2 पतरस 1:9 - Halbi

⁹ कसनबल्लोने जेचो थाने ऐ गोठमन निआय, हुन आन्दा आय आउर झांवर दकु आय, आउर आपलो पयले चो पापमन ले धोऊन भाती शुद्ध होतो के भुलकुन बसलो से।

परमेस्वर को सच्चो वचन ख जाननू

⁹ काहेकि जे म यी बात हुन नी आय, उ अंधो आये अर धुँधलो देखह हैं, अर अपनो पिछलो पाप हुन धोखा ख सुध्द होन को लाने भूल बैठो हैं।

2 पतरस 1:9 ပူးပေါင်းရင်းမြစ်များ

मरकुस 10:21

ईशु हुनचो उपरे नंजराऊन भाती हुनचो ले मया करलो, आउर हुनचो ले बल्लो, “तुचो ने गोटक गोठ चो कमी आसे। जा, जोन काई तुचो आय हुनके बिकुन भाती कंगालमन के देऊन देस, आउर तुके सरग ने धन मिरेदे, आउर ऐऊन भाती मोचो पाट-पाट हो।”

लूका 18:22

ऐ सुनुन भाती ईशु हुनचो ले बल्लो, “तुचो थाने ऐबे बले गोटक गोठ चो कमी आसे, आपलो सपाय काई बिकुन भाती कंगालमन के बाटुन देस; आउर तुके सरग ने धन मिरे दे, आउर ऐऊन भारी मोचो पाट-पाट हो।”

रोमियो 6:11

असने ची तुमी बले आपन खुद के पाप चो काजे तो मरा, मान्तर माहापुरू चो काजे मसीह ईशु ने जीव समजा।

गलातियो 5:13

हे भाईमन, तुमी छुटछाड़ाया होतो काजे हाग दिया गेलासास; मान्तर असन नी होओ कि ये छुटछाड़ा देंह चो काममन काजे मवका बनो, मान्तर मया ले गोटक दुसर चो दास बना।

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

इफिसीयो 5:26

कि हुनके बचन चो दुवारा पानी चो नाहलो ले शुद्ध करून पवितर बनाओ,

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

इब्रानियो 9:14

तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा।

1 पतरस 3:21

हुनी पानी चो कहनी बले, बल्लोने डूबन, ईशु मसीह चो जीव उठलोर दुवारा, अदायं तुमके बचाऊ आय; ऐचो ले देंह चो मईल के धुर करतोर मतलब नुआय, मान्तर शुद्ध बिबक ले माहापुरू चो वश ने होऊन जातोर मतलब आय।

1यूहन्ना 1:7

मान्तर अगर जसन हुन उजर ने आसे, असने ची आमी बले उजर ने चलुन्दे, तेबे गोटक दुसर ले सामिलता संगाऊ आव, आउर हुनचो बेटा ईशु चो लऊ आमके सपाय पापमन ले शुद्ध करू आय।

प्रकाशितवाक्य 3:17

“तुय बले सीस कि मय धनी आय आउर सवकार होऊन गेलेसे आउर मोके कोनी तीज चो कमी निआय; आउर ऐ नी जानीस कि तुय अभागा आउर तुच्छ आउर कंगाल आउर काना आउर फटीई नाहलो आस।”