2 तीमुथियुस 1:10 - Halbi

¹⁰ मान्तर अदायं आमचो मुक्तिकरू मसीह ईशु चो परकट होतोर लागुन परकाशीत होली, जोन मरना चो नाश करलो आउर जीवन आउर अमरता के हुन नगतखबर चो लागुन परकाशमान करून दिलो।

परमेस्वर को सच्चो वचन ख जाननू

¹⁰ लेकिन अब हमारो उध्दार करतो मसी यीसु को पैदा होन को व्दारा प्रकासित हुओ, जे न मरनो ख नास किरयो अर जिन्दगी अर अमरता को उ चोक्खो सुसमाचार को दुवारा प्रकासमान कर दियो।

2 तीमुथियुस 1:10 ပူးပေါင်းရင်းမြစ်များ

लूका 11:36

ऐईकाजे अगर तुचो सपाय देंह उजर होओ आउर हुनचो कोनी हिसा अंधार नी रओ तेबे सपाय चो सपाय असन उजर होये दे, जसन हुन समया होऊ आय जिदलदाय दीया आपलो उजर ले तुके उजर देऊ आय।”

लूका 13:7

तेबे हुन पदर चो राका करू ले बल्लो, ‘दक, तीन बरक ले मय ऐ अंजीर चो रूक ने फर डगराऊक ऐयें सें, मान्तर नी पाये। ऐके गोंदुन पकाव कि ऐ भूईं के बले केंव ठेबाऊन रऊ आय?’

लूका 2:11

कि आजी दाऊद चो नंगर ने तुमचो काजे गोटक मुक्तिकरू जनम लो से, आउर ऐई ची मसीह परबु आय।

यूहन्ना 1:9

सत उजर जोन सपाय माने के उजर करू आय, जगत ने ऐतो बिती रये।

यूहन्ना 14:6

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

यूहन्ना 4:42

आउर हुन बायले लेकी के बल्ला, “अदायं आमी तुचो बोलतोर ची ले बिश्वास नी करू; कसनबल्लोने आमी खुदे ची सुनलु, आउर जानु से कि ऐई सते जगत चो मुक्ति करू आय।”

यूहन्ना 5:40

फेर बले तुमी जीवना पावतो काजे मोचो लगे ऐऊक नी चाहास।

प्रेरितो 13:23

ऐचीई कुल थानले माहापुरू आपलो बायदा चो अनुसार इस्राएल चो लगे गोटक मुक्तिकरू, बल्लोने ईशु के पठालो।

प्रेरितो 5:31

हुनी के माहापुरू परबु आउर मुक्तिकरू थेबाऊन भाती, आपलो उजा हाथ थाने डेंग करून दिलो, कि हुन इस्राएलीमन के मन फिराव चो शक्ति आउर पापमन चो छमा देओ।

रोमियो 16:26

मान्तर अदायं उजागर होऊन भाती जुग-जुग चो माहापुरू चो हुकुम ले अगम गिआनीमन चो किताबमन चो दुवारा सपाय जातिमन के सांगा गेली से कि हुनमन बिश्वास ले हुकुम मानतो बिता होऊन जाओत,

रोमियो 2:7

जोन अच्छा काम ने थीर रऊन भाती महिमा, आउर मान, आउर अमर चो डगर ने आसे, हुनमन के हुन अमर जीवना देयेदे;

रोमियो 3:31

तेबे काय आमी नियम के बिश्वास चो बाटले फकाहा ठेबाऊ से? केबीई नाई! मान्तर नियम के थीर करूं से।

रोमियो 6:6

आमी जानुन से कि आमचो जुना मानेरूप हुनचो संगे कुरूस थाने चेगाया गेली बल्ले पाप चो देंह फकाहा होऊन जाओ, आउर आमी पयले ले पाप चो दास रऊँ।

1 कुरिन्थियो 15:26

सपाय ले आखरी बयरी जोन नष्ट करा जाये दे, हुन मरना आय।

1 कुरिन्थियो 4:5

ऐईकाजे जिदलदाय दाय ले परबु नी ऐये, समया ले पयले कोनी गोठ चो नियाय नी करा: हुनी अंधार चो लुकलो गोठमन उजर ने दकाय दे, आउर मनमन चो बिचारमन के परकट करे दे, तेबे माहापुरू चो बाटले हरकोनी चो बड़ाई होये दे।

2 कुरिन्थियो 5:4

आउर आमी ऐ डेरा ने रते-रते बोज ले चेपाय कहरते रऊ आंव, कसनबल्लोने आमी हिटातोर नाई मान्तर आउर पिंदुक चाहाऊ आंव, बल्ले हुन जोन मरनहार आय जीवना ने बुडून जाओ।

गलातियो 5:4

तुमी जोन नियम चो बाटले धरमी ठेबुक चाहायसास, मसीह ले अलग आउर अनुग्रह ले घसरुन गेलासास।

इफिसीयो 1:18

आउर तुमचो मन चो आँईकमन उजर मय होओ कि तुमी जाना कि हुनचो बुलाहट चो आशा काय आय, आउर पवितर लोगमन ने हुनचो हक चो महिमा चो धन कसन आय,

इफिसीयो 1:9

कसनबल्लोने हुन आपलो इच्छा चो भेद हुन नुकु इच्छा चो अनुसार आमके सांगलो, जेके हुन आपन खुद ठानुन रये

