2 तीमुथियुस 3:12 - Halbi

¹² मान्तर जितरो मसीह ईशु ने भक्ति चो संगे जीवना बिताऊक चाहाय सोत हुनमन सपाय कन्दराया जादे;

परमेस्वर को सच्चो वचन ख जाननू

¹² पर जितना मसी यीसु म भक्ति को संग जिन्दगी बितावन चाहाव हैं वी सब सताया जायेगे;

2 तीमुथियुस 3:12 ပူးပေါင်းရင်းမြစ်များ

मत्ती 16:24

तेबे ईशु आपलो चेलामन ले बल्लो, “अगर कोनी मोचो पाट-पाट ऐऊक चाहा ओ, तेबे आपन खुद चो इन्कार करो आउर आपलो कुरूस उठाओ, आउर मोचो पाट-पाट ऐओ।

मत्ती 23:34

ऐईकाजे दका, मय तुमचो लगे अगम गिआनीमन आउर अकल बितामन आउर शास्तरीमन के पटायें से; आउर तुमी हुनमन थानले कितरो के मारून पकाआ से आउर कुरूस उपरे चेगाहा से, आउर कितलो के आपलो आराधना घरमन ने कोड़ा मारा से आउर गोटक नंगर ले दुसर नंगर ने खेद ते फिरा से।

मरकुस 10:30

आउर अदायं ऐ समया सव गुना नी पाआ, घरमन आउर भाईमन आउर भईनमन आउर आयामन आउर पिला-झिलामन आउर बेड़ामन के, मान्तर कन्दरानी चो संगे आउर उपरपुर ने अमर जीवना।

यूहन्ना 16:2

हुनमन तुमके आराधना घरमन ले निकराऊन देदे, मान्तर हुन समया ऐऊ आय, कि जोन कोनी तुमके मारून देये दे हुन समजे दे कि मय माहापुरू चो सेवा करें से।

यूहन्ना 16:33

मय ऐ गोठमन तुमचो ले ऐईकाजे बल्ले से कि तुमके मोचो थाने शान्ति मिरो। संवसार ने तुमके कलेश होऊ आय, मान्तर हिम्मत जटाव, मय संवसार के जितले से।”

यूहन्ना 17:14

मय तुचो बचन हुनमन के अमराऊन दिले से; आउर संवसार हुनमन ले बईर करली, कसनबल्लोने जसन मय संवसार चो नुआय, असने ची हुनमन बले संवसार चो नुआत।

प्रेरितो 14:22

आउर चेलामन चो मन के थीर करते रला आउर ऐ उपदेश देते रला कि बिश्वास ने बनु राहा; आउर ऐ बोलते रवत, “आमके बड़े कलेश उठाऊन भाती माहापुरू चो राज ने ओलतोर होये दे।”

1 कुरिन्थियो 15:19

अगर आमी मात्र ऐई जीवना ने मसीह ले आशा संगाऊ से तेबे आमी सपाय मानेमन ले जादा अभागा आंव।

2 कुरिन्थियो 1:12

कसनबल्लोने आमी आपलो बिबक चो ऐ गोहई थाने घमण्ड करूं से, कि जगत ने आउर खास करून तुमचो मंजी, आमचो गुन माहापुरू चो लायक असन पवितरता आउर सत संगे रये, जोन शारीरिक गिआन ले नाई मान्तर माहापुरू चो अनुग्रह चो संगे रये।

2 कुरिन्थियो 4:9

कन्दराया तो जाऊ आंव, मान्तर तियागा नी जाऊं; घसराया तो जाऊ आंव, मान्तर नष्ट नी होऊं।

1तीमुथियुस 2:2

राजामन आउर सपाय ऊँचा पन बितामन चो लागुन ऐईकाजे कि आमी आराम आउर असतीर चो संगे सपाय भक्ति आउर गमभीरता ले जीवना बिताऊ।

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

1तीमुथियुस 6:3

अगर कोनी आउर ची परकार चो उपदेश देऊ आय आउर खर गोठमन के, बल्लोने आमचो परबु ईशु मसीह चो गोठमन के आउर हुन उपदेश के नी माने, जोन भक्ति चो अनुसार आय,

तीतुस 1:1

पौलुस चो बाटले जोन माहापुरू चो दास आउर ईशु मसीह चो पठालोबिता आय, माहापुरू चो चुनलो लोगमन चो बिश्वास आउर हुन सत चो पयचान चो अनुसार जोन भक्ति चो अनुसार आय,

तीतुस 2:12

आउर आमके जनाऊन देऊ आय कि आमी अभक्ति आउर संवसार चो मनमानीमन ले मन फिराऊन भाती ऐ जुग ने सहन करू आउर धरम आउर भक्ति ले जीवना बिताऊ;

1 पतरस 3:14

अगर तुमी धरम चो लागुन दुख बले उठाहा, तेबे धन्य आस; मान्तर लोगमन चो डरालो ले नी डरा आउर ना घबराआ,

2 पतरस 3:11

जसन कि ऐ सपाय तीजमन ऐ रीति ले पिघल तो बिती आय, तेबे तुमके पवितर चाल-चलन आउर भक्ति ने कसन माने होतोर आसे,

प्रकाशितवाक्य 12:4

हुनचो लेंगड़ी ने बादरी चो तारामन चो गोटक भाग के झिकुन भाती धरतनी थाने ढ़ारुन दिलो। हुन बोड़ासाप हुन बायले लेकी चो पुरे जोन जनमाते रली, उबा होलो कि जिदलदाय हुन पिला जनमो तेबे हुन पिला के गिरुन जाओ।

प्रकाशितवाक्य 7:14

मय हुनके बल्ले, “हे मालिक, तुय ची जानीस।” हुन मोके बल्लो, “ऐ हुनमन आत, जोन हुन माहाकलेश थानले निकरून भाती ईला सोत; ऐ मन आपलो-आपलो फटीई मेमना चो लऊ ने धोऊन भाती पंडरा करला सोत।”