन करू आय; हुनमन तो गोटक कोमजतो बिती मुकुट के पावतो काजे ऐ सपाय करू आत, मान्तर आमी तो हुन मुकुट चो काजे करू आंव जोन कोमजतो बिती नुआय।

2 कुरिन्थियो 5:2

ऐ थाने तो आमी कहरते आउर बड़े आशा संगाऊ आंव कि आपलो सरग चो घर के पिन्दुन रऊं।

फिलिप्पियो 3:11

कि मय कोनी बले रीति ले मरलो बितामन थानले जीव उठतोर पद लगले अमरेंदें।

कुलुस्सियो 1:5

हुन आशा करलोर बिती तीज चो लागुन जोन तुमचो काजे सरग ने संगालोर आसे, जेचो बरनन तुमी हुन नगतखबर चो सत बचन ले सुनुन चुकलासास,

1 थिस्सलुनीकियो 1:10

आउर हुनचो बेटा चो सरग थानले ऐतोर बाट टाकते राहा जोन के हुन मरलो बितामन थानले जिआ लो, बल्लोने ईशु चो, जोन आमके ऐतो बिती घोर रिस ले बचाऊ आय।

1 थिस्सलुनीकियो 5:4

मान्तर हे भाईमन, तुमी तो अंधार ने निआस कि हुन दिन तुमचो उपरे चोर चो असन ऐऊन पड़ो।

2 थिस्सलुनीकियो 2:8

तेबे हुन अधरमी परकट होयेदे, जोन के परबु ईशु आपलो टोंड चो फुक ले मारून पकाये दे, आउर आपलो ऐतो दाय चो तेज ले भसम करेदे।

1तीमुथियुस 6:19

आउर पयले चो काजे गोटक अच्छा पाया डालुन संगा ओत कि सत जीवना के बस ने करोत।

2 तीमुथियुस 1:10

मान्तर अदायं आमचो मुक्तिकरू मसीह ईशु चो परकट होतोर लागुन परकाशीत होली, जोन मरना चो नाश करलो आउर जीवन आउर अमरता के हुन नगतखबर चो लागुन परकाशमान करून दिलो।

2 तीमुथियुस 1:12

ऐई लागुन मय ऐ दुखमन के बले उठायें सें, मान्तर लाज नी होयें, कसनबल्लोने मय हुनके जेचो उपरे मय बिश्वास करले से जाने; आउर मोके तय आसे कि हुन मचो अमानत चो हुन दिन ले राका करूक सके।

2 तीमुथियुस 1:18

परबु करो कि हुन दिने हुनचो उपरे परबु चो दया होओ-आउर जोन-जोन सेवा हुन इफिसुस ने करलो से हुनमन के बले तुय नुकु-नुकु जानीस।

2 तीमुथियुस 2:5

फेर लड़ीई होतो जगा ने लड़तो बिता अगर नियम चो अनुसार नी लड़े तो मुकुट नी पाये।

2 तीमुथियुस 4:1

माहापुरू आउर मसीह ईशु के गोहई करून जोन जीवतामन आउर मरलो बितामन चो नियाय करे दे, आउर हुनचो परकट होतोर आउर राज चो सुद्धि दियाऊन भाती मय तुके हुकुम देयें से

तीतुस 2:13

आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

इब्रानियो 12:11

हाल ने हर परकार चो ताड़ना हरिक चो नुआय, मान्तर दुख ची चो गोठ दका पड़े से; तेबे बले जोन हुनके सहते-सहते पक्का होऊन गेला सोत, पाचे हुनमन के असतीर चो संगे धरम चो करलो फल मिरू आय।

इब्रानियो 9:28

असने ची मसीह बले खुबेमन चो पापमन के उठाऊन धरतो काजे गोटक हार बलिदान होलो; आउर जोन लोग हुनचो बाट टाके सोत हुनमन चो मुक्ति चो काजे दुसरहार बिना पाप उठाऊन भाती दका देये दे।

याकूब 1:12

धन्य आय हुन माने जोन परीक्षा ने थीर रऊ आय, कसनबल्लोने हुन खर निकरून भाती जीवना चो हुन मुकुट पायेदे जेचो बायदा परबु आपलो मया करतो बितामन ले करलो से।

1 पतरस 1:4

आउर गोटक अमर, आउर निंगल, आउर नी सरतो धन काजे जोन तुमचो काजे सरग ने संगालोर आसे;

1 पतरस 5:4

जिदलदाय परधान राका करू परकट होये दे, तेबे तुमके महिमा चो मुकुट दिया जाय दे जोन कोमचु नुआय।

प्रकाशितवाक्य 1:7

दका, हुन बादरी चो संगे ऐतो बिता आय, आउर हरकोनी आँईक हुनके दकेदे, मान्तर जोनमन हुनके भेदु रवत हुनमन बले हुनके दकदे, आउर धरतनी चो पुईतराय कुल हुनचो कारन छाती पेटदे। हव। आमीन।

प्रकाशितवाक्य 19:11

फेर मय सरग के उगाड़ी होलोर दकले, आउर दकें से कि गोटक पंडरा घोड़ा आसे; आउर हुन थाने गोटक चेगलो से, जोन बिश्वास लायक आउर सत बलाय जाऊ आय; आउर हुन धरम चो संगे नियाय आउर जुद करू आय।

प्रकाशितवाक्य 2:10

“जोन दुक तुके झेलुक होयदे, हुनचो ले नी डर। कसनबल्लोने दका, शयतान तुमनमन ले कितलो के जयलघर ने डालतो थाने आसे बल्ले तुमी परका जाआ, आउर तुमके दस दिन ले कलेश उठाऊक पढ़ेदे। जीव देओत ले बिश्वासी रा, तेबे मय तुके जीवना चो मुकुट देयेंदे।”

प्रकाशितवाक्य 22:20

जोन ऐ गोठमन चो गोहई देऊ आय हुन ऐ बोलु आय, “हव, मय झटके ऐतो बिता आय।” आमीन। हे परबु ईशु आव!

प्रकाशितवाक्य 4:10

तेबे चोबिसों सियानमन सिंघासन थाने बसतो बितामन चो पुरे घसरुन पढ़दे, आउर हुनके जोन जुग-जुग जीव आसे जुहार करदे; आउर हुनमन आपलो-आपलो मुकुट सिंघासन चो पुरे ऐ बोलुन भाती डालुन देदे,

प्रकाशितवाक्य 4:4

हुन सिंघासन चो चारो बाटे चोबिस सिंघासन आसे; आउर ऐ सिंघासनमन उपरे चोबिस सियानमन पंडरी फटीई पिन्दुन भाती बसला से, आउर हुनमन चो मुण्डमन थाने सोना चो मुकुट आसे।