2 थिस्सलुनीकियो 2:8

तेबे हुन अधरमी परकट होयेदे, जोन के परबु ईशु आपलो टोंड चो फुक ले मारून पकाये दे, आउर आपलो ऐतो दाय चो तेज ले भसम करेदे।

2 तीमुथियुस 1:1

पौलुस चो बाटले जोन, हुन जीवन चो बायदा चो असन जोन मसीह ईशु ने आसे, माहापुरू चो इच्छा ले मसीह ईशु चो पठालोबिता आय,

2 तीमुथियुस 1:8

ऐईकाजे आमचो परबु चो गोहई ले, आउर मोचो ले जोन हुनचो कयदी आंय, लाजे नी हो, मान्तर हुन माहापुरू चो सामरत चो असन नगतखबर चो काजे मोचो संगे दुख उठाव

2 तीमुथियुस 4:1

माहापुरू आउर मसीह ईशु के गोहई करून जोन जीवतामन आउर मरलो बितामन चो नियाय करे दे, आउर हुनचो परकट होतोर आउर राज चो सुद्धि दियाऊन भाती मय तुके हुकुम देयें से

2 तीमुथियुस 4:8

अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

तीतुस 2:11

कसनबल्लोने माहापुरू चो हुन अनुग्रह परकट आसे, जोन सपाय मानेमन चो मुक्ति चो कारन आय,

तीतुस 2:13

आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

तीतुस 3:4

मान्तर जिदलदाय आमचो मुक्तिकरू माहापुरू चो किरपा आउर मानेमन उपरे हुनचो मया परकट होली,

इब्रानियो 10:32

मान्तर हुन पाटे चो दिनमन के सुरता करा, जोन थाने तुमी उजर पाऊन भाती दुकमन चो बड़े भुगतोर ने थीर रलास।

2 पतरस 1:1

शिमोन पतरस चो बाटले, जोन ईशु मसीह चो दास आउर पठालोबिता आय, हुन लोगमन चो नाव जोनमन आमचो माहापुरू आउर मुक्ति करू ईशु मसीह चो धारमिकता ले आमचो असन बड़े मोल बिश्वास परापत करला से।

2 पतरस 1:11

मान्तर ऐई रीति ले तुमी आमचो परबु आउर मुक्ति करू ईशु मसीह चो अमर राज ने बड़े ईजीत चो संगे ओलुक सका से।

2 पतरस 1:3

कसनबल्लोने हुनचो माहापुरू चो सामरत ने सपाय तीज जोन जीवना आउर भक्ति ले सम्बंध संगाऊ आय, आमके हुनचेई पयचान चो दुवारा दिलो से, जोन आमके आपलो ची महिमा आउर सद गुन चो अनुसार हाग दिलो से।

2 पतरस 2:20

जिदलदाय हुनमन परबु आउर मुक्तिकरू ईशु मसीह चो पयचान चो दुवारा संवसार चो नाना परकार चो अशुद्धता ले बाचुन निकरला, आउर फेर हुन थाने फसुन भाती हारला, तेबे हुनमन चो पाचे चो दशा पयले ले बले खराप होऊन गेली से।

2 पतरस 3:18

मान्तर आमचो परबु आउर मुक्तिकरू ईशु मसीह चो अनुग्रह आउर पयचान ने बड़ते जाआ। हुनचेई महिमा ऐबे बले होओ, आउर जुग-जुग होते रओ। आमीन।

2 पतरस 3:2

कि तुमी हुन गोठमन के जोन पवितर अगम गिआनीमन पयले बल्ला सोत, आउर परबु आउर मुक्तिकरू चो हुन हुकुम के सुरता करा जोन तुमचो पठालोबितामन चो दुवारा दिया जाऊ रली।

1यूहन्ना 1:2

ऐ जीवना परकट होली, आउर आमीमन हुनके दकलु, आउर हुनचो गोहई देऊ से, आउर तुमके हुन अमर जिवना चो खबर देऊ से जोन बुआ चो संगे रये आउर आमचो उपरे परकट होलो।

1यूहन्ना 4:14

आमी दकलु से बले आउर गोहई देऊ आंव कि बुआ बेटा के जगत चो मुक्तिकरू करून पठालो से।

प्रकाशितवाक्य 18:1

ऐचो पाचे मय गोटक सरगदूत के सरग ले उतरतोर दकले, जेके बड़े अधिकार मिरू रये; आउर धरतनी हुनचो तेज ले चमकुन उठली।

प्रकाशितवाक्य 2:7

“जेचो कान आसे हुन सुनो कि आत्मा कलीसियामन ले काय बले से। जोन जय पावला, मय हुनके हुन जीवना चो रूकमन थानले जोन माहापुरू चो सरग लोक ने आसे, फल खाऊक देयेंदे।”

प्रकाशितवाक्य 20:14

मरना आउर अधलोक आईग चो झील ने डाला गेला। ऐ आईग चो झील दुसर मरना आय;

प्रकाशितवाक्य 22:14

“धन्य हुनमन आत, जोन आपलो फटीई धोऊ आत, कसनबल्लोने हुनमन के जीवना चो रूक चो लगे ऐतोर अधिकार मिरे दे, आउर हुनमन कपाटमन ले होऊन भाती नंगर ने ओलदे।”

प्रकाशितवाक्य 22:17

आत्मा आउर दुली दुनो बले सोत, “आव!” “आउर सुनतो बिता बले बोलो,” “आव!” “जोन पिआस आसे हुन ऐओ, आउर जोन कोनी चाह ले हुन जीवन चो पानी सेंत मेंत धरो।”