Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 पतरस 3:17 - Halbi

17 ऐईकाजे हे लाड़रामन, तुमीमन पयले ची ले ऐ गोठमन के जानुन भाती चेता राहा, बल्ले अधरमीमन चो भरम ने फसुन भाती आपलो ची थीरता के काहांय हाथ ले हजाऊन नी दिआस।

အခန်းကိုကြည့်ပါ။ ကော်ပီ

परमेस्वर को सच्चो वचन ख जाननू

17 एकोलाने अरे प्यारो हुन, तुम अदमी हुन पहले ही से यी ख जान ख हुसयार रह, काहे कि अधर्मी हुन ख भ्रम म फँस ख अपनी मजबूती ख कही हात से घूमा नी दे।

အခန်းကိုကြည့်ပါ။ ကော်ပီ




2 पतरस 3:17
26 ပူးပေါင်းရင်းမြစ်များ  

तुमी केंव नी समजास कि मय तुमचो ले रोटी चो बारे ने नी बल्ले, मान्तर ऐ कि तुमी फरीसीमन आउर सदूकीमन चो खमीर ले खबड़दार राआ।”


ईशु हुनमन ले बल्लो, “दका, फरीसीमन आउर सदूकीमन चो खमीर ले खबड़दार राआ।”


“फंदी अगम गिआनीमन ले खबड़दार राआ, जोन मेंडामन चो भेष ने तुमचो लगे ऐऊ आत, मान्तर भीतर ने हुनमन चिरतो बिता बिगवामन आत।


मान्तर ऐ गोठमन मय ऐईकाजे तुमचो ले बल्ले कि जिदलदाय ऐ मन चो समया ऐओ तेबे तुमके सुरता ऐऊन जाओ कि मय तुमचो ले पयले ची बोलुन देऊ रये।” “मय मुर ले तुमचो ले ऐ गोठमन ऐईकाजे नी बल्ले कसनबल्लोने मय तुमचो संगे रये।


आउर हुनमन पठालोबितामन ले सिक्या पाऊक, आउर संगत संगाऊक, आउर रोटी टुटाऊक, आउर पारथना करतो ने मतभुल रवत।


कसनबल्लोने असन लोग आमचो परबु मसीह चो नुआत, मान्तर आपलो पेट चो सेवा करू आत; आउर खुदचारी गोठमन ले सीदा-सादा मन चो लोगमन के फुसयान देऊ आत।


ऐईकाजे जोन समजु आय, “मय थीर आंसे,” हुन चलाक रओ कि काहांय घसरुन नी पड़ो।


ऐईकाजे हे मोचो लाड़रा भाईमन, जमखम आउर अटल राआ, आउर परबु चो काम ने हरमेशा बड़ते जाहा, कसनबल्लोने ऐ जानास कि तुमचो मसागत परबु ने फकाहा नुआय।


मान्तर मय डरें से कि जसन सांप आपलो चलाकी ले हव्वा के बहकालो, असने ची तुमचो मन हुन सोज आउर पवितरता ले जोन मसीह चो संगे होतोर आय, काहांय खराप नी करा जाओ।


तुमी जोन नियम चो बाटले धरमी ठेबुक चाहायसास, मसीह ले अलग आउर अनुग्रह ले घसरुन गेलासास।


तेबे आमी पहिल ले लेका नी रऊँ जोन मानेमन चो ठग-बिदया आउर चलाक ले, हुनमन चो भरम चो फान्दामन चो आउर उपदेश चो हरकोनी लेहरा ले उदलाया आउर ऐ बाटे-हुन बाटे किन्दराया जाऊ आहास।


कुकूरमन ले चलाक राआ, हुन घिन-घिना काम करतो बितामन ले चलाक राआ, हुन काट कोट करतो बिता ले बाचुन राहा।


मान्तर मय देंह चो भाव ले तुमचो ले लापी आसे, तेबले बले आत्मिक भाव ले तुमचो लगे आसे, आउर तुमचो बने बुनाया जीवना के आउर तुमचो बिश्वास चो, जोन मसीह ने आसे, जमखम दकुन भाती हरिक होऊँ आंय।


चेत ने राहा कि कोनी तुमके हुन तत्व गिआन आउर फकाहा धोका चो लागुन आपलो अहेर नी बना ओत, जोन मानेमन चो रीति बिदीमन आउर संवसार चो मुर सिक्या चो अनुसार तो आय, मान्तर मसीह चो अनुसार नुआय।


तुय बले हुनचो ले खबड़दार रा, कसनबल्लोने हुन आमचो गोठमन चो खुबे ची बिरूद करलो से।


कसनबल्लोने आमी मसीह चो शामिल होलु से, अगर आमी आपलो पयला भरसा थाने आखरी ले मजबूत ले थीर रवां।


बिश्वास ने जमखम होऊन भाती, आउर ऐ जानुन भाती हुनचो सामना करा कि तुमचो भाई जोन संवसार ने आसोत असने ची दुख-सहे सोत।


आउर धरमी लूत के जोन अधरमीमन चो अशुद्ध चाल-चलन ले खुबे दुखी रये छुटकारा दिलो।


हे लाड़रामन, अदायं मय तुमके दुसर चिठ्ठी लिकें से, आउर दुनो थाने सुरता दियाऊन भाती तुमचो शुद्धमन के उभरायें से,


“ऐईकाजे सुरता कर कि तुय काहां ले घसरली सीस, आउर मन फिराव आउर पयले चो असन काम कर; अगर तुय मन नी फिरासे, तो मय तुचो लगे ऐऊन भाती तुचो पटेरा के हुनचो जगा ले गुचाऊन देयेंदे।”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