2 पतरस 3:14 - Halbi

¹⁴ ऐईकाजे, हे लाड़रामन, जसन कि तुमी ऐ गोठमन चो आस दकेसास, तेबे कोशिश करा कि तुमी शान्ति ले हुनचो पुरे निसकलंक आउर निर्दोष ठेबा,

परमेस्वर को सच्चो वचन ख जाननू

¹⁴ ऐको लाने, अरे प्यारो हुन, जब कि तुम यी बात हुन कि आस देखह हैं, कि ते प्रयास कर कि तुम सान्ति से ओखा सामने बेदाग हैं अर बेगुना रह,

2 पतरस 3:14 ပူးပေါင်းရင်းမြစ်များ

मत्ती 24:26

ऐईकाजे अगर हुनमन तुमचो ले बोल दे, ‘दका, हुन रान ने आसे’, तेबे बाहरे नी निकरून जाआ; नाहले ‘दका, हुन बाकरामन ने आसे’, तेबे बिश्वास नी करा।

मत्ती 25:7

तेबे हुनमन सपाय कुंआरीमन उठून भाती आपलो मशालमन के अच्छा करूक मुरयाला।

लूका 12:43

धन्य आय हुन दास, जेके हुनचो मालिक ऐऊन भाती असने ची करते पाओ।

लूका 2:29

“हे मालिक, अदायं तुय आपलो दास के आपलो बचन चो अनुसार शान्ति ले बिदा करून देस,

1 कुरिन्थियो 1:8

हुन तुमके आखरी तक जमखम बले करें दें कि तुमी आमचो परबु ईशु मसीह चो दिन ने बेकसूर ठेबा।

1 कुरिन्थियो 15:58

ऐईकाजे हे मोचो लाड़रा भाईमन, जमखम आउर अटल राआ, आउर परबु चो काम ने हरमेशा बड़ते जाहा, कसनबल्लोने ऐ जानास कि तुमचो मसागत परबु ने फकाहा नुआय।

फिलिप्पियो 1:10

ऐथा ले कि तुमी अच्छा ले अच्छा गोठमन के लाडरा जाना, आउर मसीह चो दिन तक सत बनुन राआ, आउर ठोकर नी खाआ;

फिलिप्पियो 2:15

बल्ले तुमी बेकसूर आउर सीदा होऊन भाती टेड़ा आउर ऐड़जा लोगमन चो मंजी माहापुरू चो निसकलंक पिला बनुन राआ, जोनमन चो मंजी ने तुमी जीवना चो बचन धरून भाती जगत ने जरतो दियामन चो असन दका देऊ आहास

फिलिप्पियो 3:20

मान्तर आमचो खुद चो देश सरग उपरे आसे; आउर आमी गोटक मुक्ति करता परबु ईशु मसीह चो हुता ले ऐतोर बाट टाकलु से।

1 थिस्सलुनीकियो 3:13

बल्ले हुन तुमचो मन-मन के असन थीर करो कि जिदलदाय आमचो परबु ईशु आपलो सपाय पवितर लोगमन चो संगे ऐओ, तेबे हुनमन आमचो माहापुरू आउर बुआ चो पुरे पवितरता ने बेकसूर ठेबोत।

1 थिस्सलुनीकियो 5:23

शान्ति चो माहापुरू खुदे ची तुमके पुरा रीति ले पवितर करो; आउर तुमचो आत्मा आउर जीव आउर देंह आमचो परबु ईशु मसीह चो ऐतो दाय ले पुरा आउर बेकसूर सुरक्षित रओत।

1तीमुथियुस 6:14

कि तुय आमचो परबु ईशु मसीह चो परकट होओत ले ऐ हुकुम के निसकलंक आउर बेकसूर संगाव,

इब्रानियो 9:28

असने ची मसीह बले खुबेमन चो पापमन के उठाऊन धरतो काजे गोटक हार बलिदान होलो; आउर जोन लोग हुनचो बाट टाके सोत हुनमन चो मुक्ति चो काजे दुसरहार बिना पाप उठाऊन भाती दका देये दे।

याकूब 1:27

आमचो माहापुरू आउर बुआ चो लगे शुद्ध आउर निंगल भक्ति ऐ आय कि पोरटामन आउर रान्डीमन चो कलेश ने हुनमन चो सुद्धि धरो, आउर आपन खुद के संवसार ले निसकलंक संगाओ।

1 पतरस 1:7

आउर ऐ ऐईकाजे आय कि तुमचो परकलो बिती बिश्वास, जोन आईग ले तपालो बिती नाश होतो बिती सोना ले बले कितलो आगर बड़े मोल आय, ईशु मसीह चो परकट होलो ने परशंसा आउर महिमा आउर मान चो कारन ठेबला।

2 पतरस 3:1

हे लाड़रामन, अदायं मय तुमके दुसर चिठ्ठी लिकें से, आउर दुनो थाने सुरता दियाऊन भाती तुमचो शुद्धमन के उभरायें से,

2 पतरस 3:16

हुसने ची हुन आपलो सपाय चिठ्ठीमन ने बले ऐ गोठमन चो चरचा करलो से, जोन थाने कितलो गोठमन असन आय जेके समजतोर मशकिल आय, आउर अपढ़ आउर चुल-चुल लोग हुनचो अरतमन के बले पवितर शास्त्र चो दुसर गोठमन चो असन बड़ा-चड़ा करून आपलो ची नाश चो कारन बनाऊ आत।

1यूहन्ना 3:3

आउर जोन कोनी हुनचो उपरे ऐ आशा संगाऊ आय, हुन आपन खुद के असने ची पवितर करू आय जसन हुन पवितर आय।