2 थिस्सलुनीकियो 1:3 - Halbi

³ हे भाईमन, तुमचो बारे ने आमके हर समया माहापुरू चो धन्यबाद करते रतोर आय, आउर ऐ ठीक बले आय, ऐईकाजे कि तुमचो बिश्वास खुबे बड़ते जाऊ आय, आउर तुमी सपाय चो मया आपस ने खुबे ची बड़ते जाऊ आय।

परमेस्वर को सच्चो वचन ख जाननू

³ अरे भैय्या हुन, तुमरो बारे म हम ख हर बखत परमेस्वर ख भलो बोलनो जरूरी हैं, अर यू उचित भी हैं, एकोलाने कि तुमरो भरोसा बेजा बढते जावा हैं अर एक दुसरा म तुम सब म प्रेम बेजा ही बढ़ते जावा हैं।

2 थिस्सलुनीकियो 1:3 ပူးပေါင်းရင်းမြစ်များ

लूका 15:32

मान्तर अदायं हरिक करतोर आउर उदम होतोर आसे कसनबल्लोने ऐ तुचो भाई मरून जाऊ रलो, फेर जीवलो से; हाजुन जाऊ रलो, अदायं मिरलो से’।”

लूका 17:5

तेबे पठालोबितामन परबु ले बल्ला, “आमचो बिश्वास बड़ली।”

यूहन्ना 15:2

जोन खेंदा मोचो थाने आसे आउर नी फरे, हुनके हुन गोंदुन देऊ आय; आउर जोन फरू आय, हुनके हुन छाटू आय बल्ले आउर फरो।

रोमियो 1:8

पयले मय तुमी सपाय काजे ईशु मसीह चो बाटले आपलो माहापुरू चो धन्यबाद करेंसे, कसनबल्लोने तुमचो बिश्वास चो चरचा पूईतराय जगत ने होये से।

1 कुरिन्थियो 1:4

मय तुमचो बारे ने आपलो माहापुरू चो धन्यबाद सदा करूं आंय, ऐईकाजे कि माहापुरू चो ऐ अनुग्रह तुमचो उपरे मसीह ईशु ने होली,

2 कुरिन्थियो 10:15

आमी संदी ले बाहरे दुसर चो मसागत थाने घमण्ड नी करूं; मान्तर आमके आशा आसे कि जसन-जसन तुमचो बिश्वास बाड़ते जाय दे असने-असने आमी आपलो संदी चो अनुसार तुमचो लागुन आउर बले बड़ते जांवा।

इफिसीयो 5:20

आउर सदा सपाय गोठमन चो काजे आमचो परबु ईशु मसीह चो नाव ले माहापुरू बुआ चो धन्यबाद करते राहा।

फिलिप्पियो 1:7

ठीक आय कि मय तुमी सपाय चो काजे असने ची बिचार करेंदे, कसनबल्लोने तुमी मोचो मन ने ऐऊन बसलासास, आउर मोचो बन्दी ने आउर नगतखबर चो काजे जबाप आउर सबुत देतो ने तुमी सपाय मोचो संगे अनुग्रह ने शामिल आसास।

फिलिप्पियो 1:9

मय ऐ पारथना करें से कि तुमचो मया गिआन आउर सपाय परकार चो बिबक संगे आउर बले बड़ते जाओ,

1 थिस्सलुनीकियो 3:12

आउर परबु असन करो कि जसन आमी तुमचो ले मया संगाऊ आंव, असने ची तुमचो मया बले आपस ने आउर सपाय मानेमन चो संगे बाड़ो, आउर उन्नती करते जाओ,

1 थिस्सलुनीकियो 3:6

मान्तर ऐबे तीमुथियुस, जोन तुमचो लगले आमचो थाने ऐऊ रलो, तुमचो बिश्वास आउर मया चो नगतखबर सुनालो आउर ऐ गोठ के बले सुनालो कि तुमी सदा मया चो संगे आमके सुरता संगाऊ आस, आउर आमके दकतोर आशा संगाऊ आस, जसन आमी बले तुमके दकुं आंव।

1 थिस्सलुनीकियो 3:9

आउर जसन हरिक तुमचो लागुन आपलो माहापुरू चो पुरे आसे, हुनचो पलटा तुमचो बारे ने आमी कोन रीति ले माहापुरू चो धन्यबाद करूं दे?

1 थिस्सलुनीकियो 4:1

ऐईकाजे हे भाईमन, आमी तुमके गुहार करूं से आउर तुमके परबु ईशु ने समजाऊँ से कि जसन तुमी आमचो ले लायक चाल चलतोर आउर माहापुरू के हरिक करतोर सिकलासास, आउर जसन तुमी चलेसास बले, असने ची आउर बले बड़ते जाहा।

2 थिस्सलुनीकियो 2:1

हे भाईमन, अदायं आमी आपलो परबु ईशु मसीह चो ऐतोर, आउर हुनचो लगे आपलो रूंड़ा होतोर चो बारे ने तुमके गुहार करूंसे

2 थिस्सलुनीकियो 2:13

हे भाईमन, आउर परबु चो लाड़रा लोगमन, जरूरी आय कि आमी तुमचो बारे ने सदा परबु चो धन्यबाद करते रऊँ, कसनबल्लोने माहापुरू मुर ले तुमके चुनुन धरलो कि आत्मा चो बाटले पवितर बनुन भाती, आउर सत चो बिश्वास करून मुक्ति पाआ,

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

2 पतरस 1:13

मय ऐ आपलो काजे अच्छा समजे से कि जिदलदाय ले मय ऐ डेरा ने आसे, हुदलदाय ले तुमके सुद्धि दियाऊन भाती उभारते रयें दे।

2 पतरस 3:18

मान्तर आमचो परबु आउर मुक्तिकरू ईशु मसीह चो अनुग्रह आउर पयचान ने बड़ते जाआ। हुनचेई महिमा ऐबे बले होओ, आउर जुग-जुग होते रओ। आमीन।