2 पतरस 2:3 - Halbi

³ हुनमन लोग चो काजे गोठमन गडुन भाती तुमके आपलो लाब चो कारन बना दे, आउर जोन डण्ड चो हुकुम हुनमन उपरे पयले ले होऊन चुकली से हुनचो ऐतोर ने काई बले बेर निआय, आउर हुनमन चो बिनाश झुमु नुआय।

परमेस्वर को सच्चो वचन ख जाननू

³ वी लालच का लाने बात हुन गढ़ ख तुम ख अपनो लालच को लाने बनाएगो, अर जो सजा को हुकुम उन पर पहले ही से हो चुको हैं ओको आवन म कुछ भी देर नी होए, अर उनको नास निकल नी।

2 पतरस 2:3 ပူးပေါင်းရင်းမြစ်များ

मत्ती 23:14

(हे कपटी शास्तरीमन आउर फरीसीमन, तुमचो उपरे हाय! तुमी रान्डीमन चो घरमन के खाये सास, आउर दकातो काजे बड़े बेर ले पारथना करते रऊ आस: ऐईकाजे तुमके खुबे डण्ड मिरेदे।)

लूका 18:8

मय तुमचो ले बलेंसें, हुन तुरते हुनमन चो नियाय चुकाय दे। तेबले बले माने चो बेटा जिदलदाय ऐये दे, तेबे काय हुन धरतनी थाने बिश्वास पाये दे?”

लूका 20:20

आउर हुनमन हुनचो दाँव टाकला आउर खुदेयार पठाला कि धरम चो भेष धरून भाती हुनचो कोनी ना कोनी गोठ धरो, बल्ले हुनके मुखिया चो हाथे आउर अधिकार ने सोपुन देओ।

लूका 22:47

हुन ऐ बोलते ची रलो कि गोटक भीड़ ईली, आउर हुन बारा झान ले गोटक जेचो नाव यहूदा रये हुनमन चो पुरे-पुरे ऐते रये। हुन ईशु चो लगे ईलो कि हुनचो चुमा धरो।

यूहन्ना 2:16

आउर परेयां बिकतो बितामन ले बल्लो, “ऐ मन के ऐथा ले निआ। मोचो बुआ चो घर के बेबार चो घर नी बनाआ।”

रोमियो 16:18

कसनबल्लोने असन लोग आमचो परबु मसीह चो नुआत, मान्तर आपलो पेट चो सेवा करू आत; आउर खुदचारी गोठमन ले सीदा-सादा मन चो लोगमन के फुसयान देऊ आत।

2 कुरिन्थियो 2:17

कसनबल्लोने आमी हुन खुबेमन चो असन नाई जोन माहापुरू चो बचन ने मिलावट करू आत; मान्तर मन चो सत ले आउर माहापुरू चो बाटले माहापुरू के हाजिर जानुन भाती मसीह ने बोलु आंव।

1 थिस्सलुनीकियो 2:5

कसनबल्लोने तुमी जानेसास कि आमी ना तो केबीई चापलुसी चो गोठमन करा करते रऊँ, आउर ना लोभ चो काजे बाहना करते रऊँ, माहापुरू गोहई आसे;

1 थिस्सलुनीकियो 5:3

जिदलदाय लोग बोलते रदे, “अच्छा आय, आउर काई डर निआय,” तेबे हुनमन उपरे हटात्रे बिनाश ऐऊन पड़े दे, जसन परकार देंहबारी चो उपरे दुका; आउर हुनमन कोनी रीति ले नी बाचदे।

1तीमुथियुस 3:3

मतवार नाहले मारपेट करतो बिता नी होओ; मान्तर कोमल होओ, आउर ना झगड़ाहा, आउर ना धन चो लालची होओ।

1तीमुथियुस 3:8

असने ची सेवकमन के बले गंभीर होतोर जरूरी आय, दुयरंगी, मतवार आउर नीच कमाई चो लोभीई नी होओ;

1तीमुथियुस 6:5

आउर हुन मानेमन ने फकाहा झगड़ा-डण्ड उपजास होऊ आय जोनमन चो बुद्धि नसुन गेली से, आउर हुनमन सत ले अलग होऊन गेला से, जोन समजे सोत कि भक्ति कमाई चो बाट आय।

