2 तीमुथियुस 4:10 - Halbi

¹⁰ कसनबल्लोने देमास ऐ जगत के लाड़ जानुन भाती मोके छांडुन दिलो से आउर थिस्सलुनीके ने जाते गेलो से। क्रेसकेंस गलातिया ने आउर तीतुस दलमतिया ने जाते गेलो से।

परमेस्वर को सच्चो वचन ख जाननू

¹⁰ काहेकि देमास न यू दुनिया को प्यार जान ख मो ख छोड़ दियो, अर थिस्सलुनीके को चला गयो हैं। क्रेसकेंस गलातिया को अर तीतुस दलमतिया को चला गयो हैं।

2 तीमुथियुस 4:10 ပူးပေါင်းရင်းမြစ်များ

मत्ती 12:32

जोन कोनी माने चो बेटा चो बिरूद ने काई गोठ बले दे, हुनचो ऐ अपराध छमा करा जायेदे, मान्तर जोन कोनी पवितर आत्मा चो बिरूद ने काई बले दे, हुनचो अपराध ना तो ऐ लोग ने आउर ना उपरपुर ने छमा करा जाये दे।

मत्ती 26:56

मान्तर ऐ सपाय ऐईकाजे होली कि अगम गिआनीमन चो बचन पुरा होओ।” तेबे सपाय चेलामन हुनके छांडुन भाती पराला।

लूका 14:33

असने रीति ले तुमनमन थानले जोन कोनी आपलो सपाय काई छांडुन नी देये, हुन मोचो चेला नी होऊक सके।

लूका 16:13

“कोनी दास दुय मालिकमन चो सेवा नी करूक सके कसनबल्लोने हुन तो गोटक ले बईर आउर दुसर ले मया संगाये दे; नाहले गोटक ले मिलुन रये दे आउर दुसर के तुच्छ जाने दे। तुमी माहापुरू आउर धन दुनो चो सेवा नी करूक सकास।”

लूका 17:32

लूत चो बायले के सुरता संगाहा!

प्रेरितो 13:13

पौलुस आउर हुनचो संगवारी पाफुस ले जाहाज खोलुन भाती पंफूलिया चो पिरगा ने ईला; आउर यूहन्ना हुनमन के छांडुन भाती यरूशलेम ने बाहाडून गेलो।

प्रेरितो 15:38

मान्तर पौलुस हुनके जोन पंफूलिया ने हुनमन ले अलग होऊन जाऊ रलो, आउर काम थाने हुनमन चो संगे नी गेलो, संगे धरून जातोर अच्छा नी समजलो।

प्रेरितो 16:6

हुनमन फ्रुगिया आउर गलातिया परदेशमन ले होऊन भाती गेला, कसनबल्लोने पवितर आत्मा हुनमन के आसिया ने बचन सुनातो ले मना करलो।

प्रेरितो 17:1

फेर हुनमन अम्फिपुलिस आउर अपुलोनिया होऊन भाती थिस्सलुनी ने ईला, जोन थाने यहूदीमन चो गोटक आराधना घर रली।

प्रेरितो 17:11

ऐ लोग तो थिसलुनी चो यहूदीमन ले अच्छा रवत, आउर हुनमन बड़े लालच ले बचन गरहन करला, आउर रोजे दिना पवितर शास्त्रमन ने डगराते रला कि ऐ गोठमन असने ची आय कि नुआय।

प्रेरितो 17:13

मान्तर जिदलदाय थिस्सलुनी चो यहूदी जानुन गेला कि पौलुस बिरीया ने बले माहापुरू चो बचन सुनाऊ आय, तेबे हुता बले ऐऊन भाती लोगमन के हुच हुचाक आउर हुड़दुम करूक मुरयाला।

प्रेरितो 18:23

फेर खिन्डिक दिन रऊन भाती हुन हुता ले निकरलो, आउर गोटक बाटले गलातिया आउर फ्रुगिया परदेशमन ने सपाय चेलामन के थीर करते फिरलो।

2 कुरिन्थियो 2:13

तेबे मोचो मन ने आराम नी मिरली, ऐईकाजे कि मय आपलो भाई तीतुस के नी पावले; ऐईकाजे हुनमन ले बिदा होऊन मय मकिदुनिया ने जाते गेले।

2 कुरिन्थियो 7:6

तेबले बले दिनमन के शान्ति देतो बिता माहापुरू तीतुस चो ईलो ले आमके शान्ति दिलो;

2 कुरिन्थियो 8:16

माहापुरू चो धन्यबाद होओ, जोन तुमचो काजे हुनी उदुम तीतुस चो मन ने डालुन दिलो से।

2 कुरिन्थियो 8:23

अगर कोनी तीतुस चो बारे ने पचार दे, तेबे हुन मोचो संगवारी आउर तुमचो काजे मोचो संगे कामकरू आय; आउर अगर आमचो भाईमन चो बारे ने पचारो, तेबे हुनमन कलीसियामन चो पठालोबिता आउर मसीह चो महिमा आत।

2 कुरिन्थियो 8:6

ऐईकाजे आमी तीतुस के समजालु कि जसन हुन पयले मुरयाऊ रलो, असने ची तुमचो मंजी ने ऐ दान चो काम के पुरा बले करोत।

गलातियो 1:2

आउर सपाय भाईमन चो बाटले आउर जोन मचो संगे आसोत, गलातिया चो कलीसियामन चो नाव।

फिलिप्पियो 2:21

कसनबल्लोने सपाय आपलो मतलब चो डगर ने रऊ आत, ना कि ईशु मसीह चो।

1तीमुथियुस 6:10

कसनबल्लोने रूपया चो लोभ सपाय परकार चो खराबीमन चो चेर आय, जोन के परापत करतोर कोशिश करते-करते कितलो लोगमन बिश्वास ले भटकुन भाती आपन खुद के नाना परकार चो दुखमन ले छिलछिदरी बनाला से।

1तीमुथियुस 6:17

ऐ संवसार चो सवकारमन के हुकुम देस कि हुनमन घमण्डी नी होओत आउर नी धरा देतो धन उपरे आशा नी संगा ओत मान्तर माहापुरू उपरे जोन आमचो सुक चो काजे सपाय काई खुबे ले खुबे देऊ आय।

2 तीमुथियुस 1:15

तुय जानीस कि आसिया बितामन सपाय मोचो ले फिरून गेला से, जोन मन ने फूगिलुस आउर हिरमुगिनेस आसोत।

2 तीमुथियुस 4:16

मोचो पईले जबाप चो जबाप समया कोनी बले मोचो साथ नी दिला, मान्तर सपाय मोके छांडुन देऊ रओत। अच्छा होओ कि ऐचो हुनमन के लेखा देऊक नी पड़ो!

तीतुस 1:4

तीतुस चो नाव, जोन बिश्वास चो संगती चो बिचार ले मोचो सत बेटा आय: माहापुरू बुआ आउर आमचो मुक्तिकरू मसीह ईशु चो बाटले तुके अनुग्रह आउर शान्ति मिरते रओ।

फिलेमोन 1:24

आउर मरकुस आउर अरिस्तर्खुस आउर देमास आउर लूका जोन मोचो सकरमी आय, ऐ मन चो तुके जुहार।

2 पतरस 2:15

हुनमन सीदा बाट के छांडुन भाती भुलकुन गेला से, आउर बओर चो बेटा बिलाम चो बाट थाने होऊन गेला से, जोन अधरम चो भुती के लाड़ जानला;