2 तीमुथियुस 4:2 - Halbi

² कि तुय बचन चो परचार कर, समया आउर असमया तिआर रा, सपाय परकार चो सयनशक्ति आउर सिक्या चो संगे उलाहना देस आउर खिज आउर समजाव।

परमेस्वर को सच्चो वचन ख जाननू

² कि तू न वचन को प्रचार कर, बखत अर अबखत तैयार रहो, पुरो तरीका की सहनसीलता अर सिक्छा को संग उलाहाना दे अर डाँट अर समझा।

2 तीमुथियुस 4:2 ပူးပေါင်းရင်းမြစ်များ

लूका 7:23

धन्य आत हुन जोन मोचो लागुन ठोकर नी खाओत।”

लूका 7:4

हुनमन ईशु चो लगे ईला, आउर हुनचो ले बड़े बिनती करून बोलुक मुरयाला, “हुन ऐ लायक आय कि तुय हुनचो काजे ऐ कर,

लूका 9:60

हुन हुनचो ले बल्लो, “मरलो बितामन के आपलो मोड़ी तोपुक देस, मान्तर तुय जाऊन भाती माहापुरू चो राज चो कथा सुनाव।”

प्रेरितो 13:5

आउर सलमीस ने अमरून भाती, माहापुरू चो बचन यहूदीमन चो आराधना घरमन ने सुनाला। यूहन्ना हुनमन चो सेवक रलो।

प्रेरितो 16:13

सब्त चो दिने आमी नंगर चो बाट चो बाहरे लंदी चो रेटे ऐ समजुन भाती गेलु कि हुता पारथना करतोर जगा होये दे, आउर बसुन भाती हुन बायले लेकीमन ले जोन रूंड़ा होऊ रवत, गोठयाऊक मुरयालु।

प्रेरितो 20:7

सपता चो पयला दिने जिदलदाय आमी रोटी टुटातोर काजे रूंड़ा होलु, तेबे पौलुस जोन दुसर दिने जाते जातो बिता रलो, हुनमन चो ले गोठयालो; आउर अधघर राती ले गोठयाते रलो।

प्रेरितो 28:16

जिदलदाय आमी रोम ने पोंचलु, तेबे पौलुस के गोटक पलटन चो संगे जोन हुनचो राका करते रलो, ऐकला रतोर हुकुम मिरून गेली।

रोमियो 10:15

आउर अगर पटाया नी जाऊँ, तेबे कसन परचार करवां? जसन लिकलोर आसे, “हुनमन चो पाँय कितरो सुन्दर आय, जोन अच्छा गोठमन चो नगतखबर सुनाऊ आत!”

रोमियो 12:12

आशा ने हरिक राआ; कलेश ने थीर राआ; पारथना ने हरमेशा लगु राआ।

गलातियो 6:6

जोन बचन चो सिक्या पाऊ आय, हुन सपाय अच्छा तीजमन ने सिकतो बितामन के शामिल करो।

कुलुस्सियो 1:25

जेचो मय माहापुरू चो हुन जुगाड़ चो अनुसार सेवक बनले जोन तुमचो काजे मोके सोपला, बल्ले मय माहापुरू चो बचन के पुरा-पुरा परचार करें।

कुलुस्सियो 4:3

आउर ऐचो संगे ची संगे आमचो काजे बले पारथना करते राहा कि माहापुरू आमचो काजे बचन सुनातोर असन दुआर उगाढुन देओ, कि आमी मसीह चो हुन भेद चो बरनन करूक सकु जेचो लागुन मय कयद ने आसे,

1 थिस्सलुनीकियो 1:6

तुमी बड़े कलेश ने, पवितर आत्मा चो हरिक चो संगे, बचन के मानुन भाती आमचो आउर परबु चो असन चाल चलुक मुरयालास।

1 थिस्सलुनीकियो 5:14

हे भाईमन, आमी तुमके समजाऊँ से कि जोन अच्छा चाल नी चलोत हुनमन के समजाहा, डरहामन के हिम्मत दिआस, बलनाहलो लोग के सम्भाला, सपाय चो बाटे सयनशक्ति दकाहा।

1 थिस्सलुनीकियो 5:20

अगम गोठमन के तुच्छ नी जाना।

1तीमुथियुस 4:13

जिदलदाय ले मय नी ऐये, हुदलदाय ले पढ़तोर आउर उपदेश देतोर आउर सिकातो ने मतभुल रा।

1तीमुथियुस 5:20

पाप करतो बितामन के सपाय चो पुरे समजाऊन देस, बल्ले आउर लोग बले डरोत।

2 तीमुथियुस 2:21

अगर कोनी आपन खुद के ऐ मन ले शुद्ध करे दे, तेबे हुन ईजीत चो बरतन आउर पवितर ठेबे दे; आउर मालिक चो काम ऐये दे आउर हर बड़ीया काम चो काजे तिआर होयेदे।

2 तीमुथियुस 2:25

हुन बिरूदीमन के नम्रता ले समजाओ, काय जाने माहापुरू हुनमन के मन फिराव चो मन देओ कि हुनमन बले सत के चिता ओत,

2 तीमुथियुस 3:10

मान्तर तुय उपदेश, चाल-चलन, मनसा, बिश्वास, सयनशक्ति, मया, धीरज आउर कन्दराया जातोर, आउर दुख उठातो ने मोचो सात दिलीस;

तीतुस 1:13

ऐ गोहई सत आय, ऐईकाजे हुनमन के कड़ाई ले जनाऊन देस कि हुनमन बिश्वास ने पक्का होऊन जाओत,

तीतुस 2:15

पुरा अधिकार चो संगे ऐ गोठमन बोल, आउर समजाव आउर सिकाते रा। कोनी तुके तुच्छ जानुक नी सकोत।

इब्रानियो 13:22

हे भाईमन, मय तुमचो ले बिनती करेंसे कि ऐ उपदेश चो गोठमन के साहा, कसनबल्लोने मय तुमके खुबे नगत ले लिकले से।

प्रकाशितवाक्य 3:19

“मय जोन-जोन के मया करू आंय, हुन सपाय के सिकाऊ आंय आउर ताड़ना देऊ आंय; ऐईकाजे टिव-टिव हो आउर मन फिराव।”