तीतुस 1:11

ऐ मन चो मुंह बन्द करतोर आसे। ऐ लोग नीच कमाई चो काजे गलत गोठमन सिकाऊन भाती घर चो घर नसाऊन देऊ आत।

तीतुस 1:7

कसनबल्लोने अध्यक्ष के माहापुरू चो भण्डारी होतोर लागुन बेकसूर होतोर आसे; ना टेकाहा, ना रीसाआ, ना मतवार, ना मारपेट करू बिता, आउर ना नीच कमाई चो लोभीई होओ,

1 पतरस 2:8

आउर, “ठेच लगतोर पकना आउर ठोकरना खातोर चटान होऊन गेली से,” कसनबल्लोने हुनमन तो बचन के नी मानुन भाती ठोकरना खाऊ आत आउर ऐईकाजे हुनमन ठेबाया बले जाऊ रवत।

1 पतरस 5:2

कि माहापुरू चो हुन गोहड़ी, जोन तुमचो मंजी ने आसे राका करा; आउर ऐ दबाव ले नाई मान्तर माहापुरू चो इच्छा चो अनुसार हरिक ले, आउर नीच-कमाई चो काजे नाई मान्तर मन लगान भाती कर।

2 पतरस 1:16

कसनबल्लोने जिदलदाय आमीमन तुमके आपलो परबु ईशु मसीह चो सामरत चो आउर आगमन चो खबर देऊ रलु, तेबे हुन चलाक ले घड़लो बिती कहनीमन चो नकल नी रली मान्तर आमीमन खुद ची हुनचो परताप के दकु रलु।

2 पतरस 2:1

जोन परकार हुन लोगमन ने फंदी अगम गिआनी रवत, हुनी परकार तुमचो थाने बले फंदी उपदेशक हो दे, जोन नाश करतो बिता पाखंडी चो उदघाटन लुकुन-लुकुन भाती कर दे, आउर हुन मालिक चो जोन हुनमन के घेनलो से इन्कार कर दे, आउर आपन खुद के झटके बिनाश ने डाल दे।

2 पतरस 2:9

तेबे परबु भगतमन के परीक्षामन थानले निकरातोर आउर अधरमीमन के नियाय चो दिन ले डण्ड चो दसा ने संगाऊक बले जाने,

यहूदा 1:11

हुनमन उपरे हाय! कसनबल्लोने हुनमन कैन चो असन चाल चलला, आउर भुती चो काजे बिलाम चो असन नसुन गेला से, आउर कोरह चो असन बिरूद करून नशला सोत।

यहूदा 1:15

कि सपाय चो नियाय करो, आउर सपाय भक्तिहीनमन चो हुनमन चो अभक्ति चो सपाय काममन चो बारे ने जोन हुनमन भक्तिहीन होऊन भाती करला से, आउर हुन सपाय कठोर गोठमन चो बारे ने जोन भक्तिहीन पापीमन हुनचो बिरूद ने बल्ला से, दोषी ठेबाओ।

यहूदा 1:16

ऐमन तो असंतुष्ट, गुरमुरतो बितामन, आउर आपलो मनमानी चो अनुसार चलु बितामन आत, आउर आपलो मुंह ले घमण्ड चो गोठमन बोलु आत, आउर हुनमन लाब चो काजे मुंह दका बड़ाई करू आत।

यहूदा 1:4

कसनबल्लोने कितलो असन माने खुसराय आमचो ने ऐऊन मिसला से, जोनमन ले ऐ डण्ड चो चरचा जुना समया ने पयले ची ले लिका जाऊ रये: ऐ भक्तिहीन आत, आउर आमचो माहापुरू चो अनुग्रह के ढीला-ढाला ने पलटून देऊ आत, आउर आमचो गोटक मात्र मालिक आउर परबु ईशु मसीह चो इन्कार करू आत।

यहूदा 1:7

जोन रीति ले सदोम आउर अमोरा आउर हुनचो लगे-लगे चो नंगर, जोन ऐ मन चो असन बेबीचारी होऊन जाऊ रओत आउर पराया देंह चो पाटे लगुन जाऊ रओत, आईग चो अमर डण्ड ने पडुन भाती कहनी ठेबला से